Նորություններ
25.02.2022
Էլեկտրոնային առևտրի ԱԱՀ է վճարվելու ԵԱՏՄ նպատակակետ երկրում
ԵՏՀ տնտեսության և ֆինանսական քաղաքականության հարցերով նախարար Ռուսլան Բեկետաևը Եվրասիական միջկառավարական խորհրդի նիստում ներկայացրել է ԵԱՏՄ մեկ այլ պետության տարածքում ֆիզիկական անձանց ապրանքների էլեկտրոնային առևտրից ԱԱՀ գանձելու հիմնական հայեցակարգային մոտեցումները՝ նպատակակետ երկրի սկզբունքով։
Նպատակակետ երկրի սկզբունքով անուղղակի հարկերի գանձման մեխանիզմը նախատեսում է.
- հարկային հաշվառման և ԱԱՀ վճարման համար ինտերնետային կայքերի հեռավոր և պարզեցված հաշվառում,
- մարքեթպլեյսներին հարկային գործակալի գործառույթները վերապահելը՝ անհատ վաճառողների համար ԱԱՀ վճարելու համար,
- տեղեկատվության փոխանցում հարկային մարմիններին՝ հարկերի ճիշտ հաշվարկը, պահումները և փոխանցումը վերահսկելու համար։
ԵԱՏՄ երկրների կառավարությունների ղեկավարները կարևորել են այս մոտեցումները և հանձնարարել ֆինանսների, հարկային ծառայությունների նախարարություններին և Միության լիազոր մարմիններին 10 օրում մշակել նախագիծ՝ ԵԱՏՄ մասին պայմանագրում և դրա Հավելված 18-ում համապատասխան փոփոխություններ կատարելու համար։
«Էլեկտրոնային առևտրի շուկան արագ տեմպերով զարգանում է, և մեր ընդհանուր խնդիրն է ստեղծել դրա զարգացման համար օպտիմալ և բարենպաստ պայմաններ՝ առանց Եվրասիական տնտեսական միության անդամ երկրների պետական բյուջեները վնասելու», — համոզված է Ռուսլան Բեկետաևը:
