арм

Նորություններ

ԵՏՀ ԶԼՄ-ներում Ֆոտոսրահ Տեսադարան
15 օգոստոսի 2025 Եվրասիական միջկառավարական խորհրդի նիստի արդյունքները Այսօր ԵԱՏՄ երկրների կառավարությունների ղեկավարները քննարկել են եվրասիական տնտեսական ինտեգրման մի շարք կարևոր հարցեր: Նիստի արդյունքները մամուլի ասուլիսում ամփոփել է Եվրասիական տնտեսական հանձնաժողովի կոլեգիայի նախագահ Բակիտժան Սագինտաևը: Զեկուցվել է ԵԱՏՄ ներսում և երրորդ երկրների հետ երկաթուղային բեռնափոխադրումների ոլորտում թվայնացման գործընթացների արագացման մասին: Թվային տրանսպորտային փաստաթղթերին արդեն անցել են Բելառուսի Հանրապետությունը, Ղազախստանի Հանրապետությունը և Ռուսաստանի Դաշնությունը: Նշվել է Չինաստանի հետ այս ոլորտում գրանցված առաջընթացը՝ ստորագրվել է Էլեկտրոնային ստորագրության կիրառումն ապահովելու համար Ռուսաստանի և Չինաստանի երկաթուղային բեռնափոխադրողների փոխգործակցության մասին համաձայնագիրը: Եվրասիական միջկառավարական խորհրդի նիստում ներկայացվել է Հանձնաժողովի զեկույցը ԵԱՏՄ-ում ներմուծվող ապրանքների մաքսային արժեքի վերահսկողության ուժեղացման աշխատանքների արդյունքների մասին: Դրական դինամիկա է արձանագրվել մաքսային հսկողության կողմից ռիսկի սահմանված ցուցիչներից ցածր մաքսային արժեքով հարկատար ապրանքների ընդգրկման մասով: Միջկառավարական խորհրդի անդամներին տարեկան հաշվետվություն է ներկայացվել «հնգյակի» պետությունների բյուջեների միջև ներմուծման մաքսատուրքերի գումարների հաշվանցման և բաշխման մասին: 2024 թվականին Միության երկրների բյուջեները ստացել են 15.2 մլրդ ԱՄՆ դոլար, որը գրեթե 3%- ով բարձր է 2023 թվականի ցուցանիշից: Հարկ է նշել, որ սա վերջին 10 տարվա ընթացքում ամենաբարձր ցուցանիշն է: «Կառավարությունների ղեկավարները հաստատել են ապրանքների ընդհանուր բորսայական շուկայում աճուրդների զարգացման ծրագիրը, որի լիարժեք գործարկումը նախատեսված է 2029 թվականին:  Հավանություն է տրվել անդրսահմանային շուկաներում մրցակցության վիճակի մասին Հանձնաժողովի 2024 թվականի տարեկան հաշվետվությանը: ԵՄԿԽ անդամները համաձայնեցրել են Դեղերի և բժշկական արտադրատեսակների ընդհանուր շուկաների հետագա զարգացման հայեցակարգերը: Փաստաթղթերը սահմանում են աշխատանքների երկու կարևոր ուղղություն: Առաջինը արտադրվող արտադրանքի որակի ապահովումն է, երկրորդը՝ համապատասխան թվային հարթակներում գերատեսչությունների փոխգործակցության ընդլայնումը:  Աշխատանքներ են տարվում ընդհանուր աշխատաշուկայում բարձր պահանջարկ ունեցող մասնագիտություններին ներկայացվող որակավորման պահանջների մերձեցման ուղղությամբ: ԵՏՀ-ն շարունակական հիմունքներով ձևավորում է դրանց ցանկը, ինչն էապես դյուրացնում է քաղաքացիների աշխատանքի տեղավորումը:  Բացի այդ, մեծ ուշադրություն է դարձվում տրանսպորտային ոլորտում կադրային ներուժի զարգացմանը: Այս ուղղությունն այժմ ներառված է 2024-2026 թվականների պրոֆիլային ճանապարհային քարտեզում: Փաստաթղթի իրագործումը կնպաստի միասնական տրանսպորտային տարածության և տրանսպորտային ծառայությունների ընդհանուր շուկայի ձևավորմանը: Կառավարությունների ղեկավարներին ներկայացվել է ԵԱՏՄ շրջանակներում կլիմայական օրակարգի հարցերի կարգավորման մոտեցումների իրականացման հնգամյա պլանը: ԵՄԿԽ հաջորդ նիստը տեղի կունենա սեպտեմբերի 29-30-ին Մինսկում:
Զբոսաշրջության ոլորտում ԵԱՏՄ երկրների համագործակցությունը կարող է դառնալ տնտեսական աճի կատալիզատոր 14 օգոստոսի 2025 Զբոսաշրջության ոլորտում ԵԱՏՄ երկրների համագործակցությունը կարող է դառնալ տնտեսական աճի կատալիզատոր Եվրասիական տնտեսական հանձնաժողովը պաշտոնական կայքում ձևավորում է թեմատիկ բաժին եվրասիական զբոսաշրջային երթուղիների մասին, որը տեղեկություններ կպարունակի Եվրասիական տնտեսական միության երկրների ավելի քան 400 զբոսաշրջային օբյեկտների մասին: Այս մասին օգոստոսի 14-ին Բոստերիում (Ղրղզստան) անցկացվող Ղրղզա-Ռուսական տնտեսական համաժողովի «Եվրասիական զբոսաշրջության թվային վեկտոր. ինտեգրման և աճի ռազմավարություններ» նստաշրջանի ընթացքում հայտնել է ԵՏՀ ձեռնարկատիրական գործունեության զարգացման վարչության փոխտնօրեն Լուսինե Բագրատունին:
14 օգոստոսի 2025 Վարոս Սիմոնյան. «Թվային ինքնիշխանությունը ԵԱՏՄ համատեքստում նշանակում է համատեղ ջանքերով թվային անկախության ստեղծում» Թվային զարգացման գերակայությունները և այդ ոլորտում համագործակցության խորացման միջոցները դարձել են օգոստոսի 14-ին Բոստերիում (Ղրղզստան) անցնող «Թվային ինքնիշխանությունը՝ որպես ԵԱՏՄ-ում կայուն աճի և տեխնոլոգիական կոոպերացիայի գործոն» 7-րդ Ղրղզա-Ռուսական տնտեսական համաժողովի լիագումար նիստի քննարկման առարկա: Նիստը վարել է ԵՏՀ ներքին շուկաների, տեղեկատվայնացման, տեղեկատվահաղորդակցական տեխնոլոգիաների նախարար Վարոս Սիմոնյանը:
ԵԱՏՄ երկրների տնտեսությունների աճի տեմպերն առաջ են անցնում միջին համաշխարհային ցուցանիշներից 13 օգոստոսի 2025 ԵԱՏՄ երկրների տնտեսությունների աճի տեմպերն առաջ են անցնում միջին համաշխարհային ցուցանիշներից Եվրասիական տնտեսական հանձնաժողովի մակրոտնտեսական քաղաքականության վարչության տնօրեն Ալեքսեյ Վեդևը Ղրղզստանի Հանրապետության Իսիկ Կուլի մարզի Բոստերի գյուղում՝ ԵԱՏՄ-ին Ղրղզստանի միանալու 10-ամյակին նվիրված խորհրդաժողովի ընթացքում խոսել է Եվրասիական տնտեսական միության շրջանակներում տնտեսական զարգացման դրական դինամիկայի և ինտեգրացիոն շփումների ամրապնդման մասին:
13 օգոստոսի 2025 Արզիբեկ Կոժոշև. «ԵԱՏՄ-ում տասը տարվա ընթացքում Ղրղզստանը մեծ ճանապարհ է անցել» Օգոստոսի 13-ին Բոստերիում (Ղրղզստանի Հանրապետություն) անցկացվող 7-րդ Ղրղզա-Ռուսական տնտեսական համաժողովի շրջանակներում կայացել է Եվրասիական տնտեսական միությանը Ղրղզստանի Հանրապետության միանալու 10-ամյակին նվիրված միջազգային խորհրդաժողով:
08 օգոստոսի 2025 ԵԱՏՄ-ում մշակվում է մաքսային մարմինների հետ պետական վերահսոկղության և հավատարմագրման մարմինների փոխգործակցության մեխանիզմ Օգոստոսի 8-ին Եվրասիական տնտեսական հանձնաժողովի կենտրոնակայանում ԵՏՀ տեխնիկական կարգավորման նախարար Վալենտին Տատարիցկու նախագահությամբ և ԵՏՀ մաքսային համագործակցության նախարար Ռուսլան Դավիդովի մասնակցությամբ կայացած բարձր մակարդակի խորհրդակցության ընթացքում քննարկվել է Եվրասիական տնտեսական միության երկրների մաքսային մարմինների հետ պետական վերահսկողության և հավատարմագրման մարմինների փոխգործակցության մեխանիզմը:
08 օգոստոսի 2025 ԵՏՀ-ում կլոր սեղանի ընթացքում քննարկել են գյուղատնտեսությանը տրամադրվող պետաջակցությունը Օգոստոսի 8-ին Եվրասիական տնտեսական հանձնաժողովի կենտրոնակայանում կայացած պրոֆիլային կլոր սեղանի ընթացքում փորձագետները ներկայացրել են Եվրասիական տնտեսական միության երկրներում գյուղատնտեսությանը պետական աջակցության տրամադրման գործիքների մշակման փորձը:
07 օգոստոսի 2025 Գոհար Բարսեղյանը և Անդրեյ Կուզնեցովը քննարկել են փոխգործակցությունը արդյունաբերության ոլորտում Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանը օգոստոսի 7-ին ԵՏՀ կենտրոնակայանում աշխատանքային հանդիպում է ունեցել Բելառուսի Հանրապետության արդյունաբերության նախարար Անդրեյ Կուզնեցովի հետ:
Ցուցադրել ավելին

Պաշարներ ԵՏՄ