Նորություններ
Հանձնաժողովում քննարկվել են մոտեցումները էլեկտրոնային առևտրի ապրանքների նոր հայտարարագրին
Նոյեմբերի 9-ին Եվրասիական տնտեսական հանձնաժողովի մաքսային օրենսդրության և իրավակիրառ պրակտիկայի վարչության տնօրեն Սերգեյ Վլադիմիրովի նախագահությամբ կայացել է էքսպրես բեռների և միջազգային փոստային առաքանիների նկատմամբ մաքսային գործառնությունների կատարման կարգի կատարելագործման հարցերով աշխատանքային խմբի նիստ։
Միջոցառմանը մասնակցել են պետական մարմինների և բիզնեսի ներկայացուցիչներ, այդ թվում՝ փոստի օպերատորներ և էքսպրես փոխադրողներ:
Նիստի ընթացքում քննարկվել են ստացողի, ուղարկողի, էլեկտրոնային առևտրի օպերատորի և այլնի վերաբերյալ ընդհանուր տեղեկությունների, ապրանքների վերաբերյալ, այդ թվում՝ ըստ ԱՏԳ ԱԱ-ի ապրանքի մաքսային արժեքի և արտաքին ծածկագրի վերաբերյալ առանձին տեղեկությունների սահմանմանը առնչվող հարցեր:
«Էլեկտրոնային առևտրի ապրանքների հայտարարագիրը կսկսի կիրառվել արտաքին էլեկտրոնային առևտրի կարգավորման մասով Միության մաքսային օրենսգրքում փոփոխություններ կատարելու մասին արձանագրության ուժի մեջ մտնելու պահից, որն անցնում է ստորագրման համար անհրաժեշտ ներպետական ընթացակարգեր», - նշել է Սերգեյ Վլադիմիրովը:
Հանձնաժողովի խորհրդի 2023 թվականի հունիսի 23-ի № 20 կարգադրությամբ հավանության է արժանացել ԵԱՏՄ 2017 թվականի ապրիլի 11-ի մաքսային օրենսգրքի մասին պայմանագրում փոփոխություններ կատարելու մասին արձանագրության նախագիծը (արտաքին էլեկտրոնային առևտրի կարգավորման մասով) և ուղարկվել է անդամ պետություններ դրա ստորագրման համար անհրաժեշտ ներպետական ընթացակարգերի իրականացման համար:
Եվրասիական միջկառավարական խորհրդի 2021 թվականի նոյեմբերի 19-ի № 10 որոշմամբ հաստատվել է Եվրասիական տնտեսական միության շրջանակներում էլեկտրոնային առևտրի զարգացման համար բարենպաստ պայմանների ստեղծման միջոցառումների պլանը (ճանապարհային քարտեզը):
Ճանապարհային քարտեզի 2-րդ կետին համապատասխան՝ Եվրասիական տնտեսական հանձնաժողովը ԵԱՏՄ պետությունների հետ միասին պետք է պատրաստի, ի թիվս այլնի, ԵՏՀ ակտ, որը կսահմանի էլեկտրոնային առևտրի ապրանքների հայտարարագրի ձևը և լրացման կարգը:
