Նորություններ

27.08.2021

2021 жылғы қаңтар-маусымда өзара сауда көлемі 31,9% өсті

Өзара сауданы қалпына келтіру жоғары қарқынмен жүргізілуде. Биылғы қаңтар-маусымда өзара сауда көлемі 32,8 млрд АҚШ долларын құрады, бұл 2020 жылғы қаңтар-маусымдағы көрсеткіштен 31,9% артық.

Өзара саудадағы экспорт көлемінің өсуі Одақтың барлық мемлекетінде тіркелді. Мейлінше көп өсім Қырғызстанда (55,2%) және Қазақстанда (42,5%) байқалды.

ЕАЭО-ның жалпы сыртқы сауда көлеміндегі өзара сауданың үлесі 14,8%-ға дейін (2020 жылғы қаңтар-маусыммен салыстырғанда өсім 0,6 п.п.) артты.

ЕАЭО-ның өзара сауда көлемі, ЕАЭО мемлекеттерінің өзара саудадағы үлес салмағы туралы ақпарат және ірілендірілген тауар топтары бойынша деректер Еуразиялық экономикалық комиссияның Статистика департаментінің ай сайынғы талдамалы шолуында ұсынылған.