Նորություններ
Հանձնաժողովում քննարկել են էքսպրես բեռների համար պարզեցված հայտարարագրի կիրառման դեպքերի ընդլայնման հնարավորությունը
Սեպտեմբերի 19-ին Եվրասիական տնտեսական հանձնաժողովի մաքսային օրենսդրության և իրավակիրառ պրակտիկայի վարչության փոխտնօրեն Գրիգոր Օհանյանի նախագահությամբ կայացել է Եվրասիական տնտեսական միությունում էքսպրես բեռների և միջազգային փոստային առաքանիների նկատմամբ մաքսային գործառնությունների կատարման կարգի կատարելագործման հարցերով աշխատանքային խմբի նիստը։
Աշխատանքային խմբի նիստին մասնակցել են պետական մարմինների և բիզնեսի ներկայացուցիչներ, այդ թվում՝ փոստի օպերատորներ և էքսպրես փոխադրողներ:
Փորձագետները Ղազախստանի Հանրապետության առաջարկությամբ քննարկել են էքսպրես բեռների համար հայտարարագրի լրացման կանոնների հետագա միասնականացման հետ կապված հարցեր։ Հավանության են արժանացել նաև արժութային վերահսկողության համար առանձին տեղեկություններ նշելու վերաբերյալ ղազախստանյան բիզնեսի և նման պարզեցված հայտարարագրի կիրառմամբ ապրանքների հայտարարագրման հնարավորության դեպքերի ընդլայնման վերաբերյալ ռուսական բիզնեսի առաջարկները։
Էքսպրես բեռների համար ուղևորների մաքսային հայտարարագիրը և էքսպրես բեռների համար ապրանքների հայտարարագիրը պարզեցված մաքսային հայտարարագրեր են, որոնք օգտագործվում են էքսպրես բեռներ հայտարարագրելիս:
Էքսպրես բեռը ապրանք է, որը փոխադրվում է արագընթաց փոխադրման շրջանակներում ցանկացած տեսակի տրանսպորտով, օգտագործելով փոխադրումների կազմակերպման և հետագծման էլեկտրոնային տեղեկատվական համակարգը այդ ապրանքը ստացողին անհատական հաշիվ-ապրանքագրին համապատասխան հնարավորինս նվազագույն և (կամ) ֆիքսված ժամանակահատվածում առաքելու նպատակով, բացառությամբ միջազգային փոստային առաքանիներով ուղարկվող ապրանքների:
