Եվրասիական տնտեսական միության, նրա անդամ պետությունների և Մոնղոլիայի միջև ժամանակավոր առևտրային համաձայնագրի կնքման շուրջ Ուլան Բատորում ընթացող բանակցությունների առաջին փուլի ընթացքում կողմերն արդեն կարողացել են արձանագրել դրանց սուբստանտիվ ավարտը։

Դա հնարավոր է դարձել, որովհետև փաստաթղթի նախագիծը՝ ներառյալ ապրանքների սահմանափակ շրջանակի մաքսատուրքերը նվազեցնելու կամ զրոյացնելու մասին պայմանավորվածությունները, նախապատրաստվել է ռեկորդային կարճ ժամկետներում։

«ԵԱՏՄ-ի և Մոնղոլիայի միջև ժամանակավոր առևտրային համաձայնագրի կնքման միջոցով համագործակցության ընդլայնումը ռազմավարական նշանակություն ունի, քանի որ այն թույլ կտա լրացուցիչ խթաններ ստեղծել արտադրանքի արտահանման փոխադարձ մեծացման, առևտրի տարբերակման և միմյանց շուկաներում ապրանքների մրցունակության բարձրացման համար։ Բացի այդ, մենք ակնկալում ենք մեր Միության երկրների և Մոնղոլիայի ավելի սերտ ինտեգրում ավելացված արժեքի տարածաշրջանային և գլոբալ շղթաներին», — ասել է ԵՏՀ առևտրի նախարար Անդրեյ Սլեպնևը։

Կողմերը հայտնել են համաձայնագիրը մինչև ընթացիկ տարվա վերջ կնքելու ձգտումի մասին։