Жаңалықтар
Одақтағы мемлекеттік сатып алудың үштен екісінен астамы ашық бәсекелестік тәсілдерімен жүзеге асырылады
Еуразиялық экономикалық одақтың мемлекеттік сатып алу көлемінің 2/3 астамы сатып алудың ашық бәсекелестік тәсілдері арқылы жүзеге асырылады, оның 99%-ы электрондық форматта өткізіледі.
Санкт-Петербургте өткен Келісімшарттық қатынастардың халықаралық форумының "ЕАЭО және БРИКС елдерінде мемлекеттік сатып алуды орналастыру мен реттеу ерекшеліктері. Сатып алудағы түйісу нүктелері" секциясында Еуразиялық экономикалық комиссияның Бәсекелестік саясат және мемлекеттік сатып алу саласындағы саясат департаменті директорының орынбасары Нұрлан Бегалиев осы және өзара қатысудың басқа да статистикалық қорытындылары туралы хабарлады.
Нұрлан Бегалиевтің сөзінше, қазіргі жағдайда мемлекеттік сатып алу саласы Одақ елдерінің экономикалық дамуы мен халықаралық ынтымақтастығын кеңейтудің маңызды құралы болып табылады. Көп ретте ЕАЭО-да сол себепті аталған салаға айрықша көңіл бөлінеді.
Комиссия қазір бірқатар бағыт бойынша жұмыс істейді, оларды іске асыру резидент емес жеткізушілерге Одақ аумағындағы мемлекеттік сатып алуға кедергісіз қатысу үшін одан да көп мүмкіндік береді.
Нұрлан Бегалиев осы жұмыстың маңызды нәтижелерінің арасынан ЕАЭО-да мемлекеттік сатып алу үшін банк кепілдіктерін өзара тану туралы халықаралық шартқа қол қоюды, мемлекеттік сатып алу мақсаты үшін электрондық цифрлық қолтаңбаны өзара тану жөнінде қағидалар әзірлеуді, көрсетілген мақсаттар үшін ЕАЭО тауарларының шығарылған елін айқындаудың бірыңғай қағидаларын белгілеу туралы мәселені шешуді атады.
ЕАЭО-дағы мемлекеттік сатып алу бойынша есептілік көрсеткіштерін толық талдаумен осы жерде танысуға болады.
