Жаңалықтар

21.02.2022 (Обновлено: 05.03.2022 15:13)

2021 жылы ЕАЭО-дағы өзара сауда рекордтық 72,6 млрд АҚШ долларына жетті

2021 жылы өзара сауда көлемі Еуразиялық экономикалық одақ жұмыс істеген кезең ішінде барынша көп деңгейге жетіп, 72,6 млрд АҚШ долларын құрады. Бұл 2020 жылғыдан 31,9% көп және 2019 жылғыдан 17,8% жоғары.

Өзара саудадағы экспорт көлемінің өсуі Одақтың барлық мемлекетінде тіркелді. Мейлінше көп өсім Қырғызстанда (44,9%) және Қазақстанда (34,9%) байқалды. 

Сыртқы сауда көлемі 844,2 млрд АҚШ долларын құрады, бұл 2020 жылғыдан 35,1% көп. Ковидке дейінгі 2019 жылғы деңгейден 14,7% асып түсті. ЕАЭО-дан тыс елдерге тауарлар экспорты 2021 жыл ішінде 44,1%, импорт 22,6% артты. Одақтан тыс елдерге экспортқа Беларусь (өсім 47,8%) пен Ресей (өсім 47%) мейлінше көп үлес қосты.

Толығырақ ақпарат Статистика департаменті бетіндегі «Тауарлардың сыртқы және өзара саудасының статистикасы» бөлімінде жедеғабыл-шолуда берілген.