Նորություններ
ԵԱՏՄ երկրներին կտրամադրեն էլեկտրամոբիլների ներմուծման նկատմամբ սակագնային արտոնություն մինչև 2023 թվականի վերջը
Մաքսատուրքերի վճարումից ազատումը տրամադրվում է միայն այն քաղաքացիներին, որոնք մշտապես բնակվում են Հայաստանի Հանրապետությունում, Բելառուսի Հանրպետությունում, Ղազախստանի Հանրապետությունում և Ղրղզստանի Հանրպետությունում։ Ընդ որում, Ռուսաստանի Դաշնությունում քաղաքացիություն և (կամ) մշտական բնակության վայր ունեցող անձանց էլեկտրամոբիլների տիրապետման, օգտագործման և տնօրինման իրավունքների փոխանցում չի թույլատրվում։
«Ինչպես ակնկալվում է, էլեկտրամոբիլների, դրանց արտադրության և լիցքավորման կայանների ցանցի զարգացման պահանջարկի խթանմանն ուղղված այլ միջոցների հետ միասին սակագնային արտոնության համալիր կիրառումը նպաստելու է նման տրանսպորտային միջոցների ավելի լայն տարածման համար հնարավորությունների պատուհանի ստեղծմանը, ինչպես նաև ԵԱՏՄ-ում դրանց թողարկմանը», - նշել է ԵՏՀ առևտրի հարցերով նախարար Անդրեյ Սլեպնյովը։Որոշումն ուժի մեջ է մտնելու պաշտոնական հրապարակման օրվանից 10 օրացուցային օրը լրանալուց հետո։
Տեղեկանք
Էլեկտրամոբիլների նկատմամբ ԵԱՏՄ ՄՄՍ ներմուծման մաքսատուրքի դրույքաչափը կազմում է մաքսային արժեքի 15%։ ԵՏՀ Խորհրդի 2020 թվականի մարտի 16-ի № 29 որոշմանը համապատասխան, 2020 թվականի մայիսի 4-ից մինչև 2021 թվականի դեկտեմբերի 31-ը ներառյալ կիրառվել է 0% չափով մաքսատուրք։
ԵՏՀ Արարողակարգի և կազմակերպչական ապահովման վարչության Տեղեկատվական ապահովման բաժին
