Նորություններ

Հունիսի 27-ին Եվրասիական տնտեսական հանձնաժողովի Կոլեգիան հաստատել է Եվրասիական տնտեսական միությունում էքսպրես բեռների էլեկտրոնային մաքսային հայտարարագրերի (փաստաթղթերի) ձևավորման համար օգտագործվող կառուցվածքի նոր տարբերակը՝ ապրանքների հայտարարագիր, ուղևորային մաքսային հայտարարագիր և դրանց ճշգրտումներ:

Հաստատված կառուցվածքը հնարավորություն է տալիս 2023 թվականի հոկտեմբերի 1-ից թվային դաշտում գործնականում իրականացնել այս տարվա մարտ և հունիս ամիսներին ընդունված մի շարք նորմատիվ նորամուծություններ՝ կապված էքսպրես բեռների հայտարարագրերի լրացման կարգերի հետ, այդ թվում՝ արտաքին էլեկտրոնային առևտրի ոլորտում իրականացվող փորձնական նախագծի շրջանակներում:

ԵՏՀ մաքսային համագործակցության նախարար Էլդար Ալիշերովն ընդգծել է. «Մեր մասնագետների կողմից մշակված կառույցի նորացված տարբերակը կապահովի համալիր գործառնական լուծումների միապատիկ տեխնիկական իրականացում։ Խոսքը, մասնավորապես, մաքսային պահեստի մաքսային ընթացակարգով ձևակերպված էլեկտրոնային առևտրի ապրանքները վերահսկողությունից ավտոմատ կերպով հանելու, անձնական օգտագործման էքսպրես բեռների հեռահար բացթողման տեխնոլոգիայի առավել արդյունավետ իրականացման, մաքսային հայտարարագրերում նախկինում հայտարարված տեղեկությունների ճշգրտման հնարավորության մասին է՝ ներառյալ նախնական մաքսային հայտարարագրման դեպքերը»: 

Նոր կառույցը թույլ կտա առավելագույնս ապահովել մաքսային հսկողության իրականացումն առանց մաքսային մարմինների պաշտոնյաների մասնակցության, ինչը կարագացնի և կպարզեցնի մաքսային գործառնությունների կատարումը արտաքին տնտեսական գործունեության մասնակիցների համար։

Ընդունված ակտը մաքսային տեղեկատվական համակարգերի ժամանակին, արդյունավետ կատարելագործման և թարմացման ուղղությամբ Հանձնաժողովի մաքսային բլոկի հետևողական աշխատանքի արդյունքն է, որն իրականացվում է, ի թիվս այլնի, մաքսային գործառնությունների ավտոմատացման ընդլայնման նպատակով։