арм

Նորություններ

ԵՏՀ ԶԼՄ-ներում Ֆոտոսրահ Տեսադարան
11 հուլիսի 2025 ԵԱՏՄ երկրները զարգացնում են արդյունաբերական համագործակցությունը Եվրասիական տնտեսական հանձնաժողովի արդյունաբերության հարցերով խորհրդատվական կոմիտեի նիստում, որը նախագահել է ԵՏՀ պրոֆիլային նախարար Գոհար Բարսեղյանը, քննարկվել են Եվրասիական տնտեսական միության երկրների տնտեսության իրական հատվածի մի շարք արդիական հարցեր: Մասնավորապես, հավանություն է տրվել Արդյունաբերական համագործակցության հիմնական ուղղությունների իրականացման մշտադիտարկման արդյունքների մասին Հանձնաժողովի զեկույցը, համաձայնեցվել են արդյունաբերական արտադրանքի հիմնական տեսակների մասով ԵԱՏՄ պետությունների 2023 և 2024 թվականների, ինչպես նաև երկու կանխատեսվող ժամանակահատվածների՝ 2025 և 2026 թվականների պահանջարկի և առաջարկի ամփոփ կանխատեսումային հաշվեկշիռները: Քննարկվել է արդյունաբերության ոլորտի կոոպերացիոն նախագծերին ֆինանսական աջակցության տրամադրման վերազգային մեխանիզմի իրագործումը: «Կոմիտեի անդամները քննարկել են արդյունաբերական սուբսիդիաների ոլորտում աշխատանքների օպտիմալացման հնարավոր մեխանիզմները և նման նախատեսվող սուբսիդիաների մասին տեղեկատվության տրամադրման մասով ԵԱՏՄ մասին պայմանագրի առանձին դրույթների ճշգրտումները», — նաև նշել է Գոհար Բարսեղյանը:
11 հուլիսի 2025 Վերամշակման մաքսային ընթացակարգն օգնում է ԵԱՏՄ երկրների արդյունաբերական կոոպերացիային և արտահանմանը Եվրասիական տնտեսական միության մաքսային տարածքում վերամշակման մաքսային ընթացակարգի կիրառումը խթանում է անդամ պետությունների արդյունաբերական կոոպերացիայի զարգացումը և արտահանումը: Սա ընդգծել է Եվրասիական տնտեսական հանձնաժողովի արդյունաբերական քաղաքականության վարչության տնօրեն Վիտալի Վովկն այս թեմայով ԵՏՀ հարթակում կայացած սեմինարի ընթացքում: Ըստ Վիտալի Վովկի՝ նման մաքսային ընթացակարգը, որը նախատեսում է օտարերկրյա ապրանքների օգտագործում՝ մաքսատուրքերի և հարկերի վճարումից ժամանակավոր ազատմամբ, օգնում է Միությունում կատարելագործել արտադրական գործընթացները և բարձրացնել ապրանքների մրցունակությունը: Ըստ էության, այն եվրասիական «հնգյակի» երկրների ինտեգրման ներուժի կարևոր տարրերից է: «Բարձր տեխնոլոգիական արտադրանք արտադրելիս սեփական իրավասությունների ու տեխնոլոգիաների զարգացման և երրորդ երկրներ դրանց արտահանման ավելացման վերաբերյալ Միության պետությունների ղեկավարների նախաձեռնությունները Հանձնաժողովի կողմից իրականացնելու համար հարկ է ավելի լիարժեք օգտագործել մեր ինտեգրման ներուժը, — նշել է Վիտալի Վովկը: — Սա անհրաժեշտ է արդյունաբերական կոոպերացիայի զարգացման ուղղությամբ ջանքերի համախմբման և մրցունակ արտադրանքի ելքի նոր արդյունավետ մեխանիզմների մշակման համար»: Սեմինարում հատուկ ուշադրություն են դարձրել վերամշակման մաքսային ընթացակարգի գործնական կիրառման, Միության պետությունների մաքսային մարմինների կողմից դրա իրականացման վարչական ասպեկտներին, արտադրողներին և արտահանողներին տրվելիք առավելություններին: Արդյունաբերության այլ ոլորտների թվում, որտեղ ակտիվորեն կիրառվում է կամ կարող է կիրառվել նշված ընթացակարգը, նշվել են ավիաշինությունն ու նավաշինությունը, երկաթուղային մեքենաշինությունը, ավտոմոբիլաշինությունը՝ ներառյալ շարժիչների արտադրությունը, մետաղագործությունը, դեղագործությունը, փայտամշակումը, քիմիական, թեթև արդյունաբերությունը և մի շարք այլ ոլորտներ: Նշված ոլորտներում կոոպերացիոն մատակարարումների դինամիկայի վերլուծությունը վկայում է ԵԱՏՄ շրջանակներում արդյունաբերական կոոպերացիայի զարգացման և երրորդ երկրների շուկաներ բարձր տեխնոլոգիական արտադրանքի արտահանման ընդլայնման համար առկա զգալի ներուժի մասին: Սեմինարը կազմակերպվել է «Ռուսաստանի արտահանման կենտրոն» ընկերությունների խմբի աջակցությամբ: Սեմինարին մասնակցել են ԵԱՏՄ երկրների լիազոր պետական մարմինների, կազմակերպությունների, ոլորտային ընկերակցությունների, բիզնեսի ավելի քան 130 ներկայացուցիչներ:
09 հուլիսի 2025 Գոհար Բարսեղյան. «ԵՏՀ-ն հետևողականորեն հանդես է գալիս արդյունաբերական կոոպերացիայի խորացման օգտին» Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանը մասնակցել է Եկատերինբուրգում կայացած «Իննոպրոմ» միջազգային արդյունաբերական ցուցահանդեսի շրջայցին և աշխատանքներին, այդ թվում՝ «Տեխնոլոգիական առաջնություն. արդյունաբերական ճեղքում» գլխավոր ռազմավարական նստաշրջանին: Գործարար նախաճաշի ընթացքում, որին մասնակցել են Ռուսաստանի արդյունաբերության և առևտրի նախարար Անտոն Ալիխանովը և խոշոր արդյունաբերական ընկերությունների ղեկավարներ, Գոհար Բարսեղյանը նշել է.  «Եվրասիական տնտեսական միության երկրների բիզնեսի ներդաշնակ աշխատանքն առանցքային դերակատարում ունի: Դեպի սպառողն ուղղվածությունը և շուկայի փոփոխություններին օպերատիվ արձագանքման ունակությունը գործարար համայնքին օգնում են մասշտաբային խնդիրներ լուծել ԵԱՏՄ շրջանակներում: Հանձնաժողովը հետևողականորեն աշխատում է այնպիսի պայմաններ ստեղծելու համար, որոնց դեպքում ձեռնարկատերերը կարող են ավելի լավ բացահայտել իրենց ներուժը: Շանհայի համագործակցության կազմակերպության երկրների արդյունաբերության նախարարների խորհրդակցությանը քննարկվել են եվրասիական տարածքում հետագա համատեղ աշխատանքի հեռանկարները: «Հանձնաժողովը հետևողականորեն հանդես է գալիս արդյունաբերական կոոպերացիայի խորացման, տեխնոլոգիաների փոխանակման և արդյունավետ ինտեգրացիոն շփումների ձևավորման օգտին: Մենք հետաքրքրված ենք ոլորտային նախաձեռնությունների խթանմամբ, ՇՀԿ երկրների հետ համատեղ նախագծերի իրականացմամբ և տեխնոլոգիական փորձի փոխանակմամբ», — ընդգծել է Գոհար Բարսեղյանը: Նա նաև աշխատանքային հանդիպումներ է ունեցել Բելառուսի արդյունաբերության նախարար Անդրեյ Կուզնեցովի հետ, որի ընթացքում քննարկվել են ԵԱՏՄ-ում ֆինանսական աջակցության մեխանիզմի և համատեղ նախագծերի իրագործման հարցեր: «Իննոպրոմի» միջոցառումների շրջանակներում Գոհար Բարսեղյանը նաև այցելել է «Էներգո-Արսենալ» լուսավորության հենարաններ և լուսամփոփներ արտադրող գործարանը: Ձեռնարկությունը Միությունում կոոպերացիոն նախագծերին աջակցության ցուցաբերման 2024 թվականին գործողության մեջ դրված վերազգային ծրագրի հնարավոր մասնակիցներից է:  2025 թվականի սեպտեմբերի 29-ից հոկտեմբերի 1-ի «Իննոպրոմն» իր աշխատանքները կշարունակի Մինսկում: Նույն վայրում տեղի կունենա նաև ԵԱՏՄ արդյունաբերական քաղաքականության խորհրդի նիստը:
04 հուլիսի 2025 Թվային տեխնոլոգիաները Միության երկների ԱԱՀ-ում դառնում են դրա արդյունավետության բարձրացման առանցքային գործիք Այս մասին հուլիսի 4-ին Վոլգոգրադում հայտարարել է Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանը՝ ելույթ ունենալով Դաշտի համառուսական օր-2025-ի «Ապագայի նպատակներ. ռուսական բուսաբուծության արդյունավետության բարձրացում» լիագումար նիստում: «Եվրասիական տնտեսական միության երկրների գյուղատնտեսությունը որակական վերափոխումների շեմին է: Ագրարային շուկայի փոխակերպումը թվային մոդելի գյուղարտադրության արագացված աճի գործիքներից մեկն է: Հենց այս ուղղությամբ են կենտրոնացված ԵՏՀ-ի և ազգային կառավարությունների ջանքերը», — նշել է Գոհար Բարսեղյանը: Նիստում քննարկվել են բուսաբուծությունում արդյունավետության բարձրացման հարցեր, այդ թվում՝ ժամանակակից թվային լուծումների՝ անօդաչու տեխնոլոգիաների, թվային մշտադիտարկման և ռոբոտացման հաշվին: Միջոցառմանը մասնակցել են Ռուսաստանի Դաշնության գյուղատնտեսության նախարար Օքսանա Լուտը և Բելառուսի Հանրապետության գյուղատնտեսության և պարենի նախարար Իգոր Գորլովը: Գործարար ծրագրի շրջանակներում Գոհար Բարսեղյանը աշխատանքային հանդիպում է ունեցել Օքսանա Լուտի հետ: Քննարկվել են ԵԱՏՄ պետությունների միջև ագրոարդյունաբերական համալիրի ոլորտում առևտրատնտեսական համագործակցության արդիական հարցեր: Կողմերը նշել են ինտեգրման գործընթացների խորացման և ոլորտի կայուն զարգացման ապահովման անհրաժեշտությունը, քննարկել ԱԱՀ ոլորտում «Եվրասիական տնտեսական ուղի» մինչև 2030 թվականը և մինչև 2045 թվականն ընկած ժամանակահատվածում  ԵԱՏՄ շրջանակներում տնտեսական գործընթացների զարգացման մասին հռչակագրի իրականացման ընթացքը: Պայմանավորվածություն է ձեռք բերվել ագրոարդյունաբերական համալիրում կոոպերացիոն նախագծերին ֆինանսական աջակցության տրամադրման մեխանիզմի գործարկման առաջարկների նախապատրաստմանը համատեղ ջանքերն ուղղելու մասին: «ԱԱՀ-ում համատեղ կոոպերացիոն նախագծերի իրականացումը կնպաստի արտադրվող արտադրանքի ծավալների մեծացմանը, տեխնոլոգիական կատարելագործմանը, միջազգային առևտրատնտեսական շփումների և փոխադարձ ներդրումների ավելացմանը», — նշել է ԵՏՀ նախարարը: Գոհար Բարսեղյանը կարևորել է համաձայնեցված գործողությունները գյուղատնտեսության կայուն զարգացման ընդհանուր նպատակների իրագործման, ԵԱՏՄ շրջանակներում ընդհանուր ագրարային շուկայի կարգավորման համար: ԵՏՀ նախարարը նաև մասնակցել է «Դաշտի համառուսական օր — 2025» ցուցահանդեսի հանդիսավոր բացմանը և շրջայցին, որտեղ ծանոթացել է ժամանակակից գյուղատնտեսական տեխնիկային և սարքավորումներին:
26 հունիսի 2025 Գոհար Բարսեղյան. «ԵՏՀ-ն պատրաստ է աջակցել ռոբոտների արտադրության կոնկրետ նախագծերին» Հունիսի 26-ին Մինսկում՝ ԵՏՀ-2025-ի «Ռոբոտացված համակարգերի կիրառում՝ որպես արդյունաբերական ձեռնարկությունների մրցունակության աճի գործոն» կլոր սեղանի ընթացքում, որին մասնակցել է Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանը, խոսել են Եվրասիական տնտեսական միության երկրներում արդյունաբերական ռոբոտների և ռոբոտատեխնիկական համակարգերի ներդրման մասին, որոնք ուղղված են տեխնոլոգիական և բիզնես գործընթացների ավտոմատացմանը: «Ներկայումս աշխարհի առաջատար երկրները մշակում և իրականացնում են տնտեսության տարբեր ոլորտներում արդյունաբերական և սերվիսային ռոբոտների, ռոբոտատեխնիկական համակարգերի ներդրման ազգային ռազմավարություններ: Հատկապես սուր են դրված տեխնոլոգիական գործընթացների ավտոմատացման և ռոբոտացման հարցերը արդյունաբերությունում և ԱԱՀ-ում, որտեղ պահանջվում են էական արհեստավարժ կադրային ռեսուրսներ», - ընդգծել է Գոհար Բարսեղյանը: Հայտնի է, որ աշխարհի առաջատար պետություններում ռոբոտացման խտությունը կազմում է ավելի քան 100 և նույնիսկ 1000 արդյունաբերական ռոբոտ՝ 10 000 բանվորի հաշվով: ԵԱՏՄ բիզնեսի և պետական կառույցների նախաձեռնությամբ Միությունում ստեղծվում է «Ռոբոտատեխնիկա» եվրասիական տեխնոլոգիական հարթակ, մշակվում է «Արդյունաբերական ռոբոտատեխնիկա» միջպետական ծրագիր: Խնդիր է դրված՝ առաջիկա հինգ տարվա ընթացքում սկսել արդյունավետ արդյունաբերական ռոբոտների և ռոբոտատեխնիկական համակարգերի զանգվածային ներդրում: Եվ նպատակահարմար է ապահովել եվրասիական «հնգյակի» երկրների ոլորտային ընկերակցությունների, գիտական հիմնարկների և ձեռնարկությունների հստակ փոխգործակցությունը, անցնել ռոբոտատեխնիկայում կոնկրետ ներդրումային նախագծերի իրականացմանը: «Հաշվի առնելով թեմայի արդիականությունը՝ Հանձնաժողովը գործող ֆինանսական մեխանիզմի շրջանակներում պատրաստ է աջակցել արդյունաբերական և սերվիսային ռոբոտների սերիական արտադրության, արդյունաբերական ձեռնարկությունների համապատասխան արդիականացման կոնկրետ նախագծերին: Մենք արդեն սկսել ենք անհրաժեշտ կոոպերացիոն նախագծերի որոնման աշխատանքը», - ամփոփել է Գոհար Բարսեղյանը:
26 հունիսի 2025 Մինսկում՝ ԵՏՀ-2025-ում քննարկվել են միջուկային տեխնոլոգիաների ոլորտում կոոպերացիայի հեռանկարային ուղղությունները Հունիսի 26-ին Մինսկում՝ 4-րդ Եվրասիական տնտեսական համաժողովում անցկացվել է «Միջուկային տեխնոլոգիաների զարգացումը Մինչև 2030 թվականը Եվրասիական տնտեսական միությունում արդյունաբերական համագործակցության հիմնական ուղղությունների շրջանակներում. ԵԱՏՄ անդամ պետությունների կոոպերացիոն փոխգործակցության հեռանկարները» թեմայով կլոր սեղանը: Կլոր սեղանին մասնակցել է Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանը: Միջոցառումն առաջացրել է Եվրասիական տնտեսական միության երկրների և Ուզբեկստանի միջուկային տեխնոլոգիայի զարգացման պատասխանատու պետական մարմինների ու կազմակերպությունների, գիտական շրջանակների ներկայացուցիչների հետաքրքրությունը: ԵՏՀ նախարարը կոչ է արել ակտիվորեն օգտագործել Հանձնաժողովում գործող արդյունաբերական կոոպերացիայի խթանման գործիքները, ինչպիսիք են Եվրասիական տնտեսական հարթակները և արդյունաբերական կոոպերացիային ֆինանսական աջակցություն ցուցաբերելու մեխանիզմը: «Միջուկային և ճառագայթիչ մեքենաշինության ոլորտի եվրասիական տնտեսական հարթակի ստեղծումը լրացուցիչ խթան կդառնա ոլորտի առանցքային կազմակերպությունների կոոպերացիոն համագործակցության համար և թույլ կտա կուտակել պետական մարմինների, բիզնեսի և գիտության շահերը Միության շրջանակներում», - նշել է Գոհար Բարսեղյանը: Կլոր սեղանի մասնակիցները խոսել են միջուկային բժշկության, արդյունաբերությունում միջուկային տեխնոլոգիաների զարգացման ոլորտում Միության երկրների և ԵԱՏՄ-ին կից դիտորդ պետության՝ Ուզբեկստանի հիմնական իրավասությունների ու ձեռքբերումների մասին: Քննարկվել է հարցերի լայն շրջանակ՝ ռադիոդեղագործական միջոցների նորարարական արտադրությունից մինչև միջուկային ոլորտում մի շարք համատեղ նախաձեռնությունների իրականացում, ներառյալ Ղրղզստանում միջուկային բժշկության կենտրոնի ստեղծումը: «Ռոսատոմ» պետկորպորացիան ներկայացրել է ՄԲԻՌ բազմանպատակային հետազոտական ռեակտորի ստեղծման նախագիծը, որը կարևոր է Միության պետություններում գիտական համագործակցության զարգացման համար: Միջոցառման մասնակիցները հայտնել են, որ մտադիր են բարձրացնել տնտեսական և գիտատեխնիկական երկխոսության, միջուկային տեխնոլոգիաների ոլորտում համատեղ կիրառական նախագծերի իրականացման մակարդակը վերազգային մակարդակում, նորարարական մշակումներ փոխանակել՝ սկսած բժշկությունից մինչև ԱԷԿ-ի համար նախատեսված սարքավորումները:
26 հունիսի 2025 Գոհար Բարսեղյան. «Կոոպերացիան դառնում է եվրասիական «հնգյակի» երկրների քաղաքացիներին սննդամթերքով ապահովելու ռազմավարական գործիք» Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանը հունիսի 26-ին Մինսկում՝ ԵՏՀ-2025-ի «Կոոպերացիան ԵԱՏՄ-ում. ճանապարհ դեպի ԱԱՀ արդյունավետ զարգացում» թեմայով կլոր սեղանի ընթացքում անդրադարձել է Եվրասիական տնտեսական միության շրջանակներում ագրոարդյունաբերական համալիրի ցուցանիշների կայուն զարգացմանը: ԵՏՀ նախարարը նշել է, որ ինտեգրացիոն միավորման ստեղծման պահից ի վեր գյուղմթերքի արտադրության ծավալներն աճել են 25%-ով, փոխադարձ առևտուրը ավելացել է 1,8 անգամ, արտաքին մատակարարումներն աճել են ավելի քան երկու անգամ: Ընդ որում, առկա է ագրարային ոլորտի հետագա զարգացման ներուժ, որը կապված է ԵԱՏՄ բյուջեի միջոցների հաշվին կոոպերացիոն նախագծերին ֆինանսական աջակցության տրամադրման հնարավորության հետ: «Կոոպերացիան, ըստ էության, ռազմավարական գործիք է դառնում եվրասիական «հնգյակի» երկրների քաղաքացիներին սննդամթերքով երաշխավորված ապահովման և արտաքին կոնյունկտուրային տատանումներից մեր կախվածության նվազեցման համար», — ընդգծել է Գոհար Բարսեղյանը: Կլոր սեղանի ընթացքում քննարկվել են կոոպերացիայի զարգացման հեռանկարային ուղղություններն ու նախագծերը, այդ թվում՝ ֆինանսական աջակցության մեխանիզմի կիրառմամբ, քննարկվել է միջպետական համագործակցության փորձը: Քննարկման մասնակիցներն անդրադարձել են այս կապակցությամբ պետական մարմինների, ձեռնարկատերերի և ֆինանսական ինստիտուտների երկխոսության խորացման անհրաժեշտությանը: Ոլորտային համագործակցության մեխանիզմները քննարկվել են նաև նախօրեին՝ ԵՏՀ-2025-ում ԵԱՏՄ գործարար խորհրդի նախագահության 26-րդ նիստի շրջանակներում: Կլոր սեղանին մասնակցել են ԵԱՏՄ պետությունների, երրորդ երկրների պետական կառավարման մարմինների, գործարար և գիտական շրջանակների, միջազգային կազմակերպությունների ներկայացուցիչներ: Մոդերատորն էր «Բելառուսի Հանրապետության զարգացման բանկ» ԲԲԸ առաջին փոխնախագահ Ռոման Բրոդովը:  
Նատալյա Պետկևիչը և Գոհար Բարսեղյանը քննարկել են Միության շրձանակներում արդյունաբերության և ԱԱՀ զարգացման հարցեր 25 հունիսի 2025 Նատալյա Պետկևիչը և Գոհար Բարսեղյանը քննարկել են Միության շրձանակներում արդյունաբերության և ԱԱՀ զարգացման հարցեր Հունիսի 25-ին Մինսկում կայացել է Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանի և Բելառուսի Հանրապետության փոխվարչապետ, ԵՏՀ խորհրդի նախագահ Նատալյա Պետկևիչի աշխատանքային հանդիպումը: Կողմերը քննարկել են Եվրասիական տնտեսական միության շրջանակներում արդյունաբերության և ԱԱՀ զարգացման հետ կապված հարցերի լայն շրջանակ: Հատուկ ուշադրություն են դարձրել համատեղ նախագծերի իրականացմանը, կոոպերացիոն շփումների ամրապնդմանը, ոլորտների տեխնոլոգիական զարգացմանը և դրանց մրցունակության բարձրացմանը: Քննարկվել են ԵԱՏՄ արդյունաբերական նախագծերին ֆինանսական աջակցության տրամադրման մեխանիզմի իրագործմանը, տեխնոլոգիական հարթակների աշխատանքների կատարելագործմանը Բելառուսի մասնակցության առաջարկներ, ինչպես նաև արդյունաբերությունում զարգացման և ներմուծման փոխարինման միասնական ծրագրի մշակման նախաձեռնությունը: Քննարկվել են «Եվրասիական տնտեսական ուղի» հռչակագրի կատարման խնդիրները, ԻՆՆՕՊՐՈՄ. ԲԵԼԱՌՈՒՍ» միջազգային արդյունաբերական ցուցահանդեսի նախապատրաստումը: Բացի այդ, անդրադարձել են սննդամթերքի և դեղամիջոցների արտադրության համար միկրոօրգանիզմների շտամերի ստեղծման միջպետական ծրագրի մշակման հարցեր: Հանդիպման արդյունքում կողմերը համակարծիք էին քննարկված բոլոր ուղղություններով ռեգուլյատոր երկխոսությունը շարունակելու կարևորության վերաբերյալ:
Ցուցադրել ավելին

Պաշարներ ԵՏՄ