Նորություններ

Եվրասիական տնտեսական հանձնաժողովի խորհուրդը հավանություն է տվել ԵԱՏՄ որևէ պետության բրոքերների և դիլերների կողմից «հնգյակի» մյուս երկրների բորսայական աճուրդներին մասնակցելու թույլտվության մասին համաձայնագրի նախագծին և ուղարկել այն Եվրասիական տնտեսական միության երկրներ ստորագրման համար անհրաժեշտ ներպետական ընթացակարգեր անցնելու նպատակով:

Համաձայնագիրը թույլ կտա ստեղծել բորսայական գործառնությունների միասնական տարածք, որտեղ բրոքերները և դիլերները կկարողանան աշխատել ծագման երկրների լիազոր մարմինների կողմից տրված լիցենզիաների հիման վրա։ Փաստաթուղթը զգալիորեն կընդլայնի ներդրողների հնարավորությունները, կբարձրացնի ԵԱՏՄ բորսայական հարթակների աճուրդներում գործարկվող ֆինանսական գործիքների իրացվելիությունն ու գրավչությունը։