қаз

Бәсекелестік және монополияға қарсы реттеу

Бәсекелестік және монополияға қарсы реттеу жөніндегі Алқа мүшесі (Министр) Сұлтанов Бақыт Тұрлыханұлы
Төрағаның қабылдау бөлмесі тел. 8 (495) 669-24-14

тақырыбы бойынша жаңалықтар «Бәсекелестік және монополияға қарсы реттеу»

22 Sep 2023 Бақыт Сұлтанов: "ЕЭК-тің мемлекеттік сатып алу саласындағы қызметі ЕАЭО өнім берушілерінің жалпы және барлығына түсінікті қағидалармен ортақ нарыққа қол жеткізуін қамтамасыз етеді" Еуразиялық экономикалық комиссияның Бәсекелестік және монополияға қарсы реттеу жөніндегі министрі Бақыт Сұлтанов Санкт-Петербургтегі VII халықаралық келісімшарттық қатынастар форумы барысында ЕЭК-тің мемлекеттік сатып алу саласындағы жұмысының негізгі бағыттары туралы айтып берді. Министрдің сөзінше, Одақ мемлекеттерінің мемлекеттік сатып алу нарығының көлемі жыл сайын өсу үстінде. "2022 жылдың қорытындысы бойынша ол 190 млрд доллардан асты, бұл 2021 жылғыдан 20% жоғары. Еуразиялық сатып алуға қатысушылардың іс жүзінде 100%-ы өз жеткізушілері мен ЕАЭО-ға мүше басқа мемлекеттердің жеткізушілері екендігіне назар аударғым келеді", — деп атап көрсетті Бақыт Сұлтанов. Жалпы сессия барысында қатысушылар мемлекеттік сатып алу саласындағы бәсекелестіктің бұзылу жағдайларын, сондай-ақ жиналғандардың пікірінше, ағымдағы экономикалық жағдаятты ескере отырып өзгеруге тиіс сатып алу процесін реттеуді талқылады. Министр Комиссияның мемлекеттік сатып алу саласындағы жұмысының негізгі бағыттарының бірі — тосқауылдарды жою жөніндегі қызмет деп атады. "Комиссия тосқауыл тақырыптамасы бойынша жұмысты үнемі жүргізіп келе жатқанын айтсам деймін. ЕАЭО туралы шартта негізгі қағидат — сатып алуда ұлттық режимді ұсыну көзделген. Бұл елдің тауарларға, жұмыстарға және көрсетілетін қызметтерге, сондай-ақ Одақтың басқа мемлекеттерінің жеткізушілеріне өз тауарлары мен жеткізушілерінен кем емес қолайлы режим мен жағдайды ұсынуы керек деген білдіреді", деп атап өтті Бақыт Сұлтанов. ЕЭК министрі ұлтүсті органның жұмысындағы тағы бір маңызды бағыт деп сатып алу процесін цифрландыруды атады. Комиссия ЕАЭО елдерімен мемлекеттік сатып алу мақсаты үшін электрондық цифрлық қолтаңбаны тану мәселесін белсенді түрде пысықтауда. Атап айтқанда, "бестік" елдерінің уәкілетті мемлекеттік органдарының өкілдерімен бірлесіп Еуразиялық сатып алуда ЭЦҚ-ты танудың бірыңғай қағидалары әзірленуде. Осымен бір мезгілде, елдерде осы қағидаларды қабылдау бойынша ЕЭК-ке өкілеттік беру туралы түзетулер ратификациялау сатысында тұр. "Бестік" мемлекеттерінде ЕАЭО туралы шартқа мемлекеттік сатып алу саласындағы цифрландыру мүмкіндіктерін кеңейтетін түзетулер пулы да дайындалып, мақұлданды. Олардың арасында сатып алуды міндетті өткізу және олардың қорытындылары бойынша электрондық форматта шарттар жасасу туралы нормаларды бекіту, сатып алуды өткізу мерзімін қысқарту және басқалар бар. Министр мемлекеттік сатып алуды цифрландыру жұмысы шеңберіндегі интерактивті карта туралы айтып берді. Бұл жаңалық тауарлардың өзара дендеп енуі мен жеткізушілердің бір-бірінің мемлекеттік сатып алуына қатысуы туралы көрнекі ақпаратты қамтитын болады. "Мұндай инфографиялық функционал мемлекеттік органдар мен бизнеске сатып алу құрылымы туралы өзекті мәліметтерді алуға және оларды тиісті басқару шешімдерін қабылдау үшін, соның ішінде сұранысқа ие өнім өндірісін оқшаулау үшін пайдалануға мүмкіндік береді", — деп түйіндеді Бақыт Сұлтанов.
20 Sep 2023 ЕЭК Алқасы монополияға қарсы тергеп-тексеру барысында мәліметтерді ұсынбағаны үшін қағаз өндірушіге айыппұл салды Еуразиялық экономикалық комиссия Алқасының шешімімен қағаз өндірушіге – ресейлік целлюлоза-қағаз зауытына, кәсіпорынның басқарушы компаниясына, сондай-ақ бас директорға қағаздың орамдар мен парақтардағы трансшекаралық нарығында бәсекелестік қағидаларының бұзылуы мүмкін екендігі фактісі бойынша тергеу барысында ақпарат бермегені үшін айыппұл салынды. ЕЭК монополияға қарсы блогы жекелеген қағаз өндірушілердің орамдар мен парақтардағы үстем жағдайын теріс пайдалану және олардың Еуразиялық экономикалық одақ туралы шарт тыйым салған бәсекелестікке қарсы келісімдерді жасасу белгілері бойынша тергеп-тексеруді бастады.  Материалдарды қарау шеңберінде Комиссия "Турин целлюлоза-қағаз зауыты" АҚ-дан, "ТУРА "ӨК" ЖШҚ басқарушы компаниясынан және оның бас директорынан қажетті ақпаратты сұратты. Сұрату тауар нарығын талдау, негізгі шаруашылық жүргізуші субъектілерді және олардың нарықтағы үлесін айқындау үшін қажетті стандартты мәліметтерді ұсынуға қатысты болды. Алайда белгіленген мерзімде шаруашылық жүргізуші субъектілер сұратылған мәліметтерді ұсынған жоқ. ЕЭК Бәсекелестік және монополияға қарсы реттеу жөніндегі министрі Бақыт Сұлтановтың айтуынша, Комиссия шаруашылық жүргізуші субъектілерге екі рет сауал жолдады, адресаттардың бұл хаттарды алғаны туралы ақпарат бар, бірақ ұлтүсті органның өтініші еленбеді. Осы факт бойынша Комиссия аталған заңды тұлғалар мен басқарушы компания басшысына қатысты іс қозғап, істі қарады. "Тергеп-тексеру нәтижелері сұрату нәтижесінде алынған ақпарат жиынтығына негізделгенін атап өткен жөн. Деректердің толық болмауына байланысты Комиссия нарықтық экономика мен адал бәсекелестік қағидаттарын қолдауға бағытталған өз өкілеттіктерін толық көлемде іске асыра алмайды", — деп атап өтті министр. ЕЭК Алқасының шешімі жарияланған сәтінен бастап 30 күн өткен соң заңды күшіне енеді.
12 Sep 2023 Бақыт Сұлтанов: "Комиссияның бүгінгі бәсекелестік саясаты өңірлендіруге бағытталған әлемдік үрдістен соң өзгереді" Еуразиялық экономикалық комиссияның Бәсекелестік және монополияға қарсы реттеу жөніндегі министрі Бақыт Сұлтанов Бейжіңде (ҚХР) өткен Әділ бәсекелестік саясаты жөніндегі халықаралық форумда сөйлеген сөзінде Еуразиялық экономикалық комиссияның бәсекелестік саясатын дамытуының негізгі бағыттарын айтып өтті. ЕЭК министрі Қытай ЕАЭО елдерінің басым бөлігімен шекаралас екенін, Еуразиялық экономикалық одақтың маңызды сауда әріптестерінің бірі болып табылатынын атап өтті. "2022 жылы Еуразиялық экономикалық одақтың Қытаймен тауар айналымы 30% дерлік өсті. Экспорт шамамен 40%, ал импорт 20% артты. ЕАЭО-ның Қытаймен сауда көлемі 2022 жылы 200 млрд доллардан асты. Осыған байланысты Еуразиялық экономикалық комиссия мен Қытай арасындағы бәсекелестік саласындағы ынтымақтастықты арттыра түсу өте маңызды", — деп атап өтті Бақыт Сұлтанов. ЕЭК министрінің пікірінше, монополияға қарсы ведомстволардың бәсекелестік саясатын дамыту векторы бейжаһандану мен өңірлендіру әсерінен өзгеруде. Өңірлік интеграциялық бірлестіктер көбірек назарға ілінеді. Сондай-ақ цифрлық нарықтарда әділ бәсекелестікті қолдауға бағытталған оңтайлы құралдарды іздеу бойынша қарқынды жұмыс жалғасуда. "Цифрлық орта монополияға қарсы ведомстволар үшін жаңа сын-қатерді білдіреді. Әлемдік деңгейде оны реттеу жөніндегі бастамалар талқылануда. Ұсыныстар әртүрлі және мұқият назар аударуды әрі мұқият зерделеуді қажет етеді", – деп толықтырды ЕЭК министрі. Форум аясында Бақыт Сұлтанов ҚХР Ұлттық монополияға қарсы бюросының басшысы Гань Линьмен кездесті. ЕЭК пен Қытайдың монополияға қарсы реттеушісінің өзара іс-қимылын талқылай отырып, Бақыт Сұлтанов бәсекелестік қағидаларын бұзу және тауар нарықтарын зерттеу бойынша тергеп-тексеру жүргізу тәжірибесімен белсенді алмасуды жалғастыру қажет екенін атап өтті. "Бүгінгі таңда Қытайдың бәсекелестік заңнамасын озық деп атауға болады. Мұнда алғашқылардың бірі болып цифрлық нарықтардағы IT-алыптардың қызметін заңнамалық тұрғыдан реттеу әрекеті жасалды. Біз бұл тәжірибені зерделеп, оның озық жаңартпашылығын кейіннен Одақ құқығына енгізгіміз келеді", – деді Бақыт Сұлтанов. Кездесу қорытындысы бойынша Комиссия "Бір белдеу – бір жол" бағдарламасы шеңберінде биылғы қазан айында өтетін бәсекелестік бойынша оқу курсына сараптамалық деңгейде қатысуға шақыру алды. Бүгінгі таңда ЕЭК пен ҚХР-дың бәсекелестік саласындағы өзара іс-қимылы 2018 жылы қол қойылған Сауда-экономикалық ынтымақтастық туралы келісіммен, сондай-ақ 2021 жылғы Бәсекелестік саясат және монополияға қарсы реттеу саласындағы өзара түсіністік туралы меморандуммен рәсімиленген. ЕЭК Протокол және ұйымдастырушылық қамтамасыз ету департаментінің Ақпараттық қамтамасыз ету бөлімі
07 Sep 2023 Минскіде ЕЭК өкілдері бизнестің ЕАЭО трансшекаралық нарықтарындағы бәсекелестік және Еуразиялық мемлекеттік сатып алуға қол жеткізу туралы сұрақтарына жауап берді Еуразиялық экономикалық комиссияның бәсекелестік жөніндегі блогының Қоғамдық қабылдауына қатысушылар Еуразиялық экономикалық одақ елдерінің мемлекеттік сатып алуына тең және кедергісіз қол жеткізуді қамтамасыз ету мәселелерін, сондай-ақ ЕАЭО трансшекаралық нарықтарында әділ бәсекелестікті сақтау ерекшеліктерін талқылады. Іс-шара Минскіде 7 қыркүйекте Беларусь Республикасының Монополияға қарсы реттеу және сауда министрлігі мен Беларусь сауда-өнеркәсіп палатасының қолдауымен Беларусь әмбебап тауар биржасының алаңында өтті. ЕЭК Бәсекелестік және монополияға қарсы реттеу жөніндегі министрі Бақыт Сұлтанов атап өткендей, бәсекелестікті бұзушылық туралы Комиссияға келетін өтініштердің төрттен бір бөлігіне жуығы Беларусьтен түседі. "Осыған байланысты біз осындай кездесулердің мақсаты – нақты кейстерде кәсіпкерлерге ЕАЭО трансшекаралық нарықтарына шығу кезінде тап болуы мүмкін ұлтүсті монополияға қарсы құқықты бұзу тәуекелдері туралы айтып беру деп білеміз", – деді ЕЭК министрі. Беларусь бизнесі ЕАЭО елдеріндегі мемлекеттік сатып алуға да белсенді қатысады. Бүгінгі таңда ЕАЭО елдеріндегі сатып алуға кедергісіз қатысуға мүмкіндік беретін Еуразиялық өнеркәсіптік тауарлар тізіліміне Беларусь Республикасының 92 өндірушісінің 7187 тауары туралы мәліметтер енгізілген. Беларусь кәсіпкерлері қойған мәселелерді толық мәнді талқылау үшін отырысқа монополияға қарсы блоктың сарапшыларымен қатар Комиссияның басқа да бейінді блоктарының өкілдері қатысты. "Еуразиялық бестік" елдері өндірушілерінің дәрілік заттардың тіркеу дерекнамасын ЕАЭО талаптарына сәйкес келтірудегі қиындықтары туралы, үшінші елдерден тауарлар экспорты кезіндегі Беларусь кәсіпкерлерінің проблемалары туралы, Одақ шеңберіндегі автомобиль тасымалдары кезінде Шарт нормаларының ықтимал бұзылуы туралы сұрақтар солдарға жолданды. Диалог қорытындысы бойынша ЕЭК өкілдері бизнесті өз құқықтарын қорғау үшін Комиссияның ресурстары мен әлеуетін белсенді пайдалануға, сондай-ақ Қоғамдық қабылдаудың алдағы отырыстарының тақырыбы болуы мүмкін өзекті сұрақтарды жолдап отыруға шақырды. Анықтама Еуразиялық тізілімге 108 өндірушінің (Беларусь Республикасынан — 92, Қазақстан Республикасынан — 6, Қырғыз Республикасынан – 2, Ресей Федерациясынан — 8) 8138 тауары (өнеркәсіптің 15 саласы) кірістірілген.
Тағы да көрсету

Қызметі

Статистика
Пайдалы сілтемелер
Ынтымақтастық туралы меморандумдар
Пайдалы ақпарат​

тақырыбы бойынша шешімдер «Бәсекелестік және монополияға қарсы реттеу»

94
27.09.2023 Решение Совета ЕЭК № 94 О внесении изменения в Решение Совета Евразийской экономической комиссии от 20 декабря 2017 г. № 107
147
25.09.2023 Решение Коллегии ЕЭК № 147 О признании утратившими силу пунктов 1 – 3 Решения Коллегии Евразийской экономической комиссии от 23 августа 2012 г. № 148
142
25.09.2023 Распоряжение Коллегии ЕЭК № 142 О проекте решения Совета Евразийской экономической комиссии «О признании утратившими силу некоторых решений Совета Евразийской экономической комиссии»
141
25.09.2023 Распоряжение Коллегии ЕЭК № 141 О внесении изменений в состав Экспертного комитета по лекарственным средствам
140
25.09.2023 Распоряжение Коллегии ЕЭК № 140 О проекте распоряжения Совета Евразийской экономической комиссии «О мерах, принимаемых по итогам отчета Коллегии Евразийской экономической комиссии о мониторинге выполнения плана разработки технических регламентов Евразийского экономического союза и внесения в них изменений»

нормативтік құжаттар

Ақпарат жоқ

Бағыт бойынша материалдар

24 2021 «Бизнес ЕЭК күн тәртібін айқындауға, ал біз – бизнесті естуге тиіспіз» «Бәсекелестік және құқық» журналында жарияланған, № 1, 2021 ж. Еуразиялық экономикалық комиссияның монополияға қарсы блогы өткен жылы бәсекелестікті қорғау саласында басты ньюсмейкерлердің бірі болды. Реттегіштің ауқымы және жоспарлары: бәсекелестікке қарсы диджитал- практикалармен күрес, бейіндік гайдлайндар әзірлеу, үшінші елдердің компанияларына ЕЭК өкілеттіктерін кеңейту, ұлттық деңгейдегі комплаенс жүйесін енгізу және бизнеспен өзара іс-қимыл жасаудың интерактивтік форматы. 2020 жылғы блок жұмысының басты қорытындылары қандай? 2021 жылға қандай мақсаттар қойылған? Бәсекелестік және монополияға қарсы реттеу жөніндегі Алқа мүшесі (Министр) Арман Абайұлы Шаққалиев әңгімелейді. Монополияға қарсы «цифрмен» реттеу туралы.
24 2021 ЕАЭО цифрлық нарықтарды реттеудің жаңа әдістерін игереді – ЕЭК министрі Еуразиялық экономикалық комиссия ЕАЭО-да бизнес жұмысының жағдайын тұрақты түрде жақсартып отырады және оның бағыттарының бірі монополияға қарсы реттеу механизмдерін жетілдіру болып табылады. 18 ақпандағы Монополияға қарсы форум барысында ЕЭК ұсынғандай, Еуразиялық одаққа монополияға қарсы комплаенс үшін жаңа тәсілдемелер қажет, өйткені қазіргі бар нормалар бірыңғай стандарттарға келтірілмеген. Мәселе соның ішінде цифрлық нарықтарға да қатысты, оларды дамыту пандемияның және оған ілеспе шектеулердің ықпалымен жанданды. ЕЭК қазір бәсекелестікті қорғау бойынша қандай шараларды пайдалануда, ол туралы «Еуразия.Экспертке» берген сұхбатында Бәсекелестік және монополияға қарсы реттеу жөніндегі Алқа мүшесі (Министр) Арман Шаққалиев әңгімелеп берді.
03 2021 ЕЭК Бәсекелестік жөніндегі министрі Арман Шаққалиевпен сұхбат Бастысы - 2025 жылға қарай Еуразиялық экономикалық одақ (ЕАЭО) аумағында халықаралық роумингтің күші жойылады. Ресей азаматтары Қазақстандағы, Армениядағы және басқа да одақ елдеріндегі үй тарифін пайдалана алады.
18 2016 ЕЭК ішкі нарықтар, ақпараттандыру, ақпараттық-коммуникациялық технологиялар жөніндегі министр Карине Минасянның ТАСС ақпараттық агенттігіне берген сұхбаты: «ЕАЭО-дағы инновациялар тәуекелі көтермеленуі тиіс» 2015 жылы Еуразиялық экономикалық одақ жұмыс жасай бастады, оған бүгінде бес ел кіреді: Армения, Беларусь, Қазақстан, Қырғызстан мен Ресей. Егер бұдан 20 жыл бұрын еуразиялық интеграция пайда болған кезде әңгіме сауда ынтымақтастығы туралы болса, қазір күн тәртібі бірте-бірте кеңейді. Қарқынды ақпараттық-технологиялық даму одаққа жаңа сын-қатерлер әкелді. Онлайн-сауданы реттеу, интернет заттары саласындағы заңнама бойынша бірлесе жұмыс істеу, электрондық үкіметтің өзара іс-қимыл жүйесін әзірлеу, тәуекелдік қаржыландыру нарығын құру және жалпы инновацияны бірлесіп дамыту қажеттілігі туды. Сондықтан осы жылы ЕАЭО реттеуші органы Еуразиялық экономикалық комиссия қызметтің жаңа бағытын құрды. Оның негізгі міндеттерінің бірі – бірыңғай цифрлық кеңістік құру, цифрлық технологияларды дамыту. «Еуразиялық апта» форумының қорытындысы бойынша өткен және интеграциялық ынтымақтастықтың жаңа бағытын құрудың бірінші жылдығы қарсаңында Еуразиялық экономикалық комиссияның ішкі нарықтар, ақпараттандыру, ақпараттық-коммуникациялық технологиялар жөніндегі Алқа мүшесі Карине Минасян ТАСС ақпараттық агенттігіне берген сұхбатында бұл салада атқарылып жатқан істер туралы айтып берді.​
0/0

ЕАЭО ресурстары