арм

Ինտեգրացում և մակրոտնտեսություն

ԵՏՀ ինտեգրման և մակրոտնտեսության հարցերով Կոլեգիայի անդամ (նախարար) Ալիշերով Էլդար Տուրալիի
Ընդունարան հեռ. 8 (495) 669-24-06

Նորություններ «Ինտեգրացում և մակրոտնտեսություն»

20 մարտի 2025 ԵՏՀ-ն և ՌՆԳ-ն զարգացնում են համագործակցությունը Եվրասիական տնտեսական հանձնաժողովի ինտեգրման և մակրոտնտեսության նախարար Էլդար Ալիշերովը հանդիպել է Ռազմավարական նախաձեռնությունների գործակալության գլխավոր տնօրեն Սվետլանա Չուպշևայի հետ։ Կողմերը քննարկել են համագործակցության մի շարք հեռանկարային ուղղություններ։ Առանձնահատուկ ուշադրություն է դարձվել լավագույն փորձի փոխանակման հարցին: Ինչպես նշել է ԵՏՀ նախարարը, նման փոխգործակցության զարգացումը թույլ կտա գործարկել առավել արդյունավետ գործիքները Եվրասիական տնտեսական միության շրջանակներում չորս ազատությունների ապահովման համար։ Հանդիպման արդյունքում պայմանավորվածություն է ձեռք բերվել փոխադարձ հետաքրքրություն ներկայացնող հարցերի շուրջ համագործակցությունը շարունակելու մասին։ Ռազմավարական նախաձեռնությունների գործակալությունը (ՌՆԳ) ռուսական ոչ առևտրային կազմակերպություն է, որը ստեղծվել է 2011 թվականին ՌԴ կառավարության կարգադրությամբ: ՌՆԳ-ի հիմնական նպատակն է մշակել և իրականացնել տնտեսական զարգացմանը, բիզնես կլիմայի բարելավմանը, քաղաքացիների կյանքի որակի բարձրացմանը, ինչպես նաև կառավարման ժամանակակից պրակտիկաների ներդրմանը նպաստող ռազմավարություններ և նախաձեռնություններ:  
20 մարտի 2025 ԵԱՏՄ-ի դրական միտումներն ու ռազմավարական հնարավորությունները Ամերիկյան պալատում կայացած խորհրդաժողովում ներկայացրել է Էլդար Ալիշերովը Եվրասիական տնտեսական հանձնաժողովի ինտեգրման և մակրոտնտեսության նախարար Էլդար Ալիշերովը մասնակցել է Ռուսաստանում Ամերիկյան առևտրային պալատի տարեկան խորհրդաժողովին՝ Եվրասիական տնտեսական հանձնաժողովի մասնակցությամբ։ ԵՏՀ նախարարը նշել է ԵԱՏՄ երկրների տնտեսություններում արձանագրված դրական փոփոխությունները։ Նրա խոսքով, եվրասիական «հնգյակի» ՀՆԱ-ի ընդհանուր աճը նախորդ տարի կազմել է 4.2%։ Նշել է, որ կայուն աճում է Միության երկրների միջև փոխադարձ առևտրի բաժինը, որը նախորդ տարի կազմել է ԵԱՏՄ ամբողջ արտաքին առևտրաշրջանառության գրեթե մեկ հինգերորդը (19.8%)։ Միությունում ապրանքների փոխադարձ առևտրի ծավալը տասնամյակի ընթացքում կրկնապատկվել է և 2024 թվականին հասել է գրեթե 100 մլրդ ԱՄՆ դոլարի: «Մեր դինամիկան զգալիորեն բարձր է աճի միջին համաշխարհային տեմպերից, որն անցյալ տարի կազմել է 3.2%։ ԵԱՏՄ երկրների տնտեսության ճկունության և բարձր հարմարվողականության շնորհիվ հնարավոր է դարձել ակտիվորեն լուծել Միությունը համաշխարհային տնտեսական ճարտարապետության մեջ ինտեգրելու խնդիրները՝ ընդլայնելով արտահանման աշխարհագրությունը և ծավալները, ինչպես նաև ներգրավելով ներդրումներ և ժամանակակից տեխնոլոգիաներ», — նշել է Էլդար Ալիշերովը։ ԵՏՀ նախարարն իր ելույթում առանձին անդրադարձել է եվրասիական «հնգյակի» զարգացման ռազմավարական փաստաթղթերի իրականացման աշխատանքներին։ Էլդար Ալիշերովն ընդգծել է, որ ԵԱՏՄ երկրներում ստեղծվում են բոլոր պայմանները բիզնեսի կայուն և շահավետ գործունեության համար։ Մինչև 2030 թվականը և մինչև 2045 թվականը Միության զարգացման վեկտորները սահմանող «Եվրասիական տնտեսական ուղի» հռչակագրի բոլոր առանցքային ասպեկտներն ուղղված են բիզնեսի շահերին և անդամ պետությունների տնտեսությունների կայուն և առաջանցիկ աճի ապահովմանը։ Խոսելով ԵԱՏՄ միջազգային գործունեության մասին՝ ԵՏՀ նախարարը հայտնել է, որ Հանձնաժողովի աշխատանքի ընթացքում ձևավորվել են առանցքային առևտրատնտեսական գործընկերների՝ երկրների, տարածաշրջանային միավորումների և միջազգային կազմակերպությունների հետ հարաբերությունները։ Այս համաձայնագրերը թույլ են տալիս համակարգային երկխոսություն վարել հարցերի լայն շրջանակի շուրջ։ «ԵՏՀ-ի հետ փոխգործակցող երրորդ երկրների և տարածաշրջանային ինտեգրացիոն միավորումների ՀՆԱ-ն կազմում է 71.9 տրլն ԱՄՆ դոլար, կամ համաշխարհային ՀՆԱ-ի 49.9%-ը», — նշել է Էլդար Ալիշերովը։ 
13 մարտի 2025 Էլդար Ալիշերով. «Եվրասիական տնտեսական ինտեգրումն ապահովում է ԵԱՏՄ երկրների զարգացման առանցքային ցուցանիշների նկատելի աճ» ԵՏՀ ինտեգրման և մակրոտնտեսության նախարար Էլդար Ալիշերովը «ԵԱՏՄ. Եվրասիայի խոշորագույն ինտեգրացիոն միավորման գործունեության 10 տարին» առցանց խորհրդաժողովի ընթացքում խոսել է Եվրասիական տնտեսական միության տասնամյա գործունեության ընթացքում եվրասիական տնտեսական ինտեգրման գրանցված ձեռքբերումների մասին: ԵՏՀ նախարարը շեշտը դրել է Մինչև 2030 և մինչև 2045 թվականները ԵԱՏՄ-ում տնտեսական գործընթացների հետագա զարգացման մասին հռչակագրի իրականացման համար ձեռնարկվելիք միջոցների վրա և ուշադրություն հրավիրել արտաքին ուղու վրա գործընկերների հետ փոխգործակցության օպտիմալ ձևաչափերի կառուցմանը և զարգացմանը։ Էլդար Ալիշերովը նշել է, որ եվրասիական տնտեսական ինտեգրումն ուժեղ կայունացնող և խթանող ազդեցություն է գործում տնտեսության վրա՝ ապահովելով եվրասիական «հնգյակի» երկրների զարգացման առանցքային ցուցանիշների նկատելի աճ։ «Տարածաշրջանում առևտրի, տրանսպորտալոգիստիկ երթուղիների, աշխատանքային միգրացիայի և ֆինանսական հոսքերի նոր կոնֆիգուրացիան, ակտիվ տնտեսական քաղաքականության հետ մեկտեղ, խթան հանդիսացան ԵԱՏՄ-ում ակտիվ տնտեսական աճի համար, — ասել է Էլդար Ալիշերովը։ — ԵՏՀ գնահատմամբ՝ ԵԱՏՄ-ում ՀՆԱ-ի ֆիզիկական ծավալի ինդեքսը 2024 թվականին 2014 թվականի համեմատ կազմել է 117.6%: Առանձին անդամ պետությունների համար ՀՆԱ-ի աճն ավելի էական է եղել, օրինակ՝ Հայաստանում՝ 1.6 անգամ, Ղրղզստանում՝ 1.6 անգամ, Ղազախստանում՝ 1.3 անգամ»։ ԵՏՀ նախարարն անդրադարձել է նաև ԵԱՏՄ-ում փոխադարձ և արտաքին առևտրի վիճակագրական ցուցանիշներին։ Օբյեկտիվ տվյալները վկայում են անդամ պետությունների միջև առևտրի ծավալների զգալի մեծացման, ինչպես նաև արտաքին տնտեսական ակտիվության աճի մասին։ «ԵԱՏՄ արտաքին առևտրաշրջանառության մեջ փոխադարձ առևտրաշրջանառության բաժնի աճը 2024 թվականին աճել է մինչև 19.8%՝ 2015 թվականի 13.5%-ի համեմատ», — նշել է ԵՏՀ նախարարը։ – Միությունում ապրանքների փոխադարձ առևտրի ծավալը 2015 թվականից կրկնապատկվել է և 2024 թվականին հասել է գրեթե 100 միլիարդ ԱՄՆ դոլարի»: ԵՏՀ ինտեգրման և մակրոտնտեսության բլոկի ղեկավարը համոզված է, որ ԵԱՏՄ-ն այսօր դարձել է համաշխարհային տնտեսական ճարտարապետության կարևոր տարր։ «Ստեղծվել է ճկուն ենթակառուցվածք, որն ընդգրկում է առանցքային գործընկերներին և թույլ է տալիս համալիր երկխոսություն վարել՝ ի շահ անդամ պետությունների տնտեսությունների կայունության բարձրացման, լուծել ԵԱՏՄ-ն տնտեսական հարաբերությունների համաշխարհային ճարտարապետության մեջ ներկառուցման, արտահանման աշխարհագրության և ծավալների ընդլայնման, ինչպես նաև օտարերկրյա ներդրումների և տեխնոլոգիաների ներգրավման խնդիրները», — նշել է նա։ Հանձնաժողովը 46 փոխըմբռնման հուշագիր է կնքել ունիվերսալ և պրոֆիլային միջազգային կազմակերպությունների հետ, 14-ը՝ տարածաշրջանային ինտեգրացիոն և միջպետական միավորումների հետ, ինչպես նաև 30 համագործակցության հուշագիր՝ երրորդ երկրների կառավարությունների, նախարարությունների և գերատեսչությունների հետ։ Բացի այդ, ԵԱՏՄ-ի և երրորդ երկրների (Վիետնամի, Իրանի, ՉԺՀ-ի և Սերբիայի) միջև գործում է չորս առևտրային համաձայնագիր։ Ներկայումս ակտիվ աշխատանք է տարվում ԱՄԷ-ի, Ինդոնեզիայի և Մոնղոլիայի հետ առևտրային ռեժիմների ազատականացման մասին պայմանավորվածություններ ձեռք բերելու ուղղությամբ։ Միության հետ երկխոսության հարցում մեծ հետաքրքրություն են ցուցաբերում Հարավարևելյան Ասիայի երկրները։ Ակտիվորեն զարգանում են երկկողմ հարաբերությունները ԱՍԵԱՆ-ի, ինչպես նաև այդ տարածաշրջանի երկրների հետ։ «Անշուշտ, առաջնահերթություն են մնում մեր ամենամոտ գործընկերների՝ ԱՊՀ-ի, ՇՀԿ-ի, ԲՐԻԿՍ-ի և ԱՍԵԱՆ-ի երկրների հետ հարաբերությունները: Չնայած աշխարհատնտեսության բարդություններին, Միության նոր գործընկերների թիվը շարունակում է աճել», — ընդգծել է Էլդար Ալիշերովը։ Երրորդ երկրների և տնտեսական ինտեգրման տարածաշրջանային միավորումների ՀՆԱ-ն, որոնց հետ Միությունը կնքել է առևտրային համաձայնագրեր կամ որոնց դիտորդի կարգավիճակ է տվել, իսկ Հանձնաժողովը ստորագրել է փոխգործակցության հուշագրեր, կազմում է 71.9 տրիլիոն ԱՄՆ դոլար (ըստ Համաշխարհային բանկի տվյալների, ըստ գնողունակության պարիտետի), կամ համաշխարհային ՀՆԱ-ի 49.9%-ը։ Այդ երկրների բնակչությունը հասնում է 4.3 միլիարդ մարդու, կամ աշխարհի բնակչության 53.5%։
13 մարտի 2025 ԵՏՀ-ն և Ուզբեկստանի Հանրապետությունը քննարկել են առևտրատնտեսական համագործակցության առաջնահերթ հարցեր Եվրասիական տնտեսական հանձնաժողովի և Ուզբեկստանի Հանրապետության կառավարության միջև փոխգործակցության հարցերով համատեղ աշխատանքային խմբի չորրորդ նիստի ընթացքում քննարկվել են փոխշահավետ առևտրատնտեսական համագործակցության ակտիվացման հարցեր։ Հանդիպումը տեղի է ունեցել մարտի 13-ին ԵՏՀ կենտրոնակայանում՝ ԵՏՀ ինտեգրման և մակրոտնտեսության նախարար Էլդար Ալիշերովի և Ուզբեկստանի Հանրապետության ներդրումների, արդյունաբերության և առևտրի փոխնախարար Հուռամ Թեշաբաևի համանախագահությամբ։ «ԵԱՏՄ անդամ պետությունների և Ուզբեկստանի Հանրապետության միջև առևտրատնտեսական համագործակցությունը ռազմավարական բնույթ է կրում ինչպես իր մասշտաբով, այնպես էլ ապրանքների անվանացանկի լայնությամբ, և մշտապես դրսևորում է դրական դինամիկա։ Ուզբեկստանի Հանրապետությունը ԱՊՀ երկրներից առաջինն է Միության առևտրային գործընկերների շարքում։ Ուզբեկստանին բաժին է ընկնում ԱՊՀ երկրների հետ ԵԱՏՄ առևտրի արժեքային ծավալի գրեթե կեսը։ «Մեր առևտուրն արտացոլում է ԵԱՏՄ անդամ պետությունների և Ուզբեկստանի Հանրապետության տնտեսությունների փոխլրացնող բնույթը», — նշել է ԵՏՀ ինտեգրման և մակրոտնտեսության նախարար Էլդար Ալիշերովը։ Իր հերթին Հուռամ Թեշաբաևն արձանագրել է, որ ԵԱՏՄ-ի հետ ստեղծվել են բիզնես երկխոսության խթանման արդյունավետ հարթակներ, իրականացվում են արդյունաբերական կոոպերացիայի և ենթակառուցվածքների ոլորտի հարյուրավոր խոշոր նախագծեր։ Ուզբեկստանը համակարգված կերպով մասնակցում է ԵԱՏՄ-ի հովանու ներքո անցկացվող միջկառավարական և միջգերատեսչական նիստերին, տնտեսական համաժողովներին և ցուցահանդեսներին, խորհրդակցություններին և բարձր մակարդակի հանդիպումներին: Էլդար Ալիշերովի խոսքով՝ ԵԱՏՄ-ի և Ուզբեկստանի միջև համագործակցության արդիական ուղղություններն իրենց զարգացումն են ստացել Եվրասիական տնտեսական հանձնաժողովի և Ուզբեկստանի Հանրապետության կառավարության 2024-2026 թվականների համատեղ միջոցառումների պլանում, որը ստորագրվել է 2024 թվականի հոկտեմբերին։ Նիստի ընթացքում կողմերը քննարկել են տրանսպորտային ոլորտի թվայնացման, փոխադարձ առևտրում լոգիստիկ երթուղիների արդյունավետության բարձրացման, ԵԱՏՄ-ի և Ուզբեկստանի մաքսային սահմաններով միջազգային փոխադրման ապրանքների և փոխադրամիջոցների մասին տեղեկատվության փոխանակման կազմակերպման հնարավոր մոտեցումների մշակման, ինչպես նաև մրցակցության և սպառողների իրավունքների պաշտպանության ոլորտներում համագործակցության հարցեր։ Նիստի արդյունքում կարևորվել է Ուզբեկստանի ուղղությամբ ԵԱՏՄ անդամ պետությունների «Եվրասիական ագրոէքսպրես» համատեղ նախագծի իրականացումը գյուղատնտեսական արտադրանքի և պարենի մատակարարումների տրանսպորտալոգիստիկ շղթաների զարգացման, այդ թվում՝ արտադրանքի փոխադարձ մատակարարման համար լոգիստիկ նոր երթուղիների մշակման համար։ ԵՏՀ-ի ներկայացուցիչները պատրաստակամություն են հայտնել ուսումնասիրել ԵԱՏՄ-ի և Ուզբեկստանի միջև դեղերի նույնականացման միջոցների փոխադարձ ճանաչման, արդյունաբերության և ԱԱՀ համատեղ կոոպերացիոն նախագծերում ուզբեկական ընկերությունների մասնակցության հնարավորությունները։ Նաև աջակցություն է ստացել Ուզբեկստանի առաջարկը 2025 թվականի մարտին ԵԱՏՄ-ի և Ուզբեկստանի միջև մաքսային տարանցման ընդհանուր համակարգի ձևավորման հարցերով հերթական խորհրդակցություններ անցկացնելու մասին։ Կողմերը համաձայնել են 2025 թվականի ապրիլին համատեղ բիզնես երկխոսություն անցկացնելու մասին ԵԱՏՄ գործարար խորհրդի և Ուզբեկստանի ԱԱՊ նախաձեռնության հետ։ Քննարկումների արդյունքում համաձայնեցվել է 2026 թվականին Ուզբեկստանում համատեղ աշխատանքային խմբի հինգերորդ նիստն անցկացնելու հարցը։
Ցուցադրել ավելին

Գործունեություն

Օգտակար հղումներ
Տենդերներ և մրցույթներ
Հուշագրեր
Պայմանագիր Եվրասիական տնտեսական հանձնաժողովի մասին
ՄՄ ԱՏԳ ԱԱ

թեմայով որոշումներ «Ինտեգրացում և մակրոտնտեսություն»

կանոնակարգող փաստաթղթեր

Նյութեր ուղղության վերաբերյալ

ԵՏՀ Մակրոտնտեսական քաղաքականության վարչության փոխտնօրեն Անդրեյ Լիպինի հարցազրույցը «Վեդոմոստի» թերթին. «Ինտեգրացիա. Վազք առանց խոչընդոտների» 04 փետրվարի 2016 ԵՏՀ Մակրոտնտեսական քաղաքականության վարչության փոխտնօրեն Անդրեյ Լիպինի հարցազրույցը «Վեդոմոստի» թերթին. «Ինտեգրացիա. Վազք առանց խոչընդոտների» 2015 թ. հունվարից Բելառուսի, Ղազախստանի, Ռուսաստանի և տարվա ընթացքում միացած Հայաստանի ու Ղրղզստանի միջև ինտեգրացիոն գործընթացները կարգավորվում են Եվրասիական տնտեսական միության (ԵԱՏՄ) մասին պայմանագրով, որի նպատակն ապրանքների ծառայությունների, կապիտալի և աշխատուժի միասնական շուկայի ստեղծումն է:
01 դեկտեմբերի 2015 ԵՏՀ Նախարար Դանիլ Իբրաևի հարցազրույցը Russianews.net ինտերնետ պորտալին. «Մենք պաշտպանում ենք հինգ պետությունների շահերը» Եվրոպայում, իհարկե, լսել են Եվրասիական տնտեսական հանձնաժողովի մասին: Սակայն ինչպես Եվրահանձնաժողովում, այնպես էլ իրենք՝ եվրոպացիներն առանձնապես չեն պատկերացնում, թե դա ինչ կառույց է, և, մասնավորապես, արդյոք այն սպառնում է Եվրամիության տնտեսական շահերին կամ կարող է արդյոք լինել վերջինի գործընկերը: Այն Եվրամիության՝ էլ ավելի մեծ տարածքի վրա գտնվող նմանակն է, թե ԽՍՀՄ վերածնությունը: Այդ հարցերը պարզաբանելու համար մենք հանդիպեցինք Եվրասիական տնտեսական հանձնաժողովի Կոլեգիայի անդամ Դանիլ Իբրաևի հետ:
ԵՏՀ ձեռնարկատիրական գործունեության վարչության փոխտնօրեն Սամատ Ալիևի հեղինակային հոդվածը «Ինտեգրման պրակտիկա: ԵՏՒ» ամսագրին. «Աշխատանքային միգրացիան Եվրասիական տնտեսական միության շրջանակներում» 23 Նոյեմբեր 2015 ԵՏՀ ձեռնարկատիրական գործունեության վարչության փոխտնօրեն Սամատ Ալիևի հեղինակային հոդվածը «Ինտեգրման պրակտիկա: ԵՏՒ» ամսագրին. «Աշխատանքային միգրացիան Եվրասիական տնտեսական միության շրջանակներում» ​Самат Бикитаевич Алиев — д. т.н., профессор, академик Российской академии есте- ственных наук, заместитель директора Департамента развития предпринимательской деятельности Евразийской экономической комиссии. При участии С.Б. Алиева и под его непосредственным руководством разрабатываются проекты нормативно-право- вых актов Евразийской экономической комиссии и международные законопроекты в сфере интеллектуальной собственности по вопросам товарных знаков, коллектив- ного управления авторскими и смежными правами, единого таможенного реестра объектов интеллектуальной собственности, координации деятельности уполномо- ченных органов. Автор более 110 научных трудов, в том числе 20 монографий. Сфе- ра научной деятельности — реструктуризация угольной промышленности, развитие высшего образования, управление транснациональными корпорациями, стратегия развития интеллектуальной собственности, миграционные процессы.
13 Նոյեմբեր 2015 ԵՏՀ Նախարար Արա Նռանյանի ելույթը Օրենբուրժիե-2015 եվրասիական համաժողովին. «Զարգացման միասնական բանաձևը ՝որպես հաջողված ինտեգրման անհրաժեշտ պայման»
0/0

Պաշարներ ԵՏՄ