қаз

Жаңалықтар

12.12.2023

ЕАЭО-дағы еңбек нарығы туралы статистикалық зерттеу жарияланды

Еуразиялық  экономикалық комиссияның Статистика департаменті Еуразиялық  экономикалық одақтағы 2018-2022 жылдардағы еңбек нарығы туралы статистикалық зерттеуді жариялады.

Зерттеуде жұмыс күшінің, жұмыспен қамтылғандар мен жұмыссыздардың саны, олардың жынысы, жасы, білім деңгейі бойынша құрамы мен құрылымы туралы деректер келтірілген. Жұмыспен қамтылған халық білім деңгейі, жұмыспен қамтылу мәртебесі және экономикалық қызметінің түрлері бойынша сараланған. Жұмыссыздар білім деңгейі, жұмыс іздеуінің ұзақтығы мен тәсілдері бойынша сараланған. Жинақта тіркелген жұмыссыздықты сипаттайтын көрсеткіштер, жұмыс күшінің қозғалысы мен жұмыс орындары да қамтылған.

2022 жылы ЕАЭО халқының саны 185,5 млн адам болды; жұмыс күшінің саны – 93,4 млн адам (48,2 млн еркек және 45,2 млн әйел), олардың ішінен жұмыспен қамтылғандар саны – 89,5 млн адам. 2022 жылдың соңында тіркелген жұмыссыздық деңгейі жұмыс күші санының 0,9%-ын құрады. Жұмыспен қамту қызметіне жүгінгендердің 72,7%-ы жұмысқа орналастырылды.

Неғұрлым толығырақ ақпарат ЕЭК Статистика департаменті бетіндегі "Еңбек нарығы. 2018-2022 жылдардағы Еуразиялық  экономикалық одақтың статистикасы" жинағында берілген.

ЕАЭО ресурстары