Жаңалықтар
ЕЭК пен БҰҰ экономикалық күн тәртібі бойынша диалогты дамытуды талқылады
ЕЭК Интеграция және макроэкономика жөніндегі министрі Эльдар Алишеровтың БҰҰ Бас хатшысының экономикалық және әлеуметтік мәселелер жөніндегі орынбасары Ли Цзюньхуамен жұмыс кездесуі барысында Еуразиялық экономикалық комиссияның БҰҰ жүйесінің ұйымдарымен және құрылымдарымен өзара іс-қимылын дамыту және жүйелеу мәселелері талқыланды. Келіссөз Нью-Йорктегі Біріккен Ұлттар Ұйымының штаб-пәтерінде болып өтті.
ЕЭК-тің БҰҰ Өңірлік комиссиялары — БҰҰ ЕЭК, ЭСКАТО және ЭКЛАК-пен, сондай-ақ БҰҰ ұйымдарымен жасасқан ынтымақтастық туралы меморандумдар шеңберіндегі Еуразиялық экономикалық интеграция мәселелері бойынша тиімді диалогы атап өтілді.
"БҰҰ құрылымдарымен диалогтың қалыптасқан форматы ЕЭК-ке реттеушілікті дамытудың өзекті үрдістерінен хабардар болуға, таңдаулы әлемдік практиканы пайдалануға және халықаралық аренада үздік Еуразиялық практиканы ілгерілетуге мүмкіндік береді", — деп атап өтті Эльдар Алишеров.
Кездесу барысында ЕЭК-тің 2025 жылғы шілдеде Орнықты даму жөніндегі жоғары деңгейдегі саяси форумға қатысу мүмкіндігі талқыланды, оның алаңында Комиссия дәстүрлі түрде орнықты даму мақсаттарына қол жеткізуге экономикалық интеграция процестерінің әсері тақырыбы бойынша дөңгелек үстел өткізеді.
Келіссөз қорытындысы бойынша Эльдар Алишеров Ли Цзюньхуаның орынбасарын 2025 жылғы мамырда Минскіде өткен Еуразиялық экономикалық форумға қатысуға шақырды.
