кыр

Жаңылыктар

ЕЭК СМИде Фото Видео
11 сентябрындагы 2024 ЕЭК жана КЭР атаандаштык чөйрөсүндө кызматташтыкты бекемдөөдө Евразия экономикалык комиссиясынын Атаандаштык жана монополияга каршы жөнгө салуу боюнча министри Максим Ермолович Ухань шаарында Кытай Эл Республикасынын рыногун жөнгө салуу боюнча Мамлекеттик башкармалыгынын адилет атаандаштык маселелери боюнча улуттук конференциясында ЕЭКтин бир катар демилгелерин сунуштады. Келечектеги өнүгүүнүн негизи катары — адилеттүү атаандаштыкка арналган иш-чарада Максим Ермолович ЕЭКтин атаандаштык укукту жана укук колдонууну өркүндөтүүнүн, ошондой эле Комиссиянын Евразия экономикалык бирлигинин өлкөлөрүнүн улуттук атаандаштык органдары менен натыйжалуу өз ара аракеттенүүсүнүн үстүндө жигердүү ишин белгиледи. Маанилүү жетишкендик катары Картелдерди ачууну жана чек ара аралык рыноктордо атаандаштык чөйрөнү жакшыртууга өбөлгө түзүүчү жоопкерчиликтен бошотуу программасын иштеп чыгуу белгиленди. ЕЭК Министри ЕАЭБ Соту менен бекем байланыштарга жана атаандаштык укукту бир түрдүү колдонууну камсыз кылуудагы анын ролуна көңүл бурду. Максим Ермолович учурдагы көйгөйлүү маселелерди өзүнчө айтып өттү жана Комиссиянын бир катар демилгелерин сунуштады: ЕАЭБде роумингге тарифтерди төмөндөтүү, санариптик маркетплейстерди өнүктүрүү шарттарында электрондук сооданы жөнгө салуу, атаандаштыкты адвокаттоо, алдыңкы тажрыйбалар менен алмашууга мүмкүндүк берген эл аралык кызматташтыктын ийгиликтүү мисалдары. ЕЭК министри Комиссиянын Кытай жана башка өлкөлөр менен өнөктөштүгүн бекемдөө экономикалык өсүшкө жана туруктуу өнүгүүгө өбөлгө түзүүчү жагымдуу атаандаштык чөйрөнү түзүүнү камсыз кылаарына толук ишенимин билдирди. "Кытай ЕЭКтин стратегиялык өнөктөштөрүнүн бири болуп саналат. Биздин кытайлык кесиптештерибиз менен атаандаштык жаатында кызматташууну кеңейтүүнү биз олуттуу потенциалга ээ болгон артыкчылыктуу багыт деп эсептейбиз", – деп баса белгиледи Максим Ермолович.  
Монополияга каршы иликтөөнүн алкагында маалымат бербегендиги үчүн ЕЭК тарабынан салынган айыптар өндүрүлдү 14 майындагы 2024 Монополияга каршы иликтөөнүн алкагында маалымат бербегендиги үчүн ЕЭК тарабынан салынган айыптар өндүрүлдү Комиссиянын кальян-барлардын кызмат көрсөтүүлөрүнүн чек ара аралык рыногунда монополияга каршы иликтөөнүн алкагында маалымат берүү боюнча талаптарын аткарбагандыгы үчүн, Евразия экономикалык комиссиясы "Брютс Н" беларус компаниясын жана анын жетекчисин жоопкерчиликке тартты. Жалпы суммасы жарым миллионго жакын россиялык рублине айып пул салынган. Ишкана жана жетекчи ЕЭК Коллегиясы тарабынан салынган айыптарды өз убагында төлөбөгөндүктөн, Комиссия Коллегиянын тиешелүү чечиминин нускасын Беларустун аткаруу бийлик органдарына мажбурлап аткарууга жөнөткөн. Бул Евразия экономикалык бирлигинин укугу менен каралган. Аткаруу өндүрүшүнүн алкагында Комиссия Беларусь Республикасынын Финансы министрлигинен ишканадан жана кызмат адамынан жазапулдарды өндүрүү жөнүндө билдирүүлөрдү алган. Бирликтин мыйзамдарына ылайык, атаандаштык эрежелерин бузгандыгы үчүн жазапулдар, анын аймагында укук бузган чарбакер субъект катталган мамлекеттин бюджетине төлөнөт.
05 мартындагы 2024 Максим Ермолович Россиянын ФМКсын 20 жылдык мааракеси менен куттуктады Евразия экономикалык комиссиясынын атаандаштык жана монополияга каршы жөнгө салуу боюнча министри Максим Ермолович Россиянын Федералдык монополияга каршы кызматынын жамаатын ведомствонун түзүлгөндүгүнүн 20 жылдыгы менен куттуктады. "Өткөн жылдар аралыгында Кызмат зор тажрыйба топтоду, улуттук мамлекеттик башкаруу органдарынын тутумунда да, бүткүл дүйнөнүн атаандаштык ведомстволорунун коомдоштугунда да абройлуу жана жогорку кесипкөй мамлекеттик институт катары калыптанды. Ак ниет атаандаштыкты камсыздоо, эркин рынок принциптерин, жарандардын жана чарбалык ишмердиктин катышуучуларынын кызыкчылыктарын коргоо – бул биздин өлкөлөрдүн экономикалык өнүгүүсүнүн азыркы этабынын маанилүү жана негизги милдеттеринин бири", — деп белгиледи министр. Маалымат Федералдык монополияга каршы кызматы Россия Президентинин 2004-жылдын 9-мартындагы № 314 Жарлыгы менен түзүлгөн.

Ресурсы ЕАЭС