Երմոլովիչ Մաքսիմ Լեոնիդի

Ծնվել է 1977 թվականի հունիսի 26-ին Բելառուսի Հանրապետության Վիտեբսկի մարզի Լեպել քաղաքում:

Ավարտել է Պոլոցկի պետական համալսարանը և Բելառուսի Հանրապետության նախագահին առընթեր Կառավարման ակադեմիան։

1999 թվականին աշխատել է Մինսկի Ֆրունզենսկի շրջանի պետական հարկային կոմիտեի № 2 տեսչության պետական հարկային տեսուչ։

1999 թվականի հուլիսից մինչև 2002 թվականը տարբեր պաշտոններ է զբաղեցրել Բելառուսի պետական հարկային կոմիտեում (ներկայումս՝ Հարկերի և վճարների նախարարություն):

2002-2011 թվականներին աշխատել է Բելառուսի Հանրապետության ֆինանսների նախարարությունում տարբեր պաշտոններում՝ բյուջի եկամուտների վերլուծության և պլանավորման վարչության խորհրդատու, հարկային քաղաքականության և բյուջեի եկամուտների գլխավոր վարչության բյուջեի եկամուտների պլանավորման և հաշվառման բաժնի ղեկավար, բյուջետային քաղաքականության գլխավոր վարչության ղեկավար:

2011-2014 թվականներին՝ Բելառուսի Հանրապետության ֆինանսների փոխնախարար:

2014-2018 թվականներին՝ Բելառուսի Հանրապետության ֆինանսների առաջին փոխնախարար:

2018 թվականի օգոստոսի 31-ին նշանակվել է Բելառուսի Հանրապետության ֆինանսների նախարարի պաշտոնում։

2020 թվականի հուլիսի 20-ին նշանակվել է համատեղությամբ Մեծ Բրիտանիայի և Հյուսիսային Իռլանդիայի Միացյալ Թագավորությունում Բելառուսի Հանրապետության արտակարգ և լիազոր դեսպան, Իռլանդիայում Բելառուսի Հանրապետության արտակարգ և լիազոր դեսպան։

2022 թվականի օգոստոսի 1-ից՝ Բելառուսի Հանրապետության նախագահի աշխատակազմի ղեկավարի տեղակալ։

Եվրասիական տնտեսական բարձրագույն խորհրդի որոշմամբ 2024 թվականի փետրվարի 1-ից նշանակվել է Եվրասիական տնտեսական հանձնաժողովի մրցակցության և հակամենաշնորհային կարգավորման նախարար։