Նորություններ

Եվրասիական տնտեսական հանձնաժողովի Խորհուրդը ընդունել է որոշումներ, որոնք անհրաժեշտ են 2021 թվականի փետրվարին ուժի մեջ մտած՝ ԵԱՏՄ մաքսային տարածք ներմուծված ապրանքների հետագծելիության մեխանիզմի մասին համաձայնագրի իրականացումը սկսելու համար։ Առաջին որոշումը սահմանում է հետագծելիության մեխանիզմի ներդրման փորձնական նախագծի իրագործման կարգը և ժամկետները։ Հետագծելիության մեխանիզմները թեստավորվելու են 2022 թվականի հուլիսի 1-ից մինչև 2023 թվականի մարտի 31-ը Միության տարածք ներմուծված կենցաղային սառնարանների և սառցարանների նկատմամբ։ Երկրորդ որոշումը հաստատում է հետագծելիության ենթակա ապրանքների մասին տեղեկությունները հետագծելիության ազգային համակարգերում ընդգրկելու և պահելու կարգը։

Հիշեցնենք, որ համաձայնագիրն ուղղված է Միությունում արտասահմանյան ապրանքների հետագծելիության համակարգի ստեղծմանը, որի հիմնական խնդիրն է հանդիսանալու մի անդամ պետության տարածքից Միության մյուս երկրի տարածք տեղափոխվելիս՝ դրանց շրջանառման օրինականության հաստատումը, ինչպես նաև մաքսային և հարկային վճարներից խուսափելու տարբեր տեսակի սխեմաների օգտագործումը բացառող պայմանների ստեղծումը, նման ապրանքների շրջանառության հետ կապված գործառնությունների նկատմամբ պետության կողմից հսկողության ապահովումը։

Համաձայնագրի իրականացումը սկսելու համար պահանջվել է մշակել ԵՏՀ Կոլեգիայի և Խորհրդի մի շարք որոշումներ։ Ներկայումս Հանձնաժողովը, անդամ պետությունների փորձագետների հետ համատեղ, արդեն նախապատրաստել և համաձայնեցրել է գործնականապես ամբողջ անհրաժեշտ նորմատիվային բազան։