Кожошев Арзыбек Орозбекович

Кожошев Арзыбек Орозбекович

Өмірбаян

1968 жылғы 25 маусымда Ош қаласында туған.

1994 жылы Ош мемлекеттік университетін «Экономикалық география» мамандығы бойынша үздік бітірген.1996 жылы ҚР ҰҒА Экономикалық зерттеулер институтының аспирантурасын бітірді. 2000 жылы Қырғыз мемлекеттік университетін «Бухгалтерлік есеп және аудит» мамандығы бойынша үздік аяқтады. 2011 жылы кандидаттық диссертация қорғады, 2017 жылы «Экономика және халық шаруашылығын басқару» мамандығы бойынша докторлық диссертация қорғады. 2017-2018 жылдары - М. Рыскулбеков атындағы ҚЭУ профессоры.

1996 жылдан бастап 2015 жылға дейінгі аралықта Қырғыз Республикасының Қаржы министрлігінде әртүрлі лауазымдарда жұмыс істеді, соның ішінде Қырғыз Республикасы Қаржы министрінің орынбасары қызметін атқарды.

2015 жылы VI шақырылған Қырғыз Республикасы Жогорку Кенешінің депутаты болып сайланды. Сол жылы Қырғыз Республикасының Экономика министрі болып тағайындалды. Ресей-Қырғыз Даму қоры Кеңесі төрағасының орынбасары.

2018-2019 жылдары – Ұлттық стратегиялық зерттеулер институты директорының кеңесшісі.

2019-2021 жылдары – Қаржы нарығын реттеу және қадағалау мемлекеттік қызметінің төрағасы.

2021 жылғы қазаннан бастап – Қырғыз Республикасы Министрлер Кабинеті Төрағасының бірінші орынбасары.

2022 жылғы 20 шілдеден бастап Жоғары Еуразиялық экономикалық кеңестің шешімімен ЕЭК-тің Энергетика және инфрақұрылым жөніндегі Алқа мүшесі (министрі) болып тағайындалды.
Қырғыз экономика университетінің, Қырғыз мемлекеттік дене тәрбиесі және спорт академиясының және Қырғыз Республикасының Президенті жанындағы Мемлекеттік басқару академиясының құрметті профессоры. РЖҒА (Ресей жаратылыстану ғылымдары академиясының) академигі.

70-тен астам ғылыми жарияланымы, 4 монографиясы және жоғары оқу орындарына арналған 2 оқулығы бар: «Қырғыз Республикасындағы жергілікті өзін-өзі басқарудың негіздері» (2006), «Жергілікті бюджетті басқару жүйесін жетілдіру» (2014), «Қырғыз Республикасында бюджеттік қатынастарды реттеу» (2018), «Қырғыз Республикасында көмір өнеркәсібін дамыту» (2019), «Аудиттің негіздері» (2021), «Қырғыз Республикасының бюджет-салық саясатын жаңғырту» (2021).

2008 жылдан бастап - Қырғыз Республикасының грек-рим күресі федерациясының президенті.


18 2016 ЕЭК ішкі нарықтар, ақпараттандыру, ақпараттық-коммуникациялық технологиялар жөніндегі министр Карине Минасянның ТАСС ақпараттық агенттігіне берген сұхбаты: «ЕАЭО-дағы инновациялар тәуекелі көтермеленуі тиіс» 2015 жылы Еуразиялық экономикалық одақ жұмыс жасай бастады, оған бүгінде бес ел кіреді: Армения, Беларусь, Қазақстан, Қырғызстан мен Ресей. Егер бұдан 20 жыл бұрын еуразиялық интеграция пайда болған кезде әңгіме сауда ынтымақтастығы туралы болса, қазір күн тәртібі бірте-бірте кеңейді. Қарқынды ақпараттық-технологиялық даму одаққа жаңа сын-қатерлер әкелді. Онлайн-сауданы реттеу, интернет заттары саласындағы заңнама бойынша бірлесе жұмыс істеу, электрондық үкіметтің өзара іс-қимыл жүйесін әзірлеу, тәуекелдік қаржыландыру нарығын құру және жалпы инновацияны бірлесіп дамыту қажеттілігі туды. Сондықтан осы жылы ЕАЭО реттеуші органы Еуразиялық экономикалық комиссия қызметтің жаңа бағытын құрды. Оның негізгі міндеттерінің бірі – бірыңғай цифрлық кеңістік құру, цифрлық технологияларды дамыту. «Еуразиялық апта» форумының қорытындысы бойынша өткен және интеграциялық ынтымақтастықтың жаңа бағытын құрудың бірінші жылдығы қарсаңында Еуразиялық экономикалық комиссияның ішкі нарықтар, ақпараттандыру, ақпараттық-коммуникациялық технологиялар жөніндегі Алқа мүшесі Карине Минасян ТАСС ақпараттық агенттігіне берген сұхбатында бұл салада атқарылып жатқан істер туралы айтып берді.​
0/0