Жаңылыктар
Андрей Слепнев: "Соодада санариптик технологияларды жайылтуу бизнестин операциялык жана убакыттык коромжуларын олуттуу кыскартат"
Евразия экономикалык форуму – 2024 алкагында Ереванда "ЕАЭБде сооданын санариптик трансформациясы: контурлардан ишке ашырууга чейин" сессиясы болуп өттү. Мамлекеттик органдардын, бизнестин өкүлдөрү жана эксперттер ЕАЭБде сооданын санариптик трансформациясынын, логистиканы жөнөкөйлөтүүнүн жана санариптештирүүнүн, санариптик товарлар менен сооданы өнүктүрүүнүн негизги багыттарын, ошондой эле жалпысынан санариптик соодадагы жаңы тенденцияларды жана технологияларды карап чыгышты.
"Айрым эсептөөлөр боюнча, соодага санариптик технологияларды киргизүү операциялык коромжуларды жарымынан көбүрөөгүнө кыскартат жана убакыттык коромжуларды олуттуу кыскартат. Биз муну ишке ашырып жаткан бир катар долбоорлор боюнча көрүп жатабыз", – деп билдирди Евразия экономикалык комиссиясынын соода боюнча министри Андрей Слепнев.
Ошону менен бирге ал, эгерде биздин соода өнөктөштөр кагазсыз технологияларга өтсө, ал эми Евразия экономикалык бирлигинин өлкөлөрү өтпөсө, соода тоскоолдуктары сөзсүз келип чыгышы жөнүндө эскертти. Министрдин сөзү боюнча, бүгүнкү күндө санариптик экономиканын жана санариптик сооданын көрүнүктүү бөлүгү дегеле мамлекеттик жөнгө салуудан тышкары турат, ошондуктан коомдук кызыкчылык менен бизнес эркиндигинин ортосунда акылга сыярлык тең салмактуулукту табуу керек.
"2030-жылга чейин жана 2045-жылга чейин келечекке биздин өлкөлөрдүн лидерлери кол койгон декларацияда санариптик соода чөйрөсүндөгү конкреттүү кадамдардын маанилүүлүгү катуу баса белгиленген. Азыр биз көрсөтүлгөн багытта аткарыла турган иштердин кеңири планын даярдап жатабыз", – деп белгиледи Андрей Слепнев.
Бир нече жылдан бери иш жүргүзүлүп жаткан багыттардын ичинен министр темир жол боюнча ташуучулардын өз ара мамилелер платформасында логистиканы санариптештирүүнү, ошондой эле товарларды маркалоо маселелерин бөлүп көрсөттү, ал анын ичинде бизнести өз агымдарын башкаруу үчүн негиз берет. Кезекте – жалпысынан өз ара соодада электрондук документ жүгүртүүнүн базалык моделин түзүү, соодада жасалма интеллектти колдонуунун эң ийгиликтүү мисалдарынын реестрин түзүү, борбордон ажыратылган b2b смарт-контракттар тутумун киргизүү, ошондой эле ЕАЭБдин үчүнчү өлкөлөр менен эркин соода аймактары жөнүндө макулдашууларда электрондук коммерция боюнча бөлүмдөрдүн камтылышын кеңейтүү турат.
Өзүнүн иштеп чыгуулары жана дискуссиянын катышуучулары менен пикирин ошондой эле "Сбербанк" ААК аткаруучу директору Виктор Сергеев, ЭСКАТО Чек ара аралык кагазсыз соода жөнүндө алкактык макулдашуунун жооптуу катчысы Тенгфей Ванг, Европа бизнес ассоциациясынын башкы директору Тадзио Шиллинг, Кыргыз Республикасынын Электрондук коммерция ассоциациясынын президенти Айбек Куренкеев, "КВТ" МК операциялык директору Юлия Панина, Россия Федерациясынын Экономикалык өнүктүрүү министрлигинин тышкы экономикалык ишмердүүлүктү өнүктүрүү жана жөнгө салуу департаментинин директору Лилия Щур-Труханович, ошондой эле Ecasb маркетплейсинин В2В өкүлү Мохтарам Тагинежад (Иран Ислам Республикасы) бөлүшүштү. Жолугушуунун модератору ЕЭКтин Соода саясаты департаментинин электрондук сооданы жөнгө салуу жана товарларды маркалоо бөлүмүнүн башчысы Илья Кабанов болду.
