Նորություններ

Ելույթներ Ֆոտոսրահ Տեսադարան

27 Jun 2024 ԵԱՏՄ երկրները քննարկել են ֆինանսական ծառայությունների ոլորտի օրենսդրության ներդաշնակեցումը Հունիսի 26-27-ը Երևանում՝ Եվրասիական տնտեսական հանձնաժողովի ֆինանսական շուկաների հարցերով խորհրդատվական կոմիտեում քննարկել են օրենսդրության ներդաշնակեցման մոտեցումները, որոնք սահմանում են ընդհանուր ֆինանսական շուկայի մասնակիցներին ներկայացվող պահանջները: Նիստն անցկացվել է ԵՏՀ էկոնոմիկայի և ֆինանսական քաղաքականության նախարար Բախիթ Սուլթանովի նախագահությամբ։ Առանցքային թեմաներն էին շուկայի մասնակիցներին ներկայացվող պահանջների միասնականացումը, ներառյալ կանոնադրական կապիտալի և սեփական միջոցների չափը, ինչպես անդրսահմանային փոխգործակցությունը նաև վարկային հարաբերություններ ձևակերպելիս և ընդհանուր ֆինանսական շուկայում ծառայություն մատուցելիս: «Բանկային և ապահովագրական հատվածներում, արժեթղթերի շուկայում օրենսդրության ներդաշնակեցումն ուղղված է Միության ընդհանուր ֆինանսական շուկայի ձևավորման պայմանների ապահովմանը։ Ֆինանսական շուկաների կարգավորման և հսկողության ներդաշնակեցված պահանջների սահմանումը կապիտալի ազատ տեղաշարժի կարևոր պայմաններից մեկն է», — նշել է Բախիթ Սուլթանովը։ Խորհրդատվական կոմիտեի անդամները նաև քննարկել են Եվրասիական տնտեսական միության շրջանակներում վարկային պատմությունների կազմում ընդգրկված տեղեկությունների փոխանակման կարգի մասին 2021 թվականի դեկտեմբերի 21-ի համաձայնագրի իրականացման հարցեր։ «Համաձայնագիրը իրավական հիմք է ձևավորում ֆինանսական շուկաների մասնակիցների միջև անդրսահմանային փոխգործակցության համար, հավասար պայմաններ է ապահովում մեր երկրների ռեզիդենտների համար Միության այլ պետությունների տարածքներում գտնվող բանկերից վարկային ռեսուրսներ ստանալու համար դիմելիս և մատչելի գործիքակազմ տրամադրում հնարավոր վարկառուների վարկային ռիսկի նույնականացման և գնահատման համար», — ընդգծել է ԵՏՀ նախարարը։ Քննարկվող հարցերի թվում էին Միության պետությունների փոխադարձ առևտրում ազգային արժույթների օգտագործման հանձնարարականները, հարկման արտոնյալ ռեժիմ տրամադրող օֆշորային գոտիների ազգային ցանկերի ներդաշնակեցումը և Ռուսաստանի Դաշնությունում բրոքերային հաշիվների բացումը:

15 May 2024 ԵԱՏՄ երկրների հարկային մարմինները տեղեկատվություն կփոխանակեն նոր ստանդարտների վերաբերյալ Ուժի մեջ են մտել 2009 թվական դեկտեմբերի 11-ի Եվրասիական տնտեսական միության անդամ պետությունների հարկային մարմինների միջև անուղղակի հարկերի վճարված գումարների մասին տեղեկատվությունը էլեկտրոնային տեսքով փոխանակելու մասին արձանագրության փոփոխությունները: Նորամուծություններին համապատասխան՝ եվրասիական «հնգյակի» երկրների հարկային մարմինների միջև փոխանակումն այժմ իրականացվում է շաբաթական կտրվածքով (նախկինում գործում էր տասնօրյա պարբերականություն)։ Նաև ձևաչափատրամաբանական վերահսկողության արձանագրությունների փոխանակման ժամկետը երեքից կրճատվել է մինչև մեկ աշխատանքային օր։ Բացի այդ, Արձանագրությունը լրացվել է անուղղակի հարկերի գումարների վերաբերյալ էլեկտրոնային ձևով տեղեկատվության կազմին և կառուցվածքին ներկայացվող պահանջներով: Եվրասիական տնտեսական հանձնաժողովի էկոնոմիկայի և ֆինանսական քաղաքականության նախարար Բախիթ Սուլթանովի խոսքով՝ փոփոխություններն ուղղված են հարկային մարմինների միջև տեղեկատվական փոխգործակցության օպերատիվության, հարկային վերահսկողության արդյունավետությանը և հարկատուների կողմից ավելացված արժեքի հարկի զրոյական դրույքաչափի կիրառման (ակցիզային հարկից ազատում) իրավաչափության վերաբերյալ հավաքագրված ապացուցողական բազայի որակի բարձրացմանը: «Նոր միջոցները թույլ կտան արագացնել փոխադարձ առևտրի մասնակիցների կողմից ապրանքների արտահանման, անուղղակի հարկերի վճարման և ԱԱՀ-ի զրոյական դրույքաչափի կիրառման փաստի հաստատումը»,- ասել է նախարարը։

13 Mar 2024 ԵԱՏՄ-ում նորմատիվ իրավական բազա է ձևավորվել բիզնեսի վրա կարգավորման ազդեցությունը գնահատելու համար Մարտի 13-ին Եվրասիական տնտեսական հանձնաժողովի կոլեգիան կարգավորել է նոր ընթացակարգի՝ Եվրասիական տնտեսական միության շրջանակներում ձեռնարկատիրության վրա Հանձնաժողովի կողմից ընդունված որոշումների փաստացի ազդեցության գնահատման (ՓԱԳ) ներդրման հարցերը։ Բացի այդ, այսուհետ բիզնեսի վրա կարգավորող ազդեցության գնահատման (ԿԱԳ) են ենթարկվելու ԵԱՏՄ շրջանակներում միջազգային պայմանագրերի նախագծերն, ոչ թե միայն ԵՏՀ կոլեգիայի որոշումների նախագծերը, ինչպես նախկինում։ «Այս որոշման ընդունումը թույլ տվեց ավարտին հասցնել նորմատիվ իրավական բազայի ձևավորումը, որն անհրաժեշտ է Հանձնաժողովի աշխատանքի պրակտիկայում Միությունում բիզնես վարելու պայմանների վրա վերազգային կարգավորման ազդեցության գնահատման ընթացակարգերը ներդնելու համար: ՓԱԳ գործարկումը և միջազգային պայմանագրերի նախագծերի վրա ԿԱԳ տարածումը հնարավորություն կտան գնահատմամբ ընդգրկել Միությունում կարգավորման ամբողջ կենսացիկլը: Ընթացակարգերի իրականացումը նաև թույլ կտա բացահայտել փոխադարձ կապը նորմատիվ իրավական ակտի ընդունման նպատակների և դրա արդյունքների միջև», — նշել է ԵՏՀ էկոնոմիկայի և ֆինանսական քաղաքականության նախարար Բախիթ Սուլթանովը։ Ըստ Բախիթ Սուլթանովի, այս ընթացակարգերի ներդրումը կմեծացնի «հնգյակի» պետությունների գործարար համայնքի ներկայացուցիչների ներգրավվածությունը ԵԱՏՄ-ում կարգավորման ձևավորման և կատարելագործման գործընթացներում։ Տեղեկանք ԵՏՀ-ի կողմից ընդունված որոշումների ՓԱԳ և ԵԱՏՄ շրջանակներում միջազգային պայմանագրերի նախագծերի ԿԱԳ ընթացակարգերի իրականացման անհրաժեշտությունը նախատեսված է ԵԱՏՄ մասին պայմանագրում փոփոխություններ կատարելու մասին «2-րդ Մեծ» արձանագրությամբ, որը ստորագրվել է 2022 թվականի մարտի 31-ին և ուժի մեջ մտել 2024 թվականի փետրվարի 12-ից։ ԵՏՀ-ի կողմից ընդունված որոշումների ՓԱԳ և ԵԱՏՄ շրջանակներում միջազգային պայմանագրերի նախագծերի ԿԱԳ ընթացակարգերի իրականացման կարգը սահմանվել է ԵՏՀ Աշխատակարգի փոփոխություններով, որոնք հաստատվել են Եվրասիական տնտեսական բարձրագույն խորհրդի 2023 թվականի դեկտեմբերի 25-ի N 23 որոշմամբ, որը նույնպես ուժի մեջ է մտել 2024 թվականի փետրվարի 12-ից։

Պաշարներ ԵՏՄ

Եվրասիական տնտեսական միություն

Եվրասիական տնտեսական միություն

Եվրասիական տնտեսական միության Իրավական պորտալ

Եվրասիական տնտեսական միության Իրավական պորտալ

ԵԱՏՄ ներքին շուկաների գործառնության գլխամուտք

ԵԱՏՄ ներքին շուկաների գործառնության գլխամուտք

ԵԱՏՄ Թվագրված օրակարգի մասին գլխամուտք

ԵԱՏՄ Թվագրված օրակարգի մասին գլխամուտք