Զեկույցը պարունակում է տեղեկատվություն բիզնեսի ներքին կարգավորման, վերահսկման և հսկողության նկատմամբ ընդհանուր, ոչ ծանրաբեռնված մոտեցումներ ապահովող Կանոնների՝ Եվրասիական տնտեսական միության երկրների կողմից կատարման արդյունքների մասին:
Այսպես, վերջին երկու տարիների ընթացքում Միության երկրներում ձեռնարկվել են նշանակալից քայլեր՝ բիզնես մթնոլորտը բարելավելու և ձեռնարկատերերի կարգավորող բեռնվածությունը նվազեցնելու ուղղությամբ: Մասնավորապես, ռուսական և ղազախական ԿԱԳ ընթացակարգերի անալոգիայով (ԱՌՎ)՝ Հայաստանում, Բելառուսում և Ղրղզստանում հաստատվել են բիզնեսի վրա ազդող օրենսդրական ակտերի նախագծերի կարգավորող ազդեցության գնահատումն անցկացնելու կարգը, ժամկետները և դեպքերը:
Բացի այդ, Բելառուսում և Ղրղզստանում պարզեցվել է ակտերի նախագծերի հանրային քննարկումներին մասնակցության ընթացակարգը, այդ թվում` համացանցի ռեսուրսների օգնությամբ:
Ղազախստանում բարձրացվել է մշակվող փաստաթղթերի նախագծերի վերաբերյալ տեղեկատվության հասանելիության մակարդակը՝ բաց հասանելիության տիրույթում տեղադրելով ոչ միայն հենց նախագծերը, այլ նաև այդ նախագծերի վրա կարգավորող ազդեցության վերլուծության մասին եզրակացությունները:
Ռուսաստանում սկսվել է վերահսկողական և հսկողական ու թույլատրողական գործունեության լայնածավալ բարեփոխումը՝ նորմատիվ իրավական ակտերը, որոնք բացասաբար են ազդում ընդհանուր բիզնեսի մթնոլորտի և կարգավորող միջավայրի վրա, վերանայելու և չեղյալ համարելու նպատակով:
Ընդհանուր առմամբ, Միության երկրների կողմից կանոնների կատարումը թույլ է տալիս ապահովել ձեռնարկատերերի անխափան գործունեությունը, բարձրացնել թույլատրողական համակարգերի արդյունավետությունը, նվազեցնել արգելքների ռիսկերը: Ընդ որում, դրանց իրականացումը հիմք է հանդիսանում կարգավորման ներդաշնակեցման համար և գործիք է, որւ պայմաններ է ստեղծում ապրանքներ հաստատելու, արտադրելու, աշխատանքներ կատարելու, ծառայություններ մատակարարելու և այլ գործունեություն իրականացնելու ազատության համար:
Տեղեկանք.
Ծառայությունների առևտրի, հիմնադրման և գործունեության կանոնները հաստատվել են Եվրասիական տնտեսական բարձրագույն խորհրդի 2016 թվականի դեկտեմբերի 26 № 24 որոշմամբ: Եվրասիական տնտեսական հանձնաժողովը՝ ի կատարումն որոշման 2-չդ կետի, մշտադիտարկում է իրականացնում, Միության երկրների կողմից կանոնների կատարման արդյունքների մասին հաշվետվություն է պատրաստում և առնվազն երկու տարին մեկ անգամ այդ մասին տեղեկացնում է Եվրասիական տնտեսական բարձրագույն խորհրդին: