Ղազարյան Վահագն Ռուդոլֆի
Կենսագրություն
Ծնվել է 1953 թվականի մայիսի 5-ին Ստեփանակերտ քաղաքում:
Կրթությունը. Հայկական գյուղատնտեսական ինստիտուտ:
1975-1977 թթ.՝ Գյուղատնտեսության մեքենայացման և էլեկտրիֆիկացման ԳՀԻ գիտաշխատող:
1977-1986 թթ.՝ աշխատել է առևտրային կառույցներում՝ ղեկավար պաշտոններում:
1986-1996 թթ.՝ աշխատել է պետական մարմիններում՝ ղեկավար պաշտոններում:
1996-1997 թթ.՝ Հայաստանի Հանրապետության Առևտրի, ծառայությունների և տուրիզմի նախարարության արտաքին տնտեսական գործունեության և արտաքին առևտրային քաղաքականության կազմակերպման բաժնի պետ:
1997-2002 թթ.՝ Հայաստանի Հանրապետության Արդյունաբերության և առևտրի նախարարության արտաքին առևտրային քաղաքականության վարչության պետ:
2002-2008 թթ.՝ Հայաստանի Հանրապետության Առևտրի և տնտեսական զարգացման նախարարության առևտրային քաղաքականության և ներքին շուկայի կարգավորման վարչության պետ:
2008-2016 թթ.՝ Հայաստանի Հանրապետության Էկոնոմիկայի նախարարության առևտրի և շուկաների կարգավորման վարչության պետ:
2016 թվականի ապրիլից՝ Եվրասիական տնտեսական հանձնաժողովի մաքսասակագնային և ոչ սակագնային կարգավորման վարչության տնօրեն:
Գիտական աշխատությունների և հայտնագործությունների հեղինակ:
