Жаңалықтар
ЕЭК-те сәйкестікті бағалау жөніндегі аккредиттелген органдарды бірыңғай одақтық тізілімге енгізу тәртібінің жаңа ережелерін іске асыру талқыланды
26 шілдеде Еуразиялық экономикалық комиссияның Техникалық реттеу жөніндегі министрі Виктор Назаренконың қатысуымен ЕАЭО-ға мүше мемлекеттерді аккредиттеу жөніндегі органдар басшылары кеңесінің отырысында Еуразиялық экономикалық одақтың сәйкестікті бағалау, оны қалыптастыру және жүргізу жөніндегі органдардың бірыңғай тізіліміне Сәйкестікті бағалау жөніндегі аккредиттелген органдарды енгізу тәртібінің жаңа ережелерін іске асыруды талқылады.
«Тәртіптің жаңа редакциясы аккредиттеу жөніндегі органдар жұмысының тиімділігін қамтамасыз етуге және бірыңғай одақтық тізілімге енгізілген сәйкестікті бағалау жөніндегі олар аккредиттеген органдар қызметінің нәтижелеріне сенімділікті арттыруға бағытталған. Мұндай органдардың жосықсыз қызметіне жол бермеу, сәйкестікті бағалаудың белгіленген рәсімдерін бұзу тәуекелдерін азайту маңызды», - деп атап өтті Виктор Назаренко.
Ағымдағы жылдың 22 шілдесінде Комиссия Кеңесінің 2023 жылғы 22 мамырда қабылданған шешімі күшіне енді, ол сәйкестікті бағалау жөніндегі аккредиттелген органдарды осы аталған органдар одағының бірыңғай тізіліміне енгізу критерийлерін толықтырды.
Басшылар кеңесінің мүшелері Қырғыз Республикасының аккредиттеу жөніндегі органын өзара салыстырмалы бағалаудың бірінші (құжаттық) кезеңінің нәтижелерін қарастырды. Ағымдағы жылдың шілде-тамыз айларында сәйкестікті бағалау бойынша аккредиттелген органдардың қызметін бақылау бойынша өзара салыстырмалы бағалаудың екінші кезеңін өткізу үшін Басшылар кеңесі осындай қырғызстандық органдардың тізбесін белгіледі.
Бұдан басқа, сәйкестікті бағалау рәсімінің бұзылуына байланысты тиісті органдар берген аккредиттеу қолданысы тоқтатылған (немесе аккредиттеу саласы қысқартылған) сәйкестікті бағалау туралы құжаттарға қатысты аккредиттеу жөніндегі органдардың іс-әрекеттері туралы мәселе қаралды. Басшылар кеңесі бақылау (қадағалау) органдарының және (немесе) мүше мемлекеттердің өзге де уәкілетті органдарының сәйкестікті бағалау туралы құжаттардың қолданылуын тоқтата тұру немесе тоқтату (жарамсыз деп тану) жөніндегі бірыңғай тәсілдер туралы Одақтың актісін әзірлеу қажеттігін қолдады.
Анықтама
Еуразиялық экономикалық одаққа мүше мемлекеттерді аккредиттеу жөніндегі органдар басшыларының кеңесі Одақ туралы шартты іске асыру аясында техникалық реттеу саласындағы аккредиттеуді дамыту мақсатында ЕАЭО-ның көмекші органы ретінде Жоғары Еуразиялық экономикалық кеңестің 2018 жылғы 14 мамырдағы № 5 шешімімен құрылды.
