Նորություններ

Հոկտեմբերի 5-ին Սանկտ Պետերբուրգում՝ «Անտիկոնտրաֆակտ 2023» 11-րդ միջազգային համաժողովի բիզնես ծրագրի շրջանակներում տեղի կունենա «ԵԱՏՄ-ում կեղծ արտադրանքի շրջանառության դեմ պայքարի իրավակիրառ պրակտիկայի նոր միտումները» քննարկման նստաշրջան, որը կազմակերպել է Եվրասիական տնտեսական հանձնաժողովի ձեռնարկատիրական գործունեության զարգացման վարչությունը։

Միջոցառման ընթացքում նախատեսվում է քննարկել.

- մտավոր սեփականության օբյեկտների նկատմամբ իրավունքների պաշտպանության ոլորտում ԵԱՏՄ պետություններում իրավակիրառ պրակտիկայի 2022 թվականի մշտադիտարկման արդյունքները,

- օրենսդրության փոփոխությունները և ԵԱՏՄ երկրների վարչական և իրավապահ մարմինների պրակտիկայում մտավոր սեփականության օբյեկտների անօրինական օգտագործման դեմ պայքարի արդիական միտումները,

- պետական մարմինների և իրավատերերի միջև փոխգործակցություն բիզնեսի վարման նոր պայմաններում կոնտրաֆակտի տարածումը կանխելու համար,

- ապրանքային նշանների սեփականատերերի կողմից իրավունքի չարաշահում և «զուգահեռ» ներմուծման հարցերով վարչական և դատական պրակտիկայի փոփոխություններ:

Նստաշրջանի բանախոսներն են Եվրասիական տնտեսական հանձնաժողովի և այլ միջազգային կազմակերպությունների ներկայացուցիչներ, իրավապահ և մաքսային մարմինների աշխատակիցներ, Միության պետությունների՝ մտավոր սեփականության իրավունքների պաշտպանության ոլորտում գործող իրավաբանական ընկերությունների մասնագետներ։

Մասնակցությունը համաժողովին և քննարկման նստաշրջանին՝ անվճար հիմքով: Մասնակիցների գրանցումն իրականացվում է միջոցառման կայքում։