Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 5851

30 майындагы 2025 ЕЭКте ЕАЭБдеги бажылык жөнгө салууну өркүндөтүү маселелери талкууланды 30-апрелде Евразия экономикалык комиссиясында ЕЭКтин бажылык кызматташтык боюнча министри Руслан Давыдовдун төрагалыгы менен бажылык жөнгө салууну өркүндөтүү боюнча жогорку деңгээлдеги жумушчу топтун отуруму болду. Евразия экономикалык бирлигинин Бажы кодексине киргизилүүчү ЕАЭБдин бажылык чек арасы аркылуу контейнерлерди жөнөкөйлөштүрүп өткөрүүгө тиешелүү түзөтүүлөр талкууланды. Бажылык транзиттин бажылык жол-жобосун колдонуунун натыйжалуулугун жогорулатуу, ошондой эле балык кармоо жана балык продукциясы тууралуу маалымат алмашуу маселелери каралды. Жумушчу топтун катышуучулары өтө сезимтал маселелер боюнча талкууну улантууну макулдашышты. Жумушчу топтун кийинки отурумун ушул жылдын май айында көздөй форматта өткөрүү мерчемделди.

30 майындагы 2025 Максим Ермолович: "Атаандаштык боюнча региондук уюмдардын жолугушуулары дүйнөдөгү көбүрөөк натыйжалуу атаандаштык саясатын иштеп чыгууга жардам берет" Евразия экономикалык комиссиясы Египеттин атаандаштык мекемесинин колдоосу менен Каир шаарында атаандаштык боюнча региондук уюмдардын өкүлдөрүнүн жумушчу жолугушуусун өткөрдү. Ага ЕЭКтин атаандаштык жана монополияга каршы жөнгө салуу боюнча министри Максим Ермолович катышты. ЕЭКтин тармактык блогунун демилгеси менен салтка айланып калган мындай иш-чаралар эл аралык региондук уюмдарга актуалдуу маселелер боюнча конструктивдүү кызматташтык жүргүзүүгө, иш тажрыйбасын алмашууга жардам берет. Бешинчи жолугушуунун катышуучуларынын көңүл борборунда атаандаштыкты натыйжалуу жөнгө салуу практикалары болду. "Биз региондук кызматташтыктын артыкчылыктарын илгерилетебиз, региондор аралык диалогду бекемдеп жана жайылтып жатабыз, алдыңкы атаандаштык практикаларын ар бир региондун муктаждыктарына ыңгайлаштырып жатабыз, жаңы идеяларды жаратып жатабыз, булар акыркы натыйжасында дүйнөдөгү көбүрөөк натыйжалуу атаандаштык саясатына алып келет", — деп эсептейт Максим Ермолович. ЕЭК атаандаштык боюнча региондук уюмдардын жолугушууларын өткөрүүнү уланта берет. Бешинчи жолугушууга Египеттин атаандаштык мекемесинин төрагасы, ЮНКТАДдын өкүлдөрү, Чыгыш жана Түштүк Африканын жалпы рыногунун, Чыгыш Африка коомдоштугунун, Батыш Африка экономикалык жана валюталык бирлигинин, Батыш африкалык мамлекеттердин экономикалык коомдоштугунун, Араб атаандаштык желесинин, Түштүк-Чыгыш Азия мамлекеттеринин ассоциациясынын, БРИКСтин жана Кариб коомдоштугунун өкүлдөрү катышты.

15 майындагы 2025 Арзыбек Кожошев Глобалдык логистикалык альянстын президенти Грейс Сан менен жолугушту Дубайда (БАЭ) өткөн 12-Глобалдык логистикалык конференциянын талааларында 15-18-майда Евразия экономикалык комиссиясынын энергетика жана инфраструктура боюнча министри Арзыбек Кожошевдин Глобалдык логистикалык альянстын президенти Грейс Сан менен жумушчу жолугушуусу болуп өттү. Жолугушуунун жүрүшүндө тараптар транспорт чөйрөсүндө кызматташтыкты өнүктүрүү маселелерин талкуулашты жана мындан аркы кызматташуунун маанилүү багыттарын белгилешти жана Конференциянын салттуу аянтчасы евразиялык транспорттук коридорлорду өнүктүрүүгө жана ЕАЭБ өлкөлөрүнүн транспорт чөйрөсүндө артыкчылыктуу интеграциялык инфраструктуралык долбоорлорду ишке ашырууга өбөлгө түзөрүн белгилешти. "Евразия экономикалык комиссиясы диалогго, өнөктөштүккө жана тажрыйба алмашууга ачык. Биз сиздерди стратегиялык демилгелердин деңгээлинде да, конкреттүү долбоорлордун алкагында да активдүү өз ара аракеттенүүгө чакырабыз", — деп белгиледи Арзыбек Кожошев. Ошондой эле тараптар кезектеги Глобалдык логистикалык конференцияны кызыкдар мамлекеттик органдарды, эл аралык уюмдарды жана бизнес-коомдоштукту тартуу менен Астанада (Казакстан Республикасы) өткөрүү мүмкүнчүлүгүн талкуулашты.

15 майындагы 2025 Бакытжан Сагинтаев Евразиялык кайра камсыздандыруу компаниясынын башкармалыгынын төрайымы Светлана Гусар менен сүйлөшүүлөрдү өткөрдү Евразия экономикалык комиссиясынын Коллегиясынын Төрагасы Бакытжан Сагинтаев Евразиялык кайра камсыздандыруу компаниясынын (ЕКК) башкармалыгынын төрайымы Светлана Гусар менен жумушчу жолугушуу өткөрдү. Жолугушуунун жүрүшүндө Евразия экономикалык бирлигинин өлкөлөрүнүн соодасын өбөлгөлөө үчүн камсыздандыруу ишмердиги чөйрөсүндө кызматташуу маселелери талкууланды. Тараптар жумушчу байланыштарды улантууну жана практикалык өз ара аракеттенүүнү өнүктүрүүнү шартташты.  ЕПК Евразия кайра камсыздандыруу компаниясын түзүү жөнүндө макулдашуунун негизинде ЕАЭБ өлкөлөрү тарабынан 2022-жылдын 20-октябрында түзүлгөн (2023-жылдын 22-ноябрында күчүнө кирген).

15 майындагы 2025 ЕАЭБ — Иран: толук форматтуу эркин соода келишими күчүнө кирди 2025-жылдын 15-майында бир тарабынан Евразия экономикалык бирлиги жана анын мүчө мамлекеттеринин жана экинчи тарабынан Иран Ислам Республикасынын ортосунда Эркин соода жөнүндө толук форматтуу макулдашуу күчүнө кирди. Ал 2019-жылдан бери колдонулуп жаткан чектелген товардык камтуу менен убактылуу макулдашууну алмаштырат жана ЕАЭБ өлкөлөрүнүн өндүрүүчүлөрү үчүн Иран рыногуна жеткиликтүүлүктүн уникалдуу шарттарын түзөт. Алсак, Бирликтен Иранга ташылган товарларга карата ташып кирүү бажы алымынын орточо чени 20%дан 4,5%га чейин төмөндөйт. "Толук форматтагы макулдашууну имплементациялоонун алкагында тараптар 2025-жылдын экинчи жарымына пландаштырылган Биргелешкен комитеттин биринчи отурумун уюштурууга киришти, анын жүрүшүндө Евразия экономикалык бирлиги менен Иран Ислам Республикасынын ортосундагы соода-экономикалык кызматташтыкты андан ары өнүктүрүүнүн конкреттүү маселелерин талкуулоо пландаштырылууда", — деп белгиледи Евразия экономикалык комиссиясынын соода боюнча министри Андрей Слепнев. Жаңы макулдашуу ЕАЭБ менен Ирандын преференциялык жеткиликтүүлүк боюнча өз ара милдеттенмелерин бардык товардык номенклатуранын 90%на карата бекемдейт. Толук форматтагы убактылуу макулдашууга салыштырмалуу тараптардын ортосунда тоскоолдуксуз соода мейкиндигин түзүүгө багытталган жөнгө салуучу бөлүк олуттуу жакшырды. Эксперттердин баалоосу боюнча, аны ишке ашыруу ЕАЭБ менен Ирандын ортосундагы товар жүгүртүүнү эселеп көбөйтүүгө мүмкүндүк берет, ал орто мөөнөттүү келечекте 12 млрд долларга жетиши мүмкүн.

15 майындагы 2025 ЕЭК Өзбекстан менен тамак-аш продукциясынын коопсуздугу чөйрөсүндө өз ара аракеттенүүнү өнүктүрүүдө Евразия экономикалык комиссиясынын штаб-квартирасында Өзбекстан Республикасынын Өкмөтү менен өз ара иштешүү жөнүндө меморандумдун жана 2024-2026-жылдарга биргелешкен иш-чаралардын тиешелүү планынын алкагында ЕЭК тарабынан уюштурулган, Өзбекстан Республикасынын Саламаттык сактоо министрлигине караштуу Санитардык-эпидемиологиялык бакубаттуулук жана коомдук саламаттык комитетинин өкүлдөрү менен семинар болуп өттү. Евразия экономикалык бирлигинин өлкөлөрүнүн жана Өзбекстандын ыйгарым укуктуу мамлекеттик органдарынын жана бир катар илимий уюмдарынын өкүлдөрү өз ара соодада тамак-аш жана башка продукциялардын коопсуздугун камсыздоону талкуулашты. "Өзбекстан Республикасынан кесиптештерибиз менен биздин жолугушууларыбыз үзгүлтүксүз мүнөзгө ээ боло баштады. Алар көптөгөн пайдалуу маалыматтарды алууга, профилдик маселелерди талкуулоого мүмкүндүк берет", — деп белгиледи ЕЭКтин Санитардык, фитосанитардык жана ветеринардык чаралар департаментинин директору Владимир Синкевич. Департаменттин директорунун орун басары Салия Карымбаева өзбекстандык кесиптештерине ЕАЭБде продукциянын коопсуздугунун санитардык-эпидемиологиялык жана гигиеналык талаптарын актуалдаштырууга карата мамилелер жөнүндө маалымдады. Өз кезегинде өзбек тарап "Алиментариус кодекси" комиссиясынын ченемдерине ылайык Өзбекстан Республикасында тамак-аш коопсуздугу тутумун реформалоо боюнча презентацияны сунуштады. Семинардын алкагындагы өз ара иштешүү ЕЭКтин, Өзбекстандын санитардык-эпидемиологиялык кызматтарынын жана Бирлик өлкөлөрүнүн тамак-аш коопсуздугун камсыз кылуу боюнча кызматташтыгын өнүктүрүүдө, товарлардын жүгүртүлүшүн көзөмөлдөө боюнча биргелешкен ыкмаларды иштеп чыгууда, бул чөйрөдө илимий потенциалды жүзөгө ашырууда дагы бир маанилүү кадам болду. "Өзбекстан менен ЕАЭБ мамлекеттеринин биргелешкен изилдөөлөрү бардык өлкөлөрдүн санитардык органдар тутумунун ишинин негизинде жаткан – ар бир адамдын ден соолугунун жана жашоосунун артыкчылыгы жана жалпы эле коомдун бакубаттуулугу принцибин ишке ашырууга багытталат", – деп баса белгиледи Өзбекстан Республикасынын Саламаттык сактоо министрлигине караштуу Санитардык-эпидемиологиялык бейпилдик жана коомдук саламаттык комитетинин төрагасынын биринчи орун басары Нурмат Атабеков. Семинардын жыйынтыгы боюнча ЕАЭБ алкагында биргелешкен чечимдерди ишке ашыруу үчүн, анын ичинде байкоочу-мамлекеттердин катышуусу менен мындай форматтагы иш-чараларды өткөрүү зарылдыгы белгиленди.

15 майындагы 2025 Михаил Черекаев "Россия – Ислам дүйнөсү" форумунда ЕЭКтин эркин соода жөнүндө макулдашуулар боюнча иши тууралуу айтып берди Евразия экономикалык комиссиясынын Соода саясаты департаментинин директорунун орун басары Михаил Черекаев Казань шаарында Евразия бизнес ассоциациясы тарабынан уюштурулган "Россия – Ислам дүйнөсү" эл аралык экономикалык форумунун алкагында "Евразия өнөктөштүгү: региондор аралык кызматташтык аркылуу экономикалык өсүштүн драйверлери" сессиясына катышты. ЕЭК өкүлү Евразия экономикалык бирлигинин өлкөлөрү жана Комиссия тарабынан преференциялык соода макулдашууларын түзүү боюнча жүргүзүлүп жаткан иштер жөнүндө, атап айтканда, Бириккен Араб Эмираттары жана Индонезия Республикасы менен сүйлөшүүлөр жөнүндө маалымдады. Михаил Черекаев Иран Ислам Республикасы менен ийгиликтүү кызматташуу жөнүндө өзүнчө айтып берди. "Биз ишкер чөйрөлөрү менен өз ара аракеттенүүнү тереңдетүүгө чоң маани беребиз. Бул эркин соода жөнүндө макулдашууларды түзүү боюнча жаңы өнөктөштөр менен сүйлөшүүлөр үчүн позицияны түзүү этабында да, орун алган көйгөйлөр же тоскоолдуктар жөнүндө маалымдоо жаатында буга чейин колдонулуп жаткан макулдашууларды имплементациялоонун жүрүшүндө да маанилүү", – деп белгиледи ЕЭКтин Соода саясаты департаментинин директорунун орун басары.

15 майындагы 2025 Эльдар Алишеров Кыргызстандын Жогорку Кеңешинин депутаттары менен жолугушту Кыргыз Республикасынын Жогорку Кеңешинин депутаттары менен Евразия экономикалык комиссиясынын интеграция жана макроэкономика боюнча министри Эльдар Алишеровдун жолугушуусунда Кыргыз Республикасынын Евразия экономикалык бирлиги боюнча өнөктөштөрү менен экономикалык кызматташтыгын андан ары өнүктүрүү талкууланды. 2025-жылга чейин Евразия экономикалык интеграциясын өнүктүрүүнүн стратегиялык багыттарын жана Евразия экономикалык бирлигинин алкагында 2030-жылга чейин жана 2045-жылга чейинки "Евразия экономикалык жолу" мезгилинде экономикалык процесстерди андан ары өнүктүрүү жөнүндө декларацияны ишке ашырууга басым жасалды. Жолугушууга ошондой эле ЕЭКтин Макроэкономикалык саясат департаментинин директору Алексей Ведев катышты, ал 2024-жылы Кыргызстан экономикалык өсүштүн жогорку арымына — 9%га жеткенин, бул дүйнөлүк орточо деңгээлден (3,2%) бир нече эсе ашканын белгиледи. Анын айтымында, бул улуттук деңгээлде көрүлгөн чаралардын жана макроэкономикалык башкаруунун сапатынын, ошондой эле экономикалык өнүгүүнүн туруктуулугун жана тең салмактуулугун жогорулатуунун натыйжасы болуп саналат. ЕЭКтин баалоосу боюнча, экономикалык өсүш жогорку инвестициялык активдүүлүккө жана көмүскө экономиканын деңгээлинин төмөндөшүнө негизделген. Баалардын туруктуулугу камсыз кылынды: керектөө бааларынын өсүшү 6,3%ды түздү, бул инфляция боюнча орто мөөнөттүү максаттуу багытка туура келет. Бюджеттик жана карыздык туруктуулук жогорулады: бюджет профицит менен аткарылды, ал эми ИДӨгө карата мамлекеттик карыздын деңгээли олуттуу төмөндөдү. Көрүлүп жаткан чаралар оң макроэкономикалык динамиканы сактоого мүмкүндүк берет – муну Комиссия тарабынан 2025-жылдын I кварталы үчүн Кыргызстандын социалдык-экономикалык өнүгүүсүнө жүргүзүлгөн мониторингдин жыйынтыктары тастыктап турат.

Дагы көрсөтүү