Ալեքսանյան Ալեքսանդր Սերգեյի
Կենսագրություն
Ալեքսանդր Սերգեյի Ալեքսանյանը ծնվել է 1984 թվականի դեկտեմբերի 9-ին քաղաք Գյումրիում (Հայաստանի Հանրապետություն)։
2007 թվականին ավարտել է Վլադիմիրի պետական համալսարանը «Մաթեմատիկոս, համակարգային ծրագրավորող» մասնագիտությամբ։
Նոր տնօրենը տիրապետում է խոշոր ձեռնարկություններում և գիտահետազոտական հաստատություններում տեղեկատվական տեխնոլոգիաների զարգացման և ենթակառուցվածքի աշխատանքի կայունության ապահովման աշխատանքի մեծ փորձին։
Մասնավորապես, նրա ղեկավարության ներքո հաջողությամբ մշակվել և արդյունաբերական շահագործման է հանձնվել Ռուսաստանի ավտոապահովագրողների միության տվյալների մշակման և մեկնաբանման միասնական հարթակը, որն ընդունակ է ուղեկցելու «Եվրապրոտոկոլ օնլայն» բարձրակարգ սպասարկումների համար հարթակները։
Ա.Ս. Ալեքսանյանը նաև զբաղվել է Ռուսաստանի Դաշնության Գլխավոր դատախազության թվային վերափոխման շրջանակներում մշակվող սերվիսների համար հարթակի նախագծմամբ,
ինչպես նաև Ռուսաստանի Դաշնության Գլխավոր դատախազության համար ՏՏ մոնիտորինգի միասնական համակարգի, ՌԴ պետական ծառայությունների միջև տվյալների փոխանակման համակարգի նախագծմամբ։
Նրա մասնակցությամբ ներդրվել և հաջողությամբ գործարկվել է Ռուսաստանի համար հեղուկ հովացմամբ բարձր արտադրողականությամբ Տվյալների մշակման հաշվողական կենտրոնը, որը զբաղեցրել է առաջին տեղը ԱՊՀ ՏՕՊ-50 բարձրակարգ համակարգիչների վարկանիշում և 62-րդը՝ աշխարհի ՏՕՊ-500-ի մեջ։ Մշակվել է նաև ծրագրային ապահովում՝ բարձր արտադրողականությամբ հաշվողական համալիրի (6000-ից ավելի սերվերներ) կառավարման համար։
Աշխատանքային գործունեության ընթացքում հաջողությամբ են իրագործվել 10-ից ավելի բարձր արտադրողականությամբ հաշվարկներ (HPC-նախագծեր) ԱՊՀ-ում և Եվրոպայում, նախագծվել և ներդրվել են ԱՊՀ-ում ՏՕՊ-50 ամենահզոր գերհամակարգիչների և աշխարհում ՏՕՊ-500 ամենահզոր բարձրակարգ համակարգիչների թվին պատկանող բարձր արտադրողականությամբ տվյալների մշակման կենտրոններ։
2020 թվականից հանդիսացել է Եվրասիական տնտեսական հանձնաժողովի ներքին շուկաների, տեղեկատվայնացման, տեղեկատվահաղորդակցական տեխնոլոգիաների հարցերով նախարարի օգնականը։
2021 թվականի օգոստոսի 27-ից նշանակվել է Եվրասիական տնտեսական հանձնաժողովի տեղեկատվական տեխնոլոգիաների վարչության տնօրեն։
