Նորություններ

13.10.2016

Տեղի կունենա «Ֆինանսական կարգավորումը ԵԱՏՄ տարածքում. խնդիրները և հեռանկարները» խորագրով միջազգային կոնֆերանս

Հոկտեմբերի 13-14-ին Մ.Վ. Լոմոնոսովի անվան Մոսկվայի պետական համալսարանի տնտեսագիտական ֆակուլտետը Եվրասիական տնտեսական հանձնաժողովի հետ համատեղ կազմակերպում է  «Ֆինանսական կարգավորումը ԵԱՏՄ տարածքում. խնդիրները և հեռանկարները» խորագրով միջազգային կոնֆերանսը: Եվրասիական տնտեսական միության (ԵԱՏՄ) մասին պայմանագրի կարևորագույն դրույթներից մեկն է «անդամ պետությունների տնտեսական ինտեգրման խորացումը՝ Միության շրջանակներում ընդհանուր ֆինանսական շուկայի ստեղծման և անդամ պետությունների ֆինանսական շուկաներ ոչ խտրական մուտքի ապահովման նպատակով»: ԵԱՏՄ համար բազային այս փաստաթուղթը, ըստ էության, նոր խնդիրներ է դնում ինչպես հետազոտող գիտնականների, այնպես էլ ֆինանսական շուկաների պրակտիկների և կարգավորող մարմինների առջև: Բարձր գիտական և գործնական արդիականություն են ստանում ընդհանուր ֆինանսական շուկայի գործունեության հարցերը. ով, ինչպես, ինչ հերթականությամբ է այն ստեղծելու, որ հատվածներն այն կներառի, որ սկզբունքների հիման վրա է իրականացվելու դրա կարգավորումը: Կոնֆերանսը դիտարկվում է որպես հարթակ ԵԱՏՄ երկրների հետաքրքրված մասնագետների հանդիպման և այդ արդիական հարցերի քննարկման համար: Միջոցառմանը մասնակցելու են հրավիրվում Միության ակադեմիական և գործարար համայնքի, ազգային և վերազգային կարգավորող մարմինների ներկայացուցիչներ: