Նորություններ

Եվրասիական տնտեսական հանձնաժողովի Կոլեգիան փոփոխություններ է կատարել «Փաթեթավորված խմելու ջրի, այդ թվում՝ բնական հանքային ջրի անվտանգության մասին» Եվրասիական տնտեսական միության տեխկանոնակարգին կից միջպետական ստանդարտների մշակման ծրագրում։

Մասնավորապես, ծրագրից հանվել է 36 դիրք, քանի որ մշակվել են համապատասխան միջպետական ստանդարտներ։ 32 դիրքի համար փոփոխվել են միջպետական ստանդարտների մշակման ժամկետները՝ հաշվի առնելով ստանդարտացման ազգային ծրագրերն ու պլանները։ Ծրագիրը լրացվել է միջպետական ստանդարտների վերանայման 27 և Միության պետությունների ազգային ստանդարտների, մեթոդիկաների և ստանդարտացման ոլորտի այլ փաստաթղթերի հիման վրա միջպետական ստանդարտների մշակման 5 դիրքով։