Жаңалықтар

Еуразиялық экономикалық одақ пен Қытай Халық Республикасы арасындағы сауда-экономикалық ынтымақтастық туралы келісімді іске асыру жөніндегі Бірлескен комиссияның төртінші отырысы аясында Еуразиялық экономикалық комиссияның сауда министрі Андрей Слепнев «Қытай темір жолдары» мемлекеттік компаниясының бас директоры Го Чжуспен кездесті.

Кездесу барысында жүк теміржол тасымалдарын цифрландыру бойынша ЕАЭО-ҚХР сауда-экономикалық ынтымақтастығын дамыту жөніндегі жол картасын іске асыру талқыланды. Тиісті бөлімнің іс-шаралары көзделген мерзімдерге сәйкес іске асырылып жатқаны атап өтілді. Атап айтқанда, тараптар теміржол тасымалдаушылары арасында электрондық ақпарат алмасу кезінде деректердің сапасы мен толықтығының жоғары деңгейде болуына келісті.

«Қазіргі уақытта теміржол компаниялары арасындағы ынтымақтастықтың жаңа деңгейіне шығуға мүмкіндік беретін келісімдер жоғары дайындықпен жасалды. Сонымен қатар өзара іс-қимылдың жаңа перспективалық бағыттарын қарастырамыз», — деп атап өтті Андрей Слепнев.

Сонымен бірге тараптар ҚХР нарығына ЕАЭО-ға мүше мемлекеттердің жоғары сапалы ауыл шаруашылығы өнімдерімен шығу мәселелерін, сондай-ақ «Еуразиялық агроэкспресс» жобасы аясында логистикалық маршруттарды кеңейту бойынша мүмкіндіктерді егжей-тегжейлі талқылады.

 Ауыл шаруашылығы өнімдері мен азық-түлікті, сондай-ақ Азия және Еуропа бағыттарында экспорттық жеткізілімдерді тұрақты өзара жеткізуді дамыту мақсатында ЕАЭО-ға мүше мемлекеттердің «Еуразиялық агроэкспресс» жеделдетілген темір жол және мультимодальды тасымалдауды жүзеге асыру жөніндегі бірлескен жобасын іске асыру туралы бастамасы Еуразиялық үкіметаралық кеңестің 2022 жылғы 25 ақпандағы № 3 өкімімен мақұлданды.

«Еуразиялық агроэкспресс» тасымалдарының жалпы көлемі 2023 жылы 450 мың тоннадан асты. Бұл ретте жүк базасының негізгі номенклатурасы май, жеміс-көкөніс және консерві, дәнді бұршақ өнімдері, сондай-ақ тауық еті мен сиыр еті болды.