Նորություններ

Այս մասին ասված է գյուղատնտեսական արտադրանքի և պարենի արագացված երկաթուղային և մուլտիմոդալ փոխադրումների իրականացման Եվրասիական տնտեսական միության անդամ պետությունների համատեղ նախագծի իրականացման ընթացկի մասին զեկույցում, որը փետրվարի 2-ին Ալմաթիում (Ղազախստանի Հանրապետություն) ներկայացվել է Եվրասիական միջկառավարական խորհրդին:

«Արտահանման ամենամեծ աճը գրանցել է հատիկաընդեղենը (ավելի քան 4 անգամ), ինչպես նաև յուղաճարպային արտադրանքը (մոտ 20%-ով)»,- հայտնել է Եվրասիական տնտեսական հանձնաժողովի առևտրի նախարար Անդրեյ Սլեպնևը։

Նախագծով փոխադրումների հիմնական ուղղությունն այս պահին Չինաստանն է։ Նաև նախորդ տարվա ընթացքում «Հյուսիս-Հարավ» միջազգային տրանսպորտային միջանցքի արևելյան ճյուղով բեռնարկղային գնացքներով մատակարարումներ են իրականացվել Հնդկաստանի և Իրանի ուղղությամբ: Ավարտվել է փորձնական մատակարարումը Ուզբեկստանի Հանրապետություն, աշխատանքներ են տարվում նաև ԱՄԷ-ի ուղղությամբ մատակարարումների վրա։

«Նախատեսում ենք ակտիվացնել ջանքերը՝ Միության երկրների տարածքում արտադրվող որակյալ սննդամթերքի համար հեռանկարային շուկաներ մուտք գործելու սահմանափակումները վերացնելու ուղղությամբ: Մենք այդ աշխատանքները կատարում ենք համակարգված հիմունքներով, և արդյունքներից մեկը դարձավ ՉԺՀ արտադրանքի ուղիղ երկաթուղային մատակարարումների վերսկսումը, որի մուտքը չինացիները սահմանափակել էին հակաքովիդային միջոցներով,- նշել է Անդրեյ Սլեպնևը։ – Այս փուլում հաջողվել է վերագործարկել միսը, թռչնամիսը, կաթը և հրուշակեղենը Դոստիկ - Ալաշանկոուի միջոցով: Առնվազն ևս երեք սահմանային անցումների առաջիկա բացումը մեր երկրներին թույլ կտա զգալիորեն ավելացնել մատակարարումները, ինչի վրա մենք կենտրոնանում ենք»:

Զեկույցը քննարկելուց հետո ԵԱՏՄ երկրների կառավարությունների ղեկավարները աջակցություն են հայտնել նախագծի շարունակությանը, ինչպես նաև հաստատել են ուղղությունների ընդլայնման և արտահանվող արտադրանքի ծավալների ավելացման առաջնահերթությունը։