арм

Նորություններ

ԵՏՀ ԶԼՄ-ներում Ֆոտոսրահ Տեսադարան
12 մարտի 2025 ԵՏՀ-ում քննարկել են գյուղատնտեսության կայուն զարգացման հեռանկարները Մարտի 12-ին Եվրասիական տնտեսական հանձնաժողովի հարթակում ԵՏՀ ագրոարդյունաբերական քաղաքականության վարչության տնօրեն Նաիրա Կարապետյանի նախագահությամբ տեղի է ունեցել «Կանաչ հորիզոններ. Եվրասիական տնտեսական միության անդամ պետությունների գյուղատնտեսության կայուն զարգացում» թեմայով կլոր սեղանը։ Միջոցառման մասնակիցները քննարկել են ԵԱՏՄ երկրներում գյուղատնտեսությունում ածխածնային հարկի ներդրման հետևանքների վերլուծության և մոդելավորման մոտեցումները, կանաչ գյուղատնտեսության դերը ածխածնային հետքի նվազեցման գործում, օրգանական արտադրողների միջերկրային կոոպերացիայի հեռանկարները, պարարտանյութեր կիրառելիս ջերմոցային գազերի արտանետումների կարգավորումը և մի շարք այլ հարցեր։ Նաիրա Կարապետյանն իր խոսքում նշել է, որ ժամանակակից աշխարհում ԱԱՀ կայուն զարգացումն էլ ավելի արդիական է դառնում, քանի որ գյուղատնտեսությունն ուղղակիորեն կապված է բնական պաշարների օգտագործման հետ և էական ազդեցություն թ գործում շրջակա միջավայրի վրա։ «ԵԱՏՄ-ում հետևանքները մեղմելու համար անհրաժեշտ են գյուղատնտեսական և պարենային համակարգերի վերափոխումներ՝ հիմք ընդունելով համաձայնեցված գործողությունները և ոլորտի հարմարեցումը ընթացիկ իրողություններին», — ընդգծել է ԵՏՀ ագրոարդյունաբերական քաղաքականության վարչության տնօրենը։ Կլոր սեղանին մասնակցել են Բելառուսի Հանրապետության բնական պաշարների և շրջակա միջավայրի պահպանության նախարարության, Ուզբեկստանի Հանրապետության գյուղատնտեսության նախարարության, Ռուսաստանի որակի համակարգի, Միավորված ազգերի Պարենի և գյուղատնտեսության կազմակերպության, ՌԴ նախագահին առընթեր ՌԱՆԽիԳՍ կիրառական տնտեսական հետազոտությունների ինստիտուտի, ոլորտային բիզնեսի ներկայացուցիչներ:
03 մարտի 2025 ԵՏՀ-ն և Կուբան քննարկել են դեղերի արտադրության և շրջանառության ոլորտում համագործակցության զարգացումը Եվրասիական տնտեսական հանձնաժողովի արդյունաբերական քաղաքականության վարչության փոխտնօրեն Գեորգի Արզումանյանի նախագահությամբ ԵՏՀ կենտրոնակայանում տեղի է ունեցել Հանձնաժողովի ներկայացուցիչների հանդիպումը BioCubaFarma, MediCuba SA և CECMED խոշորագույն դեղագործական ընկերությունների և Կուբայի Հանրապետության կարգավորող մարմինների ղեկավարության հետ։ Հանդիպման հիմնական թեման էր Եվրասիական տնտեսական միության երկրների և Կուբայի միջև դեղագործության ոլորտում համագործակցության զարգացումը, կոոպերացիայի հաստատումը, ինչպես նաև տեխնոլոգիաների փոխանցման, ազգային կարգավորող մարմինների միջև, այդ թվում՝ Միության ներսում դեղերի շուկայի և շրջանառության կարգավորման հարցերով փոխգործակցության հարցերը: «Եվրասիական տեխնոլոգիական հարթակները և անդամ պետություններում Կուբայի ընկերությունների մասնակցությամբ համատեղ ձեռնարկությունները արտադրության շղթաներում ներառելու միջոցով համատեղ կոոպերացիոն նախագծերին աջակցելու ֆինանսական մեխանիզմն օգտագործելու հնարավորությունը կարող է գործնական քայլ դառնալ բարձր տեխնոլոգիական դեղերի և կենսադեղամիջոցների համատեղ մշակման և արտադրության ոլորտում մեր երկրների մերձեցման ուղղությամբ», — նշել է Գեորգի Արզումանյանը։ ԵՏՀ տեխնիկական կարգավորման և հավատարմագրման վարչության փոխտնօրեն Չինարա Մամբետալիևան կարևորել է Կուբայի Հանրապետության կողմից ԵԱՏՄ դեղամիջոցների շուկայում իր դիրքերի պահպանումը։ «Մենք հուսով ենք, որ կուբացի դեղարտադրողները կկատարեն գրանցման դոսյեները ԵԱՏՄ ձևաչափի վերափոխելու անհրաժեշտ ընթացակարգերը մինչև 2025 թվականի վերջը, ինչպես նաև կկարողանան ապահովել իրենց համար հարմարավետ ռեժիմով գրանցման դոսյեների նախապատրաստումը և նոր դեղամիջոցների մուտքը մեր շուկա», — նշել է նա։ Միևնույն ժամանակ, Չինարա Մամբետալիևան հավելել է, որ Միության շուկայի սեգմենտին հարմարավետ անցմանը կնպաստի Միության դեղագիրքը իսպաներեն թարգմանելու ԵՏՀ-ի և Կուբայի կողմի ներկայացուցիչների վերջերս ավարտված համատեղ նախագիծը: Կուբայի պատվիրակության ղեկավար, BioCubaFarma ընկերության առաջին փոխնախագահ Էուլոխիո Պիմենտե Վասկեսն իր հերթին նշել է ԵԱՏՄ երկրների և Կուբայի ձեռնարկությունների միջև ներդրումային համագործակցության, տեխնոլոգիաների փոխանցման և համատեղ նախագծերի իրականացման ուղղությամբ փոխգործակցության զարգացման բարձր ներուժը։ Կողմերը պատրաստակամություն են հայտնել հետագայում էլ ավելի հասցեական ձևաչափով քննարկել հեռանկարային հարցերը։
17 փետրվարի 2025 Գոհար Բարսեղյանը «Ռուսաստանի բիզնեսի շաբաթում» ներկայացրել է տնտեսության իրական հատվածին աջակցելու նոր մեխանիզմներ Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանը «Ռուսաստանի բիզնեսի շաբաթ» ինտեգրացիոն համաժողովի շրջանակներում կայացած «ԵԱՏՄ-ն մինչև 2030 թվականը. բիզնեսի և իշխանության փոխգործակցության նպատակները, մեխանիզմները, մարտահրավերները» նստաշրջանի ընթացքում ներկայացրել է արդյունաբերական և ագրոարդյունաբերական ոլորտներում ինտեգրացիոն գործընթացների ամրապնդման առանցքային ուղղությունները: ԵՏՀ նախարարը հատուկ ուշադրություն է դարձրել տնտեսության իրական հատվածի ֆինանսական աջակցության մեխանիզմների զարգացմանը և Եվրասիական տնտեսական միության երկրների պարենային անվտանգության ապահովմանը։ «ԵԱՏՄ պետությունները կարևոր դեր են կատարում գլոբալ պարենային անվտանգության ապահովման գործում: Միության գոյության տասը տարվա ընթացքում գյուղատնտեսական արտադրանքի արտադրության ծավալները 25.9%-ով աճել են։ «Պարենի ինքնաբավության մակարդակը հասել է 93%», — նշեցլ է նա։ Գոհար Բարսեղյանն ընդգծել է պետական մարմինների և բիզնես կառույցների միջև համակարգային փոխգործակցության կարևորությունը՝ նշելով, որ բիզնեսի միավորումների ներկայացուցիչների հետ կանոնավոր հանդիպումները արդյունավետ հարթակ են դարձել համատեղ լուծումների մշակման համար։ ԵՏՀ նախարարը հավելել է, որ Հանձնաժողովն ակտիվորեն տեղեկացնում է ձեռնարկատերերին ագրոարդյունաբերական համալիրիի ոլորտում կոոպերացիայի ֆինանսական աջակցության մեխանիզմի մասին, ներառյալ ֆինանսավորման չափորոշիչների և աղբյուրների սահմանումը՝ հաշվի առնելով ոլորտի առանձնահատկությունները։ «Օգտվելով առիթից՝ վերահաստատում եմ Հանձնաժողովի՝ բիզնեսի ներկայացուցիչների հետ ուղիղ երկխոսության պատրաստակամությունը իրական հատվածի կարիքները բավարարող համագործակցության պայմանների ձևավորման, ինչպես նաև փոխադարձ հետաքրքրության վրա հիմնված եվրասիական կոոպերացիոն նախագծերին մասնակիցներին ներգրավելու նպատակով», — ասել է Գոհար Բարսեղյանը։ ԵՏՀ նախարարը բոլոր շահագրգիռ անձանց հորդորել է ավելի ակտիվ ներգրավվել նոր փաստաթղթերի և աջակցության մեխանիզմների մշակմանը։
12 փետրվարի 2025 ԵԱՏՄ-ում սահմանվել են գունավոր մետաղագործության ոլորտում կոոպերացիոն համագործակցության գերակա ուղղությունները Եվրասիական տնտեսական հանձնաժողովի կոլեգիան ընդունել է Գունավոր մետաղագործության ոլորտում համագործակցության զարգացման նոր հեռանկարային ուղղությունների վերաբերյալ հանձնարարականը՝ հաշվի առնելով Եվրասիական տնտեսական միության առկա ինտեգրացիոն ներուժը։ «Սա գունավոր մետաղագործության նորարարական արտադրանքի համատեղ արտադրություն է՝ հաշվի առնելով ֆինանսական աջակցության մեխանիզմի հնարավոր կիրառումը, ոլորտում առաջադեմ տեխնոլոգիաների ներդրման, տվյալ ոլորտում կանաչ օրակարգի իրագործման, ինչպես նաև գունավոր մետաղների ջարդոնի վերամշակման ոլորտում փորձի փոխանակման կազմակերպումը», — նշել է ԵՏՀ ԱԱՀ նախարար Գոհար Բարսեղյանը: Գունավոր մետաղագործության արտադրանք արտադրողների և սպառողների միջև փոխգործակցությունը բարելավելու համար ԵԱՏՄ-ին խորհուրդ է տրվում օգտագործել այս ոլորտում կոոպերացիայի հեռանկարային ուղղությունների ցանկերը, որոնք տեղադրված են ԵԱՏՄ կայքում։ Ցանկերը բաց են և կարող են ճշգրտվել կամ ընդլայնվել անդամ պետությունների առաջարկով: «Հանձնարարականի ընդունումը կնպաստի գունավոր մետաղագործության ոլորտում կոոպերացիայի հետագա խորացմանը՝ հաշվի առնելով ԵԱՏՄ երկրներում ոլորտի զարգացման ընթացիկ գերակայությունները», — ընդգծել է ԵՏՀ նախարարը։ Կոոպերացիայի հեռանկարային ոլորտների ցանկերը ներառում է, մասնավորապես, գունավոր մետաղագործության այնպիսի արտադրանքի արտադրությունը, ինչպիսիք են ֆերոմոլիբդենը, տիտանը, վանադիում-ալյումինի լիգատուրը, պղնձե մետաղալարը, բերիլիումի բրոնզը, մի շարք ալյումինե արտադրատեսակներ (ալյումինե փոշիներ և մածուկներ, դյուրավառ ալյումինե անվասկավառակներ, հեծանիվների ալյումինե հեցեր և շրջանակներ):
06 փետրվարի 2025 ԵԱՏՄ երկրները սահմանել են տոհմային անասնաբուծության ոլորտում փոխգործակցության գերակայությունները   Տոհմային անասնաբուծության ոլորտում համագործակցության հեռանկարները Եվրասիական տնտեսական հանձնաժողովի կենտրոնակայանում ԵՏՀ ագրոարդյունաբերական քաղաքականության վարչության տնօրեն Նաիրա Կարապետյանի նախագահությամբ կայացած համակարգող խորհրդակցության ընթացում քննարկել են Եվրասիական տնտեսական միության երկրների ոլորտային նախարարությունների, գիտական կազմակերպությունների և բիզնեսի ներկայացուցիչները: Առանցքային ուղղությունների թվում նշվել է ԵԱՏՄ երկրների և Հանձնաժողովի կողմից տոհմային անասնաբուծության զարգացման վերաբերյալ տեղեկատվության փոխանակման, այդ թվում՝ Միության ինտեգրված տեղեկատվական համակարգի օգտագործմամբ փոխանակման համաձայնեցված գործողությունների մեխանիզմի մշակումը: Գերակայությունների թվում նշվել են նաև մթերատվության կաթնային ուղղության խոշոր եղջերավոր անասունների ռեֆերենտային պոպուլյացիայի ստեղծումը, վիճակագրական ցուցանիշների ցանկի և անդամ պետությունների և ԵՏՀ-ի միջև այս ոլորտի տեղեկությունների փոխանակման ձևաչափերի ճշգրտումը, տոհմային անասնաբուծության ոլորտի փորձի և լավագույն պրակտիկաների փոխանակման նպատակով համատեղ կրթական միջոցառումների անցկացումը: «Այս ուղղություններով որոշումների իրականացումը թույլ կտա օպտիմալացնել միջպետական համագործակցության մեխանիզմները՝ սելեկցիոն և տոհմային աշխատանքներում նորարարական տեխնոլոգիաների հետագա ներդրման, գյուղատնտեսական տոհմային կենդանիների գենետիկական ներուժի բարձրացման և Միության անդամ պետությունների տոհմային արտադրանքի առևտրի զարգացման համար»,- ամփոփել է Նաիրա Կարապետյանը։
03 փետրվարի 2025 Գոհար Բարսեղյան. «ԵԱՏՄ երկրների ԱԱՀ համալիրի թվայնացումը կարագացնի հատվածի զարգացումը և կբարձրացնի դրա մրցունակությունը» Եվրասիական տնտեսական հանձնաժողովի խորհուրդը երկարաձգել է ԵՏՀ խորհրդի 2020 թվականի նոյեմբերի 23-ի № 105 որոշմամբ հաստատված Պետական (համայնքային) գնումների նպատակով առանձին տեսակի ապրանքների ծագման երկրի որոշման կանոնների (ԱԾԵ կանոններ) № 1-1 հավելվածի գործողության ժամկետը մինչև 2025 թվականի դեկտեմբերի 31-ը: Փաստաթուղթը թույլ է տալիս Եվրասիական տնտեսական միության պետությունների Արդյունաբերական ապրանքների եվրասիական գրանցամատյանում ներառել ավելի քան յոթ հազար արդյունաբերական ապրանքներ պարունակող 258 ապրանքային անվանում ՍՏ-1 հավաստագրի տրամադրման հիման վրա։ ԱԾԵ կանոնները միասնական մոտեցում են սահմանում ԵԱՏՄ այն պետություններում պետգնումների համար ապրանքների ծագման երկրի որոշման և հաստատման հարցի կարգավորման համար, որտեղ առանձնաշնորհումներ են սահմանված հայրենական մատակարարների համար կամ սահմանափակումներ են ներդրված օտարերկրյա ապրանքների նկատմամբ։ ԱԾԵ կանոններն ուղղված են ներդրումային գրավչության և տեղայնացման մակարդակի բարձրացմանը, եվրասիական արտադրողների միջև կոոպերացիոն շփումների ընդլայնմանը: ԵՏՀ պաշտոնական կայքում՝ «Մրցակցային քաղաքականության և պետական գնումների ոլորտի քաղաքականության վարչություն» բաժնի «Հաճախակի տրվող հարցերի պատասխաններ» ներդիրում հրապարակված է տեղեկատվություն ապրանքի և դրա արտադրողի մասին տեղեկությունները ՊԱՄԳ-ում ներառելու կարգի, այդ տեղեկությունների ներառման հայտը Հանձնաժողովի կողմից քննարկելու ալգորիթմի մասին:
31 հունվարի 2025 Եվրասիական միջկառավարական խորհրդի 2025 թվականի հունվարի 31-ի արդյունքները Եվրասիական միջկառավարական խորհուրդը քննարկել է Եվրասիական տնտեսական միության պետությունների մակրոտնտեսական իրավիճակի և կայուն տնտեսական զարգացումն ապահովելու առաջարկների մասին զեկույցը։ ԵՏՀ-ի նախնական գնահատմամբ՝ ԵԱՏՄ ընդհանուր ՀՆԱ-ն 2024 թվականին աճել է 4%-ով, ինչը բարձր է աճի միջին համաշխարհային տեմպերից (3.2%) և նախնական կանխատեսումներից։ Ապրանքների փոխադարձ առևտրի արժեքային ծավալը 2024 թվականին շարունակել է աճել ավելի բարձր տեմպերով, քան արտաքին և փոխադարձ առևտուրն այլ ինտեգրացիոն միավորումներում, և մինչև 2026 թվականը կհասնի գրեթե 100 մլրդ ԱՄՆ դոլարի։ Եվրասիական միջկառավարական խորհուրդը Հանձնաժողովին հանձնարարել է Եվրասիական տնտեսական միության երկրների հետ համատեղ մշակել ագրոարդյունաբերական համալիրի և դրա ենթակառուցվածքների նկատմամբ համատեղ կոոպերացիոն նախագծերի ֆինանսական աջակցության մեխանիզմների ընդլայնման հարցը։ Հաշվի առնելով Միության գյուղատնտեսության ոլորտի առանձնահատկությունները՝ Հանձնաժողովը անդամ պետությունների հետ համատեղ առաջարկներ կնախապատրաստի ԵԱՏՄ բյուջեից միջոցների օգտագործմամբ ԱԱՀ-ին աջակցելու պայմանների և ազգային օրենսդրությունում կատարվելիք համապատասխան փոփոխությունների մասին: Եվրասիական միջկառավարական խորհուրդը քննարկել է Եվրասիական տրանսպորտային միջանցքներում ընդգրկված երկաթուղային, ավտոճանապարհային և նավահանգստային ենթակառուցվածքների զարգացմանն ուղղված Եվրասիական տնտեսական միության երկրների միջոցառումների մասին 2022-2024 թվականների զեկույցը: Եվրասիական տրանսպորտային միջանցքներին բաժին է հասնում ԵԱՏՄ-ում տարանցիկ փոխադրումների ծավալի շուրջ 70%-ը, ինչն ընդգծում է յուրաքանչյուր երկրի ազգային հատվածների զարգացման գործում համաժամացման կարևորությունը։
31 հունվարի 2025 ԵԱՏՄ-ում քննարկում են ԱԱՀ-ում կոոպերացիոն նախագծերի ֆինանսական աջակցության մեխանիզմների կիրառումը Եվրասիական միջկառավարական խորհուրդը Հանձնաժողովին հանձնարարել է Եվրասիական տնտեսական միության երկրների հետ համատեղ մշակել ագրոարդյունաբերական համալիրի և դրա ենթակառուցվածքների նկատմամբ համատեղ կոոպերացիոն նախագծերի ֆինանսական աջակցության մեխանիզմների ընդլայնման հարցը։ ԵԱՏՄ պետությունների և կառավարությունների ղեկավարները բազմիցս նշել են նորարարական զարգացման և սերմնաբուծության, ավելացված արժեքի տարածաշրջանային շզթաների ստեղծման, սննդամթերքի արտադրության համատեղ նախագծերի ֆինանսավորման, առևտրային և լոգիստիկ ենթակառուցվածքների զարգացման ոլորտներում հետագա համագործակցության անհրաժեշտությունը։ Հաշվի առնելով Միության գյուղատնտեսության ոլորտի առանձնահատկությունները՝ Հանձնաժողովը անդամ պետությունների հետ համատեղ առաջարկներ կնախապատրաստի ԵԱՏՄ բյուջեի միջոցների օգտագործմամբ ԱԱՀ-ին աջակցելու պայմանների և ազգային օրենսդրությունում կատարվող համապատասխան փոփոխությունների մասին: ԵԱՏՄ երկրների ագրոարդյունաբերական համալիրի ընթացիկ վիճակի և կոոպերացիոն նախագծերի իրականացման առնչությամբ ոլորտի առջև ծառացած խնդիրների վերլուծության հիման վրա Հանձնաժողովը առավել առաջնային է համարում մի շարք ուղղություններ: Դրանց թվում են գյուղատնտեսական բույսերի ընտրասերման և սերմնաբուծության, անասնաբուծության զարգացումը, գյուղմթերքի վերամշակումը, ԱԱՀ ենթակառուցվածքների կատարելագործումը։ Ագրոարդյունաբերական համալիրում ֆինանսական աջակցության մեխանիզմների կիրառումը թույլ կտա զարգացնել մեր սեփական տեխնոլոգիաները, կառուցել արտադրանքի մատակարարումների և ռեսուրսային ապահովման արդյունավետ շղթաներ: 2024 թվականին ԵԱՏՄ-ում գործարվկել է արդյունաբերական կոոպերացիայի սկզբունքով ստեղծված ձեռնարկությունների արտոնյալ ֆինանսավորման մեխանիզմ։ Նոր մեխանիզմի գլխավոր նպատակն է աջակցել ձեռնարկատերերին, առաջին հերթին՝ փոքր և միջին բիզնեսին։ Ֆինանսավորումը հասանելի է կլինի համատեղ արտադրություններ, կոոպերացիոն շղթաներ ստեղծողներին կամ առկա արտադրական կարողություններն արդիականացնողներին։ Աջակցությունն իրենից ներկայացնում է արդյունաբերական նախագծերի իրականացման համար ֆինանսական կազմակերպությունների կողմից տրամադրվող վարկերի և փոխառությունների տոկոսադրույքի սուբսիդավորում։ Այս նախագիծը նախատեսված է հինգ տարվա համար։ 2025 թվականին Միության բյուջեով այդ նպատակների համար նախատեսված է 3.5 միլիարդ ռուբլի։
Ցուցադրել ավելին

Պաշարներ ԵՏՄ