қаз

Интеграция және макроэкономика

  • Интеграция және макроэкономика жөніндегі Алқа Мүшесі (Министр)
Интеграция және макроэкономика жөніндегі Алқа Мүшесі (Министр) Алишеров Эльдар Туралиевич
Төрағаның қабылдау бөлмесі тел. +7 (495) 669-24-06

тақырыбы бойынша жаңалықтар «Интеграция және макроэкономика»

Эльдар Алишеров БҰҰ-ның Статистика жөніндегі комиссиясының төрағасымен келіссөздер жүргізді 10 Jan 2025 Эльдар Алишеров БҰҰ-ның Статистика жөніндегі комиссиясының төрағасымен келіссөздер жүргізді 10 қаңтарда Еуразиялық экономикалық комиссияның интеграция және макроэкономика министрі Эльдар Алишеров БҰҰ-ның Статистика жөніндегі комиссиясының төрағасы, Швейцария Федералды статистикалық басқармасының бас директоры Жорж-Симон Ульрихпен келіссөздер жүргізді. Тараптар өзара қызығушылық тудыратын бірқатар өзекті мәселелерді талқылады. Атап айтқанда, БҰҰ-ның Статистика жөніндегі комиссиясының құрамын кеңейту перспективалары, сондай-ақ Еуразиялық экономикалық одаққа мүше мемлекеттердің оның кеңейтілген құрамына кіру мүмкіндігі және ЕЭК-тің бақылаушы ретінде қатысуы қарастырылды. БҰҰ-ның Статистика жөніндегі комиссиясы жаһандық статистикалық жүйенің ең жоғары органы болып табылады. Ол әлемнің түкпір-түкпірінен БҰҰ-ға мүше елдердің статистикалық ведомстволарының басшыларын біріктіреді. Комиссия – халықаралық статистикалық қызмет саласында, атап айтқанда статистикалық стандарттарға, тұжырымдамалар мен әдістерді дамытуға және оларды ұлттық және халықаралық деңгейде енгізуге қатысты шешімдер қабылдау жөніндегі бас орган.
04 Jan 2025 Беларусь Республикасының Президенті, ЖЕЭК Төрағасы Александр Лукашенконың Еуразиялық экономикалық одаққа мүше мемлекеттердің басшыларына үндеуі Беларусь Республикасы 2025 жылғы 1 қаңтардан бастап Еуразиялық экономикалық одақ органдарында үшінші рет төрағалық етеді. Өткен онжылдықта біздің Одақ тығыз экономикалық интеграция идеясының дұрыстығын, өзінің өміршеңдігі мен нәтижелілігін дәлелдей алды. Бірлескен күш-жігермен біз макроэкономикалық орнықтылық әлеуетін арттырдық және теріс геосаяси факторлардың әсерін барынша азайттық. 2025 жыл Еуразиялық экономикалық одақ үшін айтулы болады: Еуразиялық экономикалық интеграцияны дамытудың стратегиялық бағыттарын іске асырудың бесжылдығы аяқталады және жаңа кезеңнің бастау алуы мен ЕАЭО шеңберіндегі экономикалық процестерді одан әрі дамыту туралы 2030 жылға дейінгі және 2045 жылға дейінгі кезеңге арналған "Еуразиялық экономикалық жол" декларациясын іске асыру үшін іргетас қаланады. Осыған байланысты Одаққа мүше мемлекеттердің жемісті интеграциялық өзара іс-қимылын нығайту мақсатында жаңа жылда біздің ортақ зейін-назарымыздың орталығында болуға тиіс мынадай негізгі басымдықтарды айқындауды ұсынамыз. 1. Бірлескен күш — жігерді ЕАЭО-ға мүше мемлекеттердің технологиялық әлеуетін дамытуға, экономиканың барлық саласында кооперациялық өзара іс-қимылдың ортақ кеңістігін қалыптастыруға шоғырландыру қажет. Осы мақсатта ақпараттық-коммуникациялық технологиялар, жасанды интеллект, электр көлігі, микроэлектроника, робот техникасы және жаңа материалдар салаларындағы бірлескен жобалар мен бағдарламаларды іске асыруды жандандыруымыз керек. Бұл бағыттағы ынтымақтастық жаңа импортты алмастыратын өндірістер құру, Еуразиялық бренд аясында бірлескен өнім шығару мақсатында ЕАЭО-ға мүше мемлекеттердің кәсіпорындары арасындағы әріптестік қатынастарды дамыту үшін сенімді базаны қамтамасыз етуге мүмкіндік береді. 2. Одақтың азық-түлік қауіпсіздігін арттыру үшін күш-жігерді селекция мен тұқым шаруашылығын дамытуға, асыл тұқымды ауыл шаруашылығы жануарларының генетикалық әлеуетін арттыруға шоғырландыру ұсынылады. 3. Тең (кемсітпейтін) жағдайларды қабылдай отырып, әділ бәсекелестікті қамтамасыз ете келіп, әсіресе елдеріміз арасындағы әуе тасымалын орындау кезінде бірыңғай көлік кеңістігін қалыптастыруды аяқтаған жөн. Жүктерді үшінші елдерге және олардан халықаралық автомобильмен тасымалдаудың барлық түріне рұқсат беру жүйесін жою жөніндегі жұмысты жалғастыру қажет. Жүктерді кедергісіз жеткізудің жаңа логистикалық тізбегін құру және жұмыс істеп тұрғандарын жетілдіру, ЕАЭО-ға мүше мемлекеттерді байланыстыратын "жіксіз" және қауіпсіз халықаралық көлік дәліздерін дамыту айрықша маңызды болып көрінеді. 4. Сондай-ақ, шаруашылық қызметін жүзеге асыру жағдайларын теңестіру, Одақтың ішкі кеңістігінде ортақ және ашық бәсекелестік орта құру бойынша одан әрі нысаналы жұмыс істеу қажеттігіне назар аударғым келеді. Бұл ретте ЕАЭО-ның ортақ энергетикалық нарықтарын қалыптастырудың нәтижелі аяқталуының түйінді мәні бар. 5. Ағымдағы жағдайларда ішкі нарықты қорғау жөніндегі жұмысты жалғастыру қажет. Мұндай қызмет ЕАЭО-да шаруашылық жүргізу жағдайларын теңестіру үшін кедендік-тарифтік реттеуді жетілдіруге де, Еуразиялық нарықты қауіпсіз емес өнімдерден толық қорғауға да бағытталуға тиіс. Озық әлемдік практикаға және ғылыми дәлелді базаға негізделген бірыңғай техникалық талаптарды қабылдауды, ұлттық стандарттарды үндестіруді және мемлекетаралық стандарттарды қолдануға көшуді қамтамасыз ету маңызды. Импорттық тауарлардың ішкі нарыққа қол жеткізуіне бақыланатын жағдайлар жасау, тауарлардың кедендік құнын айқындау кезінде тәуекелдерді басқару жүйесін тиімді қолдануды жалғастыру қажет. Қалыптасқан экономикалық жағдайларда ЕАЭО-да Одақ елдерінің қолда бар ақпараттық, әдіснамалық және технологиялық платформалары негізінде түйінді тауарларға (мұнай өнімдері, ауыл шаруашылығы өнімдері, орман өнімдері, құрылыс материалдары және басқалар) тауар нарықтары индикаторларының меншікті биржалық жүйесін құру дер кезіндегі жоба бола алады. Биржалық сауданы одан әрі дамыту және тауарларға бәсекелестік бағаны қалыптастыру үшін ынталандырма қажет. 6. ЕАЭО-ға мүше мемлекеттердің цифрлық трансформация саласындағы өзара іс-қимылын жандандыру да талап етіледі. Қазіргі әлемде цифрлық технологиялардың даму деңгейі елдердің бәсекеге қабілеттілігінде айқындаушы рөл атқарады. Маңызды міндеттердің бірі қолданыстағы цифрлық тосқауылдарды жою болады. Жүргізілген жұмыс ЕАЭО-ға мүше мемлекеттердің экономикасы мен цифрлық кеңістігін дамытуда синергетикалық нәтижеге қол жеткізуге мүмкіндік береді деп ойлаймыз. Мемлекеттік сатып алу жүйесінің тиімділігін арттыру үшін Одаққа мүше мемлекеттердің электрондық цифрлық қолтаңбасын өзара тану туралы мәселені түпкілікті реттеу және осы салада цифрлық құралдарды одан әрі ілгерілетуге жәрдемдесу ұсынылады. Электрондық сауданың белсенді дамуына байланысты мемлекеттің де, электрондық сауда алаңдарының да, сатушылар мен тұтынушылардың да мүдделерін есепке алудың оңтайлы моделін іздеумен бірге маркетплейстердің қызметін Одақта бөлек реттеу қажеттілігі туындайды. 7. Халықаралық ынтымақтастықты оның барлық форматында дамыту, Одақ тауарларын шетелдік нарықтарға ілгерілету үшін қосымша жағдайлар жасау үшін жаңа серпім қажет. Мүше мемлекеттердің өз жарғылық мақсаттары мен идеологиясы бойынша өңірлік интеграциялық бірлестіктермен өзара іс-қимылы, сондай-ақ ЕАЭО жанындағы байқаушы мемлекет институты шеңберінде әріптестікті дамыту Одақтың экономикалық әлеуетін нығайтудың маңызды факторы болып табылады. ЕАЭО, ТМД, ШЫҰ және БРИКС интеграциялық әлеуеттерін ұштастырудың практикалық аспектілеріне, АСЕАН-ға қатысушы мемлекеттермен сауда-экономикалық қатынастарды дамытуға ерекше назар аударылуға тиіс. ЕАЭО деңгейінде қол қойылған достас елдермен еркін сауда және сауда-экономикалық ынтымақтастық туралы келісімдерді іске асыру, перспективалы әріптестермен келіссөздерді жандандыру жөніндегі жұмысты Одақты Еуразиялық континентте ойдағыдай жұмыс істейтін халықаралық өңірлік ұйым ретінде жайғастырудың түйінді практикалық элементтері деп санаймыз. 8. Интеграцияның экономикалық трегін әлеуметтік және гуманитарлық салалардағы мәселенамамен толықтыруға бағытталған бірлескен жұмыстың да маңызы кем емес. ЕАЭО-ның одан әрі дамуы Одаққа мүше мемлекеттер азаматтарының әл-ауқатының артуымен тығыз байланысты болуға тиіс екені анық. Осыған байланысты денсаулық сақтау, білім беру, спорт, туризм, мәдениет және басқа да гуманитарлық салалардағы ынтымақтастық біздің қалтқысыз назарымызда болуға тиіс. 9.Біздің елдерімізден әртүрлі сыңаржақ ресурстарға, агрессивті әрекеттерге қарсы тиімді шаралар қабылдау үшін ақпараттық өзара іс-қимылдың бұрын-соңды болмаған жаңа деңгейіне көшу талап етіледі. Біздің елдеріміздің дәстүрлі құндылықтарын, халықтардың тарихи және мәдени мұраларын құрметтеу негізінде ортақ ақпараттық кеңістікті қалыптастыруға орай шоғырландырылған тәсілдемені әзірлеу орынды болып көрінеді. Және біздің ортақ тарихымыздағы ерекше күнді — Ұлы Отан соғысындағы Жеңістің 80 жылдығын лайықты атап өтуге, бейбітшілікті қамтамасыз етуге және бүкіл адамзатқа қауіп төндіретін нацизммен күресуге бағытталған күш-жігерді біріктіруге тиіс екендігіміз сөзсіз. Бүгінгі таңда әлемдік қоғамдастыққа бір-бірін құрметтеу және құқықтық нормаларды сақтау арқылы ғана дамуға, болашақты құруға, әл-ауқатқа жетуге болатындығын баса көрсеткен маңызды. Аталған бағыттарды дәйекті іске асыру Еуразиялық интеграцияны одан әрі дамытуға және елдеріміз арасындағы өзара тиімді ынтымақтастықты кеңейтуге ықпал ететініне сенімдімін.
ЕАЭО-да іскерлік белсенділіктің оң серпінін сақтау болжанып отыр 26 Dec 2024 ЕАЭО-да іскерлік белсенділіктің оң серпінін сақтау болжанып отыр Еуразиялық экономикалық комиссия Еуразиялық экономикалық одақ мемлекеттері үшін 2025 жылдың басындағы іскерлік белсенділіктің қысқа мерзімді болжамын жаңартты. Сәйкес келетін және озық индикаторларды есептеу нәтижелері оң динамиканың сақталуын көрсетті. Бұл ретте Беларусь пен Ресейде іскерлік белсенділіктің біршама баяулауы, Қазақстан мен Қырғызстанда жедел артуы болжанып отыр. Армения экономикасында іскерлік белсенділіктің көтерілу кезеңіне оралу ықтималдығы сақталады. Озыңқы индикаторлар Комиссияның қысқа мерзімді перспективада еуразиялық «бестік» елдеріндегі іскерлік белсенділіктің өзгеру серпінінің бағыты туралы идеяны қалыптастыру үшін қолданатын болжау құралы болып табылады. Олар экономикалық агенттердің мінез-құлқын және экономикадағы негізгі үрдістерді көрсететін қысқа мерзімді процестер туралы ең маңызды ақпаратты жинақтайды.  
26 Dec 2024 ЕАЭО-ның 2025 жылға арналған халықаралық қызметінің негізгі бағыттары бекітілді 26 желтоқсанда өткен Жоғары Еуразиялық экономикалық кеңестің отырысында Еуразиялық экономикалық одақ мемлекеттерінің басшылары ЕАЭО-ның 2025 жылға арналған халықаралық қызметінің негізгі бағыттарын бекітті. Халықаралық қызметтің негізгі бағыттары Одақтың осы саладағы жүйе құраушы құжаты болып табылады және мүше мемлекеттердің ұсынымдарына сәйкес әзірленеді. Басымды бағыттардың бірі – жақын орналасқан көршілермен сауда-экономикалық мәселелер бойынша диалогты жалғастыру, Одақ жанындағы бақылаушы мемлекеттермен ынтымақтастықты дамыту, Еуразия, Африка және Латын Америкасының негізгі интеграциялық бірлестіктерімен өзара іс-қимылды тереңдету, Одақты экономикалық тартылыс полюсі ретінде халықаралық позицияда орнығуы. Еуразиялық көлік дәліздерін дамыту арқылы ЕАЭО-ның үшінші елдердің белсенді дамып келе жатқан нарықтарымен көлік байланысын арттыруға, сондай-ақ сыртқы экономикалық қызметті жүргізу бөлігінде Одақ елдерінің бизнесі үшін қолайлы жағдайлар жасауға ерекше назар аударылды. 2025 жылы ЕАЭО мен Еуразиялық экономикалық комиссияның күш-жігері қалыптасқан ынтымақтастық механизмдерді, оның ішінде меморандумдар, декларациялар және сауда келісімдері аясында дамытуға бағытталатын болады. Ынтымақтастығы маңызды орын алатын халықаралық ұйымдардың ішінде Біріккен Ұлттар Ұйымы (БҰҰ), оның аймақтық комиссиялары мен бейінді ұйымдары, Дүниежүзілік кеден ұйымы (ДКҰ), Дүниежүзілік сауда ұйымы (ДСҰ) және басқалары атап өтілді. Аймақтық бірлестіктердің қатарына ТМД, АӨСШК, ШЫҰ, АСЕАН, Оңтүстік Американың ортақ нарығы (МЕРКОСУР), Африка одағы, Африкадағы субаймақтық интеграциялық бірлестіктер және басқа құрылымдар жатады. Сауда келісімдеріне сәйкес ТМД-ға мүше мемлекеттермен, БРИКС-ке қатысушы елдермен, Қытаймен, Вьетнаммен, Сербиямен, Сингапурмен және Иранмен, сондай-ақ өзара тиімді ынтымақтастыққа қызығушылық танытатын басқа да мемлекеттермен сауда-экономикалық ынтымақтастықты одан әрі дамыту жоспарланып отыр. ЕАЭО-ның халықаралық қызметі ЕАЭО туралы шарттың 7-бабына және Еуразиялық экономикалық одақтың халықаралық ынтымақтастықты жүзеге асыру тәртібіне сәйкес жүзеге асырылады. Көрсетілген Тәртіптің 5-тармағына сәйкес ЕАЭО-ның халықаралық қызметінің негізгі бағыттары қалыптастырылады.
Тағы да көрсету

Қызметі

Пайдалы сілтемелер
Тендерлер мен конкурстар
Меморандумдар
Еуразиялық экономикалық комиссия туралы шарт
КО СЭҚ ТН

тақырыбы бойынша шешімдер «Интеграция және макроэкономика»

96
13.08.2024 Решение Коллегии ЕЭК № 96 О внесении изменения в перечень методологий формирования официальной статистической информации Евразийского экономического союза по отдельным показателям
96
13.08.2024 Решение Коллегии ЕЭК № 96 О внесении изменения в перечень методологий формирования официальной статистической информации Евразийского экономического союза по отдельным показателям
17
13.08.2024 Рекомендация Коллегии ЕЭК № 17 О собирательных классификационных группировках сельскохозяйственных видов экономической деятельности и отдельных видов сельскохозяйственной продукции
9
28.05.2024 Рекомендация Коллегии ЕЭК № 9 О собирательной классификационной группировке видов экономической деятельности «Энергетический сектор»
179
27.12.2023 Решение Коллегии ЕЭК № 179 О предоставлении Евразийской экономической комиссии официальной статистической информации уполномоченными органами государств – членов Евразийского экономического союза

нормативтік құжаттар

Бағыт бойынша материалдар

18 2016 ЕЭК ішкі нарықтар, ақпараттандыру, ақпараттық-коммуникациялық технологиялар жөніндегі министр Карине Минасянның ТАСС ақпараттық агенттігіне берген сұхбаты: «ЕАЭО-дағы инновациялар тәуекелі көтермеленуі тиіс» 2015 жылы Еуразиялық экономикалық одақ жұмыс жасай бастады, оған бүгінде бес ел кіреді: Армения, Беларусь, Қазақстан, Қырғызстан мен Ресей. Егер бұдан 20 жыл бұрын еуразиялық интеграция пайда болған кезде әңгіме сауда ынтымақтастығы туралы болса, қазір күн тәртібі бірте-бірте кеңейді. Қарқынды ақпараттық-технологиялық даму одаққа жаңа сын-қатерлер әкелді. Онлайн-сауданы реттеу, интернет заттары саласындағы заңнама бойынша бірлесе жұмыс істеу, электрондық үкіметтің өзара іс-қимыл жүйесін әзірлеу, тәуекелдік қаржыландыру нарығын құру және жалпы инновацияны бірлесіп дамыту қажеттілігі туды. Сондықтан осы жылы ЕАЭО реттеуші органы Еуразиялық экономикалық комиссия қызметтің жаңа бағытын құрды. Оның негізгі міндеттерінің бірі – бірыңғай цифрлық кеңістік құру, цифрлық технологияларды дамыту. «Еуразиялық апта» форумының қорытындысы бойынша өткен және интеграциялық ынтымақтастықтың жаңа бағытын құрудың бірінші жылдығы қарсаңында Еуразиялық экономикалық комиссияның ішкі нарықтар, ақпараттандыру, ақпараттық-коммуникациялық технологиялар жөніндегі Алқа мүшесі Карине Минасян ТАСС ақпараттық агенттігіне берген сұхбатында бұл салада атқарылып жатқан істер туралы айтып берді.​
Еуразиялық экономикалық комиссияның Энергетика және инфрақұрылым жөніндегі министрі Адамкул Жунусов «РУСАРМИНФО» сұрақтарына жауап берді және Арменияның Еуразиялық одақтың бірыңғай энергетикалық нарығына интеграциялану деңгейін бағалады 09 2016 Еуразиялық экономикалық комиссияның Энергетика және инфрақұрылым жөніндегі министрі Адамкул Жунусов «РУСАРМИНФО» сұрақтарына жауап берді және Арменияның Еуразиялық одақтың бірыңғай энергетикалық нарығына интеграциялану деңгейін бағалады ​​Арменияның ЕАЭО бірыңғай энергетикалық нарығына интеграциялану деңгейін қалай бағалайсыз? Дамудың қандай объективтік мүмкіндіктері бар? ​
29 2016 Ішкі нарықтар, ақпараттандыру, ақпараттық-коммуникациялық технологиялар жөніндегі Алқа мүшесі (Министр) Карине Минасянның «Голос Армении» газетіндегі: Интеграцияға толық кірікпеу жағдайында» атты сұхбаты ЕАЭО елдері ішкі нарықтарының тосқауылдарсыз, алып қоюларсыз және шектеулерсіз жұмыс істеуі соңғы кездері, әсіресе одаққа мүше мемлекеттердің басшылары Еуразиялық экономикалық комиссияны (ЕЭК) бұл бағыт бойынша белсенді әрекеттердің жеткілікті болмауы үшін жиі сын айтуы аясында жіті талқыланатын тақырып болды. Комиссияда нақ ішкі нарықтардың тосқауылдарсыз, алып қоюларсыз және шектеулерсіз жұмыс істеуіне жауап беретін ЕЭК Алқа мүшесі (министрі) Карине Минасянмен әңгіме барысында біз ЕЭК осындай кедергілерді жою жұмысында қандай істер тындырылғанын анықтауға тырыстық.
ЕЭК Министрі Карине Минасянның «Адамдар мен елдер арасындағы цифрлық алшақтықты еңсеру» атты конференция шеңберінде жасаған «Цифрлық дивидендтер: түрлі контекстер» атты баяндамасы 27 2016 ЕЭК Министрі Карине Минасянның «Адамдар мен елдер арасындағы цифрлық алшақтықты еңсеру» атты конференция шеңберінде жасаған «Цифрлық дивидендтер: түрлі контекстер» атты баяндамасы Құрметті әріптестер! Ханымдар мен мырзалар! Дүниежүзілік банк «Цифрлық дивидендтер» әлемдік даму туралы – 2016 баяндамасында Цифрлық революцияның қажетті реформалар жүргізбейтін елдерді алыс артқа шегеріп тастайтынын айтады. Ал оларды жүргізетін елдерге технологияларға инвестициялар салу көп цифрлық дивидендтерді қамтамасыз етеді, осы дивидендтер барлық мүдделі тараптардың арасында кең таратылатын болады.
0/0

ЕАЭО ресурстары