Առևտուր

Նորություններ «Առևտուր»

26 Jan 2023 Անդրեյ Սլեպնև. «Կլիմայական օրակարգի շրջանակներում մենք լուծում ենք տեխնոլոգիաների, ֆինանսների հասանելիության, ինչպես նաև ոլորտների խթանների համահարթեցման ոլորտի հարցեր» Եվրասիական տնտեսական հանձնաժողովի առևտրի նախարար Անդրեյ Սլեպնևը մասնակցել է Եվրասիական տարածքում կլիմայական օրակարգի հարցերով համակարգված մոտեցումների մշակմանը նվիրված սեմինարին, որը տեղի է ունեցել ԵՏՀ Խորհրդի նիստի շրջանակներում։ «Կլիմայական օրակարգը տնտեսության տեսանկյունից, առաջին հերթին, տեխնոլոգիական վերափոխում է և անցում նոր տեխնոլոգիական հարթակ։ Ուստի այս գործընթացում գրանցվող հաջողությունը կորոշի նաև ազգային տնտեսությունների հաջողությունը գալիք տասնամյակների ընթացքում»,- նշել է նախարարն իր խոսքում։ ԵՏՀ առևտրի նախարարը, որը գլխավորում է կլիմայական օրակարգի շրջանակներում Եվրասիական տնտեսական միության երկրների դիրքորոշումների մերձեցման առաջարկների մշակման հարցերով բարձր մակարդակի աշխատանքային խումբը (ԲՄԱԽ), ուշադրություն է հրավիրել երեք հիմնական հարցին՝ տեխնոլոգիաների հասանելիություն, ֆինանսների հասանելիություն, ինչպես նաև խթաններ ոլորտների համար և դրա հետ կապված միջերկրային խոչընդոտների առաջացման խնդիրներ: Տեխնոլոգիաների հասանելիության մասով ամեն ինչ կախված է նրանից, թե ով և ինչպես կհամարի, թե որ տեխնոլոգիան և որքանով կարող է անվանվել «կանաչ»: Այս առումով Ռուսաստանի Դաշնությունում երեք տարվա ընթացքում ձևավորվել է ածխածնային կարգավորման իրավական ինստիտուցիոնալ ենթակառուցվածք։ Իսկ Ղազախստանում նման համակարգ կառուցվել է ավելի վաղ և այսօր ակտիվորեն կատարելագործվում է։ «Հարաբերությունների այս մեծ ոլորտն անդրադառնում է և՛ հարկային, և՛ մաքսային հարցերին, և՛ տեխնիկական կարգավորմանը: Եթե ստանդարտների հարցում տարաձայնություններ ունենանք, ապա ի՞նչ կոոպերացիայի մասին կարող ենք խոսել։ Անմիջապես խոչընդոտ կառաջանա: Ուստի խնդիրը, ներառյալ վավերացման, ստուգման և հավատարմագրման ընդհանուր համակարգի հարցը, այժմ առաջնային է»,- ընդգծել է Անդրեյ Սլեպնևը։ Երկրորդ կետը վերաբերում է կլիմայական նախագծերի իրականացման համար միասնական մեթոդաբանական բազայի ձևավորմանը և շոշափում ածխածնազերծմանն ուղղված ընկերությունների նախաձեռնություններին աջակցելու հարցերը։ Ֆինանսների հասանելիության առումով ԵԱՏՄ-ում մշակվել է կլիմայական նախագծերի միասնական տաքսոնոմիա։ Փաստաթուղթը որևէ երկրի նախագծեր նախաձեռնողներին հնարավորություն է տալիս ֆինանսավորում ստանալ Միության ողջ շուկայում, եթե մեթոդաբանությունը համահունչ է: Միաժամանակ ԵՏՀ Առևտրի նախարարը վստահություն է հայտնել, որ ընդունված տաքսոնոմիան էլ ավելի լայն ճանաչում կունենա։ «Մենք ակնկալում ենք մոդելային տաքսոնոմիայի օգտագործում որպես ազգային ակտերի մեթոդաբանական հիմք, ինչպես նաև աշխատում ենք կողմերի բորսաների հետ ԵԱՏՄ ամբողջ տարածքում ֆինանսավորում տրամադրելու նպատակով վերջինիս ուղղակի կիրառման ուղղությամբ», - ասել է Անդրեյ Սլեպնևը: Նա նաև հիշեցրել է, որ Հանձնաժողովը գործարկել է կլիմայական տեխնոլոգիաների և թվային նախագծերի բանկ, և ընկերությունները պատրաստ են օգնել դրանց կրկնակի ներդրման հարցում: «Երրորդ հարցը, թերևս ամենակարևորը, խթաններն ու հնարավոր խոչընդոտներն են: Սա այն հարցն է, թե երբ և որ երկրները կսկսեն ներդնել սահմանային ճշգրտող ածխածնային մեխանիզմի անալոգները։ Այսօր մենք տեսնում ենք, որ արտանետումների առևտրի համակարգը ակտիվորեն ներդրվում է Կորեայի Հանրապետությունում, Չինաստանում և, ի դեպ, Ղազախստանի Հանրապետությունում»,- ընդգծել է ԵՏՀ առևտրի նախարարը։ Եվրասիական տնտեսական միության համար ամենամեծ ռիսկը, ըստ Անդրեյ Սլեպնևի, ԵԱՏՄ ներսում նման մեխանիզմների և սահմանային փոխհատուցման համապատասխան գործիքների ներդրումն է։ Այս ռիսկերի համատեքստում դրված է Միության անդամ պետությունների միջև, ինչպես նաև հիմնական արտաքին առևտրային գործընկերների հետ ոլորտների ածխածնազերծման պլանների լարվածության համահարթեցման լուրջ խնդիր: «Մենք պետք է վերլուծենք մեր երկրներում կլիմայական կարգավորումը, համաժամացնենք պլանները և անհրաժեշտ լուծումներ առաջարկենք Միության մարմիններին», - եզրափակել է Անդրեյ Սլեպնևը: Սեմինարի աշխատանքների մասնակցել են նաև ԵՏՀ խորհրդի անդամներ՝ Ռուսաստանի Դաշնության կառավարության նախագահի տեղակալ Ալեքսեյ Օվերչուկը և Ղրղզստանի Հանրապետության Նախարարների կաբինետի նախագահի առաջին տեղակալ Ադիլբեկ Կասիմալիևը, ԵՏՀ Կոլեգիայի նախագահ Միխայիլ Մյասնիկովիչը, Ռուսաստանի Դաշնության տնտեսական զարգացման նախարար Մաքսիմ Ռեշետնիկովը, Հայաստանի Հանրապետության էկոնոմիկայի նախարար Վահան Քերոբյանը, «Աստանա» ԲԳԿ Կանաչ ֆինանսների կենտրոնի տնօրեն Այդար Կազիբաևը, «Գազպրոմբանկ» ԲԲԸ վարչության նախագահի տեղակալ Ելենա Բորիսենկոն , ՎԷԲ.ՌՖ-ի խորհրդի անդամ Ալեքսեյ Միրոշնիչենկոն և այլն:
25 Jan 2023 ԵՏՀ-ն մեկ տարով զրոյացրել է պաստառի արտադրության համար պոլիմերների ներմուծման մաքսատուրքը Եվրասիական տնտեսական հանձնաժողովի Խորհուրդը որոշում է ընդունել ժամանակավորապես՝ մինչև 2024 թվականի փետրվարի 29-ը պաստառների արտադրության համար նախատեսված պլաստիկացված պոլիվինիլքլորիդի ներկրման մաքսատուրքի դրույքաչափը զրոյացնելու մասին: Տվյալ ապրանքի համար ԵԱՏՄ ՄՄՍ ներկայիս դրույքաչափը կազմում է 6,5%: «Պոլիմերը նախատեսված է ռոտացիոն տրաֆարետային տպագրության միջոցով թղթի և չհյուսած գործվածքի (ֆլիզելինի) վրա տպագրության համար և ներկայումս անհրաժեշտ ծավալներով չի արտադրվում Եվրասիական տնտեսական միության տարածքում»,- պարզաբանել է ԵՏՀ մաքսասակագնային և ոչ սակագնային կարգավորման վարչության տնօրեն Վահագն Ղազարյանը։ Նրա խոսքով՝ Միության անդամ մի շարք երկրների նկատմամբ արտաքին պատժամիջոցների պայմաններում մաքսասակագնային կարգավորման ընդունված միջոցը թույլ կտա աջակցել ներքին շուկայում պաստառ արտադրողներին։ Որոշումն ուժի մեջ է մտնելու պաշտոնական հրապարակման օրվանից 10 օրացուցային օրը լրանալուց հետո։ Տեղեկանք Նախկինում Հանձնաժողովի Խորհրդի 2017 թվականի օգոստոսի 22-ի N 47 և 2018 թվականի դեկտեմբերի 5-ի N 97 որոշումների համաձայն՝ խնդրո առարկա ապրանքների ներմուծման մաքսատուրքի զրոյական դրույքաչափը արդեն կիրառվել էր 2017 թվականի հոկտեմբերի 14-ից մինչև 2020 թվականի դեկտեմբերի 31-ը ներառյալ։
24 Jan 2023 Ծրագրային կոմիտեն քննարկել է ԵԱՏՄ պետությունների ղեկավարների մասնակցությամբ 2-րդ Եվրասիական տնտեսական համաժողովի նախապատրաստական հարցերը Եվրասիական տնտեսական հանձնաժողովի հարթակում ԵՏՀ առևտրի նախարար Անդրեյ Սլեպնևի նախագահությամբ տեղի է ունեցել 2-րդ Եվրասիական տնտեսական համաժողովի նախապատրաստման հարցերով ծրագրային կոմիտեի առաջին նիստը, որն այս տարի կանցկացվի «Եվրասիական ինտեգրումը բազմաբևեռ աշխարհում» կարգախոսի ներքո: Միջոցառումը, որի լիագումար նստաշրջանին կմասնակցեն Եվրասիական տնտեսական միության երկրների ղեկավարները, նախատեսված է անցկացնել մայիսի 24-ից 25-ը՝ Եվրասիական տնտեսական բարձրագույն խորհրդի նիստի նախօրեին։ ԵՏՀ նորմատիվ իրավական ակտերի համաձայն՝ Եվրասիական տնտեսական համաժողովն ամեն տարի անցկացվում է ԵԱՏՄ-ում նախագահող երկրում, այսինքն այս տարի այն կանցկացվի Ռուսաստանի Դաշնությունում։ Ծրագրային կոմիտեի նիստում Եվրասիական տնտեսական միության երկրների լիազոր գերատեսչությունների և բիզնեսի, ինչպես նաև ԵՏՀ կառուցվածքային ստորաբաժանումների ներկայացուցիչները քննարկել են համաժողովի ընդհանուր հայեցակարգը և նախնական բովանդակությունը, պանելային նստաշրջանների հնարավոր թեմաները և համաժողովի շրջանակներում միջոցառումների անցկացման հարցը: Ելնելով ժամանակակից աշխարհում Միության դիրքավորմանը համաժողովի նպատակաուղղվածությունից՝ թեմատիկ նստաշրջանները և երկխոսային միջոցառումները կանդրադառնան միջազգային օրակարգի առավել հրատապ թեմաներ՝ ժամանակակից եվրասիականության աշխարհայացքային հիմքերը, ԵԱՏՄ-ի առաջիկա տասնամյակների ռազմավարական նպատակները, թվային փոխակերպումը, կլիմայական մարտահրավերները և Միության համախմբված պատասխանը, էներգետիկ, պարենային անվտանգությունը, փոխհարաբերությունները ՇՀԿ-ի, ԲՐԻԿՍ-ի, ԱՍԵԱՆ-ի, Աֆրիկայի և Արաբական Արևելքի պետությունների հետ:
24 Jan 2023 ԵՏՀ-ն մեկ տարի ժամկետով զրոյացրել է 5-ից 50 հազար կՎտ հզորությամբ գազատուրբինների մասերի ներմուծման մաքսատուրքերը Եվրասիական տնտեսական հանձնաժողովի Կոլեգիան որոշել է ժամանակավորապես զրոյացնել 5-ից 50 հազար կՎտ հզորությամբ գազատուրբինների մասերի ներմուծման մաքսատուրքի դրույքաչափը (մինչև 2024 թվականի մարտի 31-ը ներառյալ): Ներկայումս ԵԱՏՄ ՄՄՍ համապատասխան դրույքաչափը կազմում է մաքսային արժեքի 5%-ը։ Քննարկվող մասերից են ցածր ճնշման տուրբինի իրանի, կոմպրեսորի և արտանետող դիֆուզորի անիվները, լիսեռի առջևի ծայրը, կոմպրեսորի սկավառակը, հենարանները, փչահարման օդի հովացման ջերմափոխանակիչը, օժանդակ համակարգերի ռեդուկտորը և Իտալիայից ներմուծվող այլ մասեր, ԱՄՆ-ից և Հոլանդիայից ներկրվող տարբեր փականներ, ինչպես նաև Գերմանիայից և Մեծ Բրիտանիայից ներկրվող որոշակի այլ մասեր։ «Միջոցառումը կնպաստի Եվրասիական տնտեսական միության տարածքում վերջնական արտադրանքի արտադրության զարգացմանը, ինչպես նաև կազդի գազավերամղիչ ագրեգատների վրա տեղադրվող գազատուրբինների արտադրության վրա, որոնք օգտագործվում են կոմպրեսորային կայաններում՝ բնական գազը մայրուղային գազատարներով փոխադրելու համար», - ընդգծել է ԵՏՀ առևտրի նախարար Անդրեյ Սլեպնևը։ Նրա խոսքով՝ որոշումը թույլ կտա ԵԱՏՄ նավթագազային արդյունաբերության ձեռնարկություններն ապահովել նոր սերնդի էներգետիկ սարքավորումներով, ինչպես նաև արդիականացնել եվրասիական երկրների գազատրանսպորտային համակարգը։  Նախարարը նաև նշել է, որ այս պահին Միությունում ակտիվորեն իրականացվում են գազատուրբինների մասերի արտադրության տեղայնացման ծրագրեր: Ազատված միջոցները նախատեսվում է ուղղել համապատասխան միջոցառումների հետագա ընդլայնմանը՝ դրանք մինչև 2025 թվականն ավարտելու համար։ Տեղեկանք ԵՏՀ Կոլեգիայի 2014 թվականի հուլիսի 15-ի № 110 և 2016 թվականի մարտի 1-ի № 21 որոշումների համաձայն՝ 2014 թվականի սեպտեմբերի 2-ից մինչև 2021 թվականի դեկտեմբերի 31-ը ներառյալ գազատուրբինների մասերի նկատմամբ արդեն իսկ կիրառվել է մաքսային արժեքի 0%-ի չափով մաքսատուրք։
Ցուցադրել ավելին

թեմայով որոշումներ «Առևտուր»

19
25.01.2023 Решение Совета ЕЭК № 19 О внесении изменений в некоторые решения Комиссии Таможенного союза в отношении отдельных видов мяса крупного рогатого скота
14
31.01.2023 Решение Коллегии ЕЭК №14 О внесении изменений в Решение Коллегии Евразийской экономической комиссии от 17 ноября 2015 г. № 154
13
31.01.2023 Решение Коллегии ЕЭК №13 Об установлении ставки ввозной таможенной пошлины Единого таможенного тарифа Евразийского экономического союза в отношении фольги для тиснения
3
31.01.2023 Рекомендация Коллегии ЕЭК №3 Об обеспечении функционирования единого рынка услуг в сфере строительства
8
31.01.2023 Распоряжение Коллегии ЕЭК №8 О внесении изменений в состав рабочей группы по определению общих принципов и подходов к установлению ответственности за несоблюдение требований права Евразийского экономического союза в сфере таможенного регулирования

Նյութեր ուղղության վերաբերյալ

Սլեպնյով Անդրեյ Ալեքսանդրովիչ
Սլեպնյով Անդրեյ Ալեքսանդրովիչ
Սլեպնյով Անդրեյ Ալեքսանդրովիչ
Սլեպնյով Անդրեյ Ալեքսանդրովիչ
Սլեպնյով Անդրեյ Ալեքսանդրովիչ
Սլեպնյով Անդրեյ Ալեքսանդրովիչ
Սլեպնյով Անդրեյ Ալեքսանդրովիչ
0/0