Կոժոշև Արզիբեկ Օրոզբեկի
Կենսագրություն
Ծնվել է 1968 թվականի հունիսի 25-ին Ղրղզստանի Հանրապետության Օշ քաղաքում:
1994 թվականին գերազանցությամբ ավարտել է Օշի պետական համալսարանը «Տնտեսագիտական աշխարհագրություն» մասնագիտությամը: 1999 թվականին ավարտել է Ղրղզստանի Հանրապետության Գիտությունների ազգային ակադեմիայի (ՂՀ ԳԱԱ) Տնտեսագիտական հետազոտությունների ինստիտուտի ասպիրանտուրան: 2000 թվականին գերազանցությամբ ավարտել է Ղրղզստանի պետական համալսարանը «Հաշվապահական հաշվառում և աուդիտ» մասնագիտությամբ: 2011 թվականին պաշտպանել է թեկնածուական ատենախոսությունը, 2017 թվականին՝ դոկտորական ատենախոսությունը « Տնտեսագիտություն և ժողովրդական տնտեսության կառավարում» թեմայով: 2017-2018 թվականներին՝ Ղազախստանի Մ. Ռիսկուլբեկովի անվ. տնտեսագիտական համալսարանի (ՂՏՀ) պրոֆեսոր:
1996-2007 թվականներին տարբեր պաշտոններ է զբաղեցրել Ղրղզստանի Հանրապետության ֆինանսների նախարարությունում, այդ թվում՝ Ղրղզստանի Հանրապետության ֆինանսների նախարարի տեղակալի պաշտոնը:
2007-2015 թվականներին՝ Ղրղզստանի Հանրապետության ֆինանսների փոխնախարար:
2015 թվականին ընտրվել է Ղրղզստանի Հանրապետության 6-րդ գումարման Ժոգորկու Կենեշի պատգամավոր:
2015-2017 թվականներին՝ Ղրղզստանի Հանրապետության էկոնոմիկայի նախարար: Ռուս-Ղրղզական Զարգացման Հիմնադրամի Խորհրդի փոխնախագահն է:
2017-2019 թվականներին՝ Ռազմավարական հետազոտությունների ազգային ինստիտուտի տնօրենի խորհրդական:
2019-2021 թվականներին՝ Ֆինանսական շուկայի կարգավորման և հսկողության պետական ծառայության նախագահ:
2021 թվականի հոկտեմբերից՝ Ղրղզստանի Հանրապետության Նախարարների կաբինետի նախագահի առաջին տեղակալ:
Եվրասիական տնտեսական Բարձրագույն խորհրդի որոշմամբ 2022 թվականի հուլիսի 20-ից նշանակվել է ԵՏՀ էներգետիկայի և ենթակառուցվածքի հարցերով Կոլեգիայի անդամ (նախարար)։
Ղրղզստանի տնտեսագիտական համալսարանի, Ղրղզստանի ազգային համալսարանի, Բիշքեկի պետական համալսարանի պատվավոր պրոֆեսոր է:
Ունի ավելի քան 150 գիտական հրապարակում, 5 մենագրություն և բուհի 2 դասագիրք՝ «Տեղական ինքնակառավարման հիմունքները Ղրղզստանի Հանրապետությունում» (2006), «Տեղական բյուջեի կառավարման համակարգի կատարելագործում» (2014), «Ղրղզստանի Հանրապետության բյուջետային հարաբերությունների կարգավորում» (2018), «Ղրղզստանի Հանրապետության ածխային արդյունաբերության զարգացում» (2019), «Աուդիտտին նեգիզդերի» (2021), «Ղրղզստանի Հանրապետության հարկաբյուջետային քաղաքականության արդիականացում» (2021):
