Жаңалықтар

07.10.2022

Бақыт Сұлтанов ЕЭК-тің Бәсекелестік және монополияға қарсы реттеу жөніндегі Алқа мүшесі болып тағайындалды

Жоғары Еуразиялық экономикалық кеңестің осы жылғы 6 қазандағы шешімімен Қазақстан Республикасынан Бақыт Сұлтанов Еуразиялық экономикалық комиссияның жаңа Алқа мүшесі (Министрі) болып тағайындалды. Оның құзыретіне Еуразиялық экономикалық одақтың трансшекаралық нарықтарындағы монополияға қарсы реттеу мен бәсекелестік мәселелері кіреді.

Бақыт Сұлтанов 2003-2006 жылдары Қазақстан Республикасының Экономика және бюджеттік жоспарлау вице-министрі болып істеді. 2006-2007 жылдары Қазақстан Республикасының Статистика агенттігінің төрағасы, Қаржы вице-министрі, Экономика және бюджеттік жоспарлау министрі болды.

2010-2013 жылдары Қазақстан Республикасы Президентінің көмекшісі, Президент Әкімшілігі басшысының орынбасары қызметін атқарды.

2013 жылғы бастап 2018 жылғы дейін - Қазақстан Республикасы Премьер-министрінің орынбасары және Қазақстан Республикасының Қаржы министрі.

2018 жылдан бастап 2022 жылға дейінгі кезеңде Астана қаласының әкімі, Қазақстан Республикасының Сауда және интеграция министрі, Қазақстан Республикасы Премьер-министрінің орынбасары - Сауда және интеграция министрі қызметін атқарды.

Алғыс хаттармен марапатталған, «Құрмет» (2006 ж.), «Парасат» (2012 ж.), ІІІ дәрежелі «Барыс» (2021 ж.) ордендерінің иегері.