Նորություններ
07.04.2022
2022 թ.-ի Եվրասիական տնտեսական համաժողովի նախապատրաստման հարցերով Հանձնաժողովի օպերատիվ շտաբի ղեկավարի մեկնաբանությունը
Եվրասիական տնտեսական համաժողովը կանցկացվի մայիսի 26-27-ը Բիշքեկում Եվրասիական տնտեսական Բարձրագույն խորհրդի նիստի նախօրեին։ Այդ մասին հայտարարել է Համաժողովի նախապատրաստման հարցերով Հանձնաժողովի օպերատիվ շտաբի ղեկավար, Արարողակարգի և կազմակերպչական ապահովման վարչության տնօրեն Դանիյար Տուրուսբեկովը:
«Բոլոր երկրները հաստատել են Բարձրագույն խորհրդի նիստի օրը և վայրը։ Ներկայումս միջոցառումների նախապատրաստման ակտիվ ուսումնասիրություն է իրականացվում ինչպես Ղրղզստանի Հանրապետության, այնպես էլ Հանձնաժողովի կողմից։ Ապրիլի 8-ին նախատեսվում է Ղրղզստանի Հանրապետության Նախարարների կաբինետի նախագահի առաջին տեղակալ Արզիբեկ Օրոզբեկովիչ Կոժոշևի գլխավորությամբ կազմակերպել կազմկոմիտեի նիստ, որում նախատեսվում է հաստատել համաժողովի հայեցակարգը», - ընդգծել է Դանիյար Տուրուսբեկովը:Նա նշել է, որ համաժողովի շրջանակներում նախատեսվում է լիագումար նիստ՝ ԵԱՏՄ պետությունների ղեկավարների մասնակցությամբ, ինչպես նաև 6 պանելային նստաշրջան և ԵԱՏՄ ագրոարդյունաբերական ապրանքների ցուցահանդես։
«Համաժողովին մասնակցելու համար հրավիրում ենք գործարար համայնքի, գիտական և փորձագիտական շրջանակների ներկայացուցիչներին։ Հետևեք նորություններին մեր պաշտոնական կայքում և Հանձնաժողովի տեղեկատվական ռեսուրսներում», - հավելել է Դանիյար Տուրուսբեկովը։
Տեղեկանք
Եվրասիական տնտեսական համաժողովը Եվրասիական տնտեսական միության տնտեսական ոլորտում ամենամյա բիզնես միջոցառումն է, որը հերթականությամբ անցկացվում է Միության մարմիններում նախագահող ԵԱՏՄ պետությունում՝ Բարձրագույն Եվրասիական տնտեսական խորհրդում, Եվրասիական Միջկառավարական խորհրդում և ԵՏՀ Խորհրդում: Համաժողովն անցկացվում է ԵՏԲԽ առ 2019 թ.-ի հոկտեմբերի 1-ի № 16 որոշման հիման վրա: Միջոցառումն ուղղված է անդամ պետությունների և երրորդ երկրների խոշոր, միջին և փոքր բիզնեսի ղեկավարների, անդամ պետությունների առաջին դեմքերի, ԵԱՏՄ երկրների պետական իշխանությունների ղեկավարների և ներկայացուցիչների, ինչպես նաև երրորդ երկրների կառավարությունների ղեկավարների և անդամների, Միության շրջանակներում համագործակցության զարգացմամբ հետաքրքրված միջազգային, գիտական և կրթական կազմակերպությունների ներկայացուցիչների մասնակցությանը: Եվրասիական տնտեսական համաժողովի անցկացման նպատակներն են՝ անդամ պետությունների տնտեսական համագործակցության հետագա զարգացումը, անդամ պետությունների տնտեսավարող սուբյեկտների միջև համագործակցական կապերի ձևավորումը և անդամ պետությունների ներդրումային և նորարարական ներուժների միավորման շնորհիվ սիներգետիկ արդյունքին հասնելը, արտահանման ներուժի զարգացումը։
Եվրասիական տնտեսական համաժողովը Եվրասիական տնտեսական միության տնտեսական ոլորտում ամենամյա բիզնես միջոցառումն է, որը հերթականությամբ անցկացվում է Միության մարմիններում նախագահող ԵԱՏՄ պետությունում՝ Բարձրագույն Եվրասիական տնտեսական խորհրդում, Եվրասիական Միջկառավարական խորհրդում և ԵՏՀ Խորհրդում: Համաժողովն անցկացվում է ԵՏԲԽ առ 2019 թ.-ի հոկտեմբերի 1-ի № 16 որոշման հիման վրա: Միջոցառումն ուղղված է անդամ պետությունների և երրորդ երկրների խոշոր, միջին և փոքր բիզնեսի ղեկավարների, անդամ պետությունների առաջին դեմքերի, ԵԱՏՄ երկրների պետական իշխանությունների ղեկավարների և ներկայացուցիչների, ինչպես նաև երրորդ երկրների կառավարությունների ղեկավարների և անդամների, Միության շրջանակներում համագործակցության զարգացմամբ հետաքրքրված միջազգային, գիտական և կրթական կազմակերպությունների ներկայացուցիչների մասնակցությանը: Եվրասիական տնտեսական համաժողովի անցկացման նպատակներն են՝ անդամ պետությունների տնտեսական համագործակցության հետագա զարգացումը, անդամ պետությունների տնտեսավարող սուբյեկտների միջև համագործակցական կապերի ձևավորումը և անդամ պետությունների ներդրումային և նորարարական ներուժների միավորման շնորհիվ սիներգետիկ արդյունքին հասնելը, արտահանման ներուժի զարգացումը։
