Նորություններ
ԵՏՀ-ն հստակեցրել է երկաթուղային տրանսպորտի ծախսերի հաշվառման կարգը
Եվրասիական տնտեսական հանձնաժողովը հստակեցրել է երկաթուղով Եվրասիական տնտեսական միություն ներմուծվող ապրանքների մաքսային արժեքի որոշման նպատակով տրանսպորտային ծախսերի հաշվառման կարգը։
Սահմանվել է, որ նման ապրանքների համար մաքսային արժեքը պետք է ներառի մինչև Միության մաքսային սահմանը հաշվարկված տրանսպորտային ծախսերը։
Որոշումն ընդունվել է ԵԱՏՄ-ում իրավակիրառ պրակտիկայի վերլուծության արդյունքում՝ գործարար համայնքի առաջարկների հիման վրա։ Այն ձեռնարկատերերին և երկաթուղիներին ցանկացած իրավիճակում թույլ կտա միանշանակ որոշել տրանսպորտային ծախսերի չափը, որը պետք է ներառվի ներմուծվող ապրանքների մաքսային արժեքում։
Սա կօգնի վերացնել երկաթուղային տրանսպորտով ապրանքների փոխադրման ծախսերը մաքսային արժեքի մեջ ներառելու հետ կապված վիճելի իրավիճակները։
