кыр

Жаңылыктар

Чыгып сүйлөнгөн сөздөр Фото Видео
22 Mar 2023 ЕЭК кесипкөй бухгалтерлерди сертификаттоо чөйрөсүндө нысапсыз атаандаштык үчүн Казакстандан жана Кыргызстандан компанияларга кайрадан жазапул салды Жалпы суммасы үч миллионго жакын россиялык рубль өлчөмүндөгү жазапулдарды "Казакстан Республикасынын кесипкөй бухгалтерлеринин палатасы" бухгалтерлердин кесиптик уюму (Казакстан Республикасы), "Сертификатталган коомдук бухгалтерлердин евразиялык институту" жоопкерчилиги чектелген шериктештиги (Казакстан Республикасы), "Кыргызстандын кесипкөй бухгалтерлер жана аудиторлор институту" коомдук бирикмеси (Кыргыз Республикасы) жана "СИПАЕН" мекемеси (Кыргыз Республикасы) өз өлкөлөрүнүн бюджетине төлөшү керек болот. Буга чейин ЕЭК Коллегиясынын 2023-жылдын 17-январындагы чечими менен бул компалияларга чек ара аралык рынокто коомдук бухгалтерлерди сертификаттоо боюнча кызмат көрсөтүүлөрдүн нысапсыз атаандаштыгы үчүн жазапул дайындалган. Жаңы иликтөө жүргүзүү үчүн Евразия экономикалык комиссиясына Россиядан, Казакстандан, Кыргызстандан жана Өзбекстандан бир катар чарбакер субъекттердин атаандаштардын мыйзамсыз жүрүм-туруму жөнүндө кайрылуусу негиз болгон. Ишти кароонун жүрүшүндө аталган компаниялар www.cipaprogram.org сайтында өзүнүн сертификаттар реестринде башка уюмдар, анын ичинде арыз берүүчүлөр тарабынан берилген сертификаттар жөнүндө маалыматтарды жайгаштыргандыгы аныкталган. Ошондой эле сайтта айрым сертификаттардын аракети убактылуу токтотулганы же жокко чыгарылганы жана аларды активдештирүү/кайра чыгаруу үчүн бул уюмдардын бирине кошулуу талап кылынары жазылган. Мындан тышкары башка да жалган маалыматтар табылган. Мисалы, айрым сертификаттардын чыгарылган датасы 1900-жыл деп белгиленген. Комиссиянын Коллегиясы тарабынан кабыл алынган чечимге комментарий берип жатып ЕЭКтин атаандаштык жана монополияга каршы жөнгө салуу боюнча министри Бахыт Султанов төмөнкүлөрдү белгиледи: "Компаниялар ЕАЭБ жөнүндө келишимдин 76-беренесинин 2-пунктун бузушкан. Кеп нысапсыз атаандаштык жөнүндө болуп жатат. Атаандаштыкка каршы жүрүм-турум фактылары боюнча ЕЭКке келип түшкөн арыздардын эң көп саны дал ушул тартип бузуу менен байланыштуу экенин белгилеп кетким келет. Мисалы, 2022-жылы Комиссия тарабынан каралган 26 арыздардын ичинен 15и нысапсыз атаандаштыкка тиешелүү болгон".
21 Mar 2023 Таңгакка мамлекеттер аралык стандарттарды иштеп чыгуу программасы жаңыртылды Евразия экономикалык комиссиясынын Коллегиясы "Таңгактын коопсуздугу жөнүндө" техрегламентин жүзөгө ашырууну жана колдонууну камсыздаган мамлекеттер аралык стандарттарды иштеп чыгуу программасына өзгөртүүлөрдү бекитти. Өзгөртүүлөрдүн долбоору учурдагы Программа 90%дан ашык аткарылгандыгына байланыштуу даярдалган. Мүчө мамлекеттердин сунуштарын эске алуу менен даярдалган Программанын жаңы редакциясы 41 позицияны камтыйт. Алардын 31 боюнча мамлекеттер аралык жаңы стандарттарды иштеп чыгуу пландаштырылган, алардын 28 ИСО, ЕN жана ЭКӨУ эл аралык жана регионалдык стандарттарынын талаптарына негизделет. Программанын калган позициялары боюнча колдонуудагы мамлекеттер аралык стандарттарга өзгөртүүлөрдү киргизүү же эл аралык стандарттардын акыркы актуалдуу версияларын эске алуу менен аларды кайра карап чыгуу каралган. Учурдагы Программа боюнча бүтпөгөн стандарттарга карата, аларды иштеп чыгууну аяктоо мөөнөттөрү актуалдаштырылган.
21 Mar 2023 Михаил Мясникович Россия Федерациясынын тышкы иштер министри Сергей Лавровду туулган күнү менен куттуктады Евразия экономикалык комиссиясынын Коллегиясынын Төрагасы Михаил Мясникович Россия Федерациясынын тышкы иштер министри Сергей Лавровду туулган күнү менен куттуктады. "Эң жогорку класстагы мамлекеттик ишмер катары сиз Улуу Россиянын өнүгүшүнө жана анын кызыкчылыктарын коргоого чоң салым коштуңуз", – деп айтылат куттуктоо катында. – Сизди Россияда, Евразия экономикалык бирлигинин мамлекеттеринде жакшы көрүшөт жана урматташат, Сиздин пикириңиз менен бүткүл дүйнөдө эсептешет. Сиз эң сонун жана ак ниет адамсыз!" ЕЭК Коллегиясынын башчысы Сергей Лавровго чың ден соолук, бакубатчылык жана Россия Федерациясынын жыргалчылыгы үчүн мындан аркы ийгиликтерди каалады.
21 Mar 2023 ЕЭК Коллегиясынын Төрагасы Казакстандын, Кыргызстандын, Өзбекстандын, Ирандын, Азербайжандын жана Түркмөнстандын Президенттерин Эл аралык Нооруз (Наурыз, Навруз, Новруз) майрамы менен куттуктады Евразия экономикалык комиссиясынын Коллегиясынын Төрагасы Михаил Мясникович Казакстан Республикасынын Президенти Касым-Жомарт Токаевди, Кыргыз Республикасынын Президенти Садыр Жапаровду, Өзбекстан Республикасынын Президенти Шавкат Мирзиёевди, Иран Ислам Республикасынын Президенти Сейед Эбрахим Раисини, Азербайжан Республикасынын Президенти Ильхам Алиевди жана Түркмөнстандын Президенти Сердар Бердымухамедовду Нооруз (Наурыз, Навруз, Новруз) жаз майрамы менен куттуктады. Михаил Мясникович куттуктоо каттарында бул майрам "байыркы салттардын символу катары руханий оболоону, ойгонууну жана жаратылыштын жаңылануусун билдирет. Миңдеген жылдар бою майрамдын салттары баркталып, муундан муунга берилип, элдерди бириктирет" деп белгиледи. ЕЭК Коллегиясынын башчысы мамлекет башчыларына чың ден соолук, бакубатчылык жана мамлекеттик жана эл аралык ишмердүүлүктөгү ийгиликтерди, ал эми Казакстан Республикасынын, Кыргыз Республикасынын, Өзбекстан Республикасынын, Иран Ислам Республикасынын, Азербайжан Республикасынын жана Түркмөнстандын элдерине бакубатчылык жана гүлдөп өнүгүүнү каалады. Маалымат Эл аралык Нооруз (Наурыз, Навруз, Новруз) майрамы, персид тилинен "жаңы күн" деп которулат жана 21-мартта белгиленет. Бул иран жана түрк элдеринин астрономиялык күн календары боюнча жаздын келишинин майрамы. Нооруз улуттук салт болуп саналат. 2009-жылы 30-сентябрда Нооруз ЮНЕСКО тарабынан адамзаттын материалдык эмес маданий мурастарынын репрезентативдик тизмесине киргизилген, ошондон бери 21-март Эл аралык Нооруз майрамы деп жарыяланган. 
21 Mar 2023 Экспресс жүктөр үчүн жүргүнчүлөрдүн бажы декларациясына өзгөртүүлөр киргизилди Евразия экономикалык комиссиясынын Коллегиясы жеке жактардын дарегине экспресс-жүк катары жеткирилүүчү жеке колдонуу үчүн товарларды декларациялоодо бажы документтерин толтуруу тартибин жакшыртууга багытталган өзгөртүүлөрдү бекитти. Бекитилген өзгөртүүлөрдө экспресс-жүктөр үчүн жүргүнчүлөрдүн бажы декларациясынын формасын жаңы графа менен толуктоо жана аны толтуруу тартиби каралган. Жаңы графада товарлардын иш жүзүндө жайгашкан жери тууралуу маалыматтар көрсөтүлөт. "Өзгөртүүлөр аралыктан чыгаруу технологиясын натыйжалуу ишке ашыруу үчүн товарлардын жайгашкан жерин аныктоо мүмкүнчүлүгүнө багытталган, – деп белгиледи ЕЭКтин бажы кызматташтыгы боюнча министри Эльдар Алишеров. - Мунун баары биригип жүктүн аталган категориясын жол-жоболоштуруу процедурасын оптималдаштырууга жана бизнестин чыгымдарын азайтууга мүмкүндүк берет". Долбоор Комиссиянын бажы блогу тарабынан экспресс-жүктөрдү бажылык башкарууну жакшыртуу жана бул маселе боюнча заманбап укуктук базаны калыптандыруу боюнча жүргүзүлүп жаткан комплекстүү иштердин логикалык уландысы болуп саналат. Маалымат Евразия экономикалык комиссиясынын Коллегиясынын 2018-жылдын 16-октябрындагы № 158 чечими менен экспресс-жүктөр үчүн жүргүнчүлөрдүн бажы декларациясынын формасы жана аны толтуруу тартиби каралган.
20 Mar 2023 ЕЭК аянтчасында евразиялык автомобиль курууну өнүктүрүү маселери каралды Мындай демилгени Евразия экономикалык комиссиясынын Өнөр жай саясаты департаментинин директорунун орун басары Николай Рогожник тармактар аралык автомобиль конгрессинин алкагында бизнес менен жолугушууда жана "Москвич" Москва автомобиль заводуна болгон иш сапарынын алкагында көтөрдү. Россиялык автоунаа өнөр жайынын ишканасына сапарынын жүрүшүндө өнөр жай блогунун делегациясы заводдун өндүрүштүк дарамети жана өнүгүү стратегиясы, ошондой эле Евразия экономикалык бирлигинде кооперациялык кызматташтыктын болжолдонгон багыттары менен таанышты. Кооперациянын эң келечектүү багыттарынын катарында микроэлектроника, кабелдик-өткөргүчтүк өндүрүш, энергетикалык машина куруу, мунай-химия жана станок куруу сыяктуу чөйрөлөр белгиленди. 2030-жылга чейин өндүрүштү локалдаштыруу программасынын алкагында ата мекендик микроэлектрондук компоненттик базаны өнүктүрүүгө өзгөчө көңүл бурулду. Азыр учурда завод навигациялык тутумдардын улуттук өндүрүүчүлөрү менен жигердүү кызматташып жатат жана бүгүнкү күндө акыркы продукцияны өндүрүү үчүн зарыл болгон бир катар микроэлектрондук модулдарды, анын ичинде ГЛОНАСС тутумун жеткирүүнү жолго кое алды. Ошону менен бирге башка микроэлектрондук эсептөө жана контролдоо жабдууларына муктаждык байкалууда. Буга байланыштуу Николай Рогожник Комиссиянын аянтчасында Бирлик өлкөлөрүнүн ыйгарым укуктуу органдарын жана бизнесин тартуу менен профилдик эксперттик топтордун алкагында тармактык өз ара аракеттенүү маселелерин кароону сунуштады.
17 Mar 2023 Арзыбек Кожошев: "ЕАЭБ өлкөлөрү энергетика чөйрөсүндөгү чакырыктарды биргелешип жеңүүгө даяр" Евразия экономикалык бирлигинин мамлекеттеринин алдында энергетика чөйрөсүндө турган чакырыктарды жана аларды жалпы күч аракеттер менен жеңүүгө даярдыкты Евразия экономикалык комиссиясынын энергетика жана инфраструктура боюнча министри Арзыбек Кожошев 16-17-мартта Бишкекте өткөн "Энергиянын кайра жаралуучу булактары, инновациялык иштеп чыгуулар жана өзгөчө экономикалык шарттарда санариптик трансформация" Евразия экономикалык бирлигинин өлкөлөрүнүн Эл аралык энергетикалык форумунда белгилеп өттү. Форум ЕЭК менен биргеликте Кыргызстандын энергетикасындагы аялдар ассоциациясы тарабынан уюштурулган жана ЕАЭБ мамлекеттеринин энергобаланстарында энергиянын кайра жаралуучу булактарын пайдаланууну кеңейтүүгө, энергетиканы санариптик трансформациялоого жана кадрдык дараметти өнүктүрүүгө арналган. ЕЭК министри энергиянын кайра жаралуучу булактарын жигердүү пайдаланууга жана буга байланыштуу декарбонизация процессине, төмөн көмүртектүү өнүгүүгө өтүүгө өзгөчө көңүл бурду. "Төмөн көмүртектүү өнүгүүгө өтүүнүн натыйжаларынын бири - казып алынуучу органикалык отунга сурамдын азайышы жана энергиянын кайра жаралуучу жана башка жашыл булактарынын ролун жогорулатуу болот", - деп эсептейт Арзыбек Кожошев. Форумга ЕЭКтин Энергетика департаментинин директору Вадим Закревский катышып, ал энергиянын кайра жаралуучу булактары менен катар өнүгүүнүн келечектүү багыттарынын тизмегине суутек жана атом энергетикасы кирерин баса белгиледи. Евразиялык "бешилтиктин" өлкөлөрүндө бүгүнкү күндө ЭКБнын бардык түрлөрү жигердүү өнүгүүдө, алар салыштырмалуу жаңы – күндүн, шамалдын, деңиз суусунун көтөрүлүшү, геотермалдык булактардын, толкундардын энергиясы жана башкалар, ошондой эле салттуу – гидроэнергетика жана биомассаны пайдалануу менен байланыштуу . Форумдун талааларында баяндамалары менен КМШнын Электрэнергетикалык кеңешинин аткаруу комитетинин, Евразия өнүктүрүү банкынын, ЕАЭБ өлкөлөрүнүн ыйгарым укуктуу мамлекеттик органдарынын, илимий жана бизнес-коомчулугунун өкүлдөрү чыгып сүйлөштү. Маалымат 2022-жылы Армения Республикасында жалпы кубаттуулугу 65 МВт-ка чейинки 11 күн электростанциялары пайдаланууга берилген жана алардын курулушун Евразия өнүктүрүү банкы (ЕАӨБ) $37 млн суммага каржылаган. Арменияда күн электростанцияларынын дарамети 8 ГВт-ка бааланат. Беларусь Республикасында 2021-жылдын жыйынтыгы боюнча колдонулган ЭКБ жалпы кубаттуулугу 500 МВт түзгөн, ал эми 2025-жылга карата аны 630 МВт-ка чейин көбөйтүү пландаштырылат. ЭКБ өнүктүрүүнү электрэнергиясын жалпы иштеп чыгуунун 8%на чейин жеткирүү чечими кабыл алынган. Кыргыз Республикасы ЭКБ чөйрөсүндө чоң потенциалга ээ жана ал суу объекттеринде жылына*5 млрд кВтсаатка, күн объекттеринде - жылына*490 млн кВтсаатка жана шамал объекттеринде - жылына 45 млн кВтсаатка бааланат.  Казакстан Республикасында 2021-жылы ЭКБ иштеп чыгуучу электр энергиясынын көлөмү пландык көрсөткүчтөрдөн ашкан. Азыр Казакстанда аныкталган кубаттуулугу 136 2065 МВт-ты түзгөн калыбына келүүчү энергия булагы иштейт: кубаттуулугу 684 МВт түзгөн 40 шамал электр станциялары; кубаттуулугу 1093 МВт түзгөн 51 күн электр станциялары; кубаттуулугу 280 МВт түзгөн 40 гидроэлектростанциялары; кубаттуулугу МВт түзгөн 5 8 биоэлектростанциялары. 2021-жылы жалпы кубаттуулугу 393 МВт түзгөн 19 объект пайдаланууга берилген. Россия Федерациясында 2021-жылы дүң жана чекене рыноктордо ЭКБны киргизүүнүн жалпы көлөмү 1217 МВт түзгөн. 2021-жылдын IV кварталында эле Россияда ЭКБ-генерациянын 12 жаңы объектилери пайда болгон: 8 шамал электр станциялары жана төрт күн электр станциялары. ЭКБ-генерациянын кубаттуулугу 656,4 МВт-ка көбөйгөн. 2021-жылдын жыйынтыгы боюнча ЭКБ-генерациянын объектилери 5,2 млрд кВт*сааттан ашык электр энергиясын иштеп чыгышты.
17 Mar 2023 ЕАЭБ жана ШКУ көп пландуу экономикалык өнөктөштүктү бекемдөөдө Экономикалык кызматташтык маселелерин ЕЭК Коллегиясынын Төрагасы Михаил Мясникович жана ШКУнун Башкы катчысы Чжан Мин 17-мартта Москвада өткөн жолугушууда талкуулашты. Транспорттук-логистикалык чөйрөдө практикалык биргелешкен ишти күчөтүү, ошондой эле көз карандысыз чек ара аралык төлөмдөрдү жүргүзүү үчүн валюталык-төлөм тутумдарынын интеграциясын өбөлгөлөө чечими кабыл алынды. Михаил Мясниковичтин сөзү боюнча, ШКУнун жана ЕАЭБдин экономикалык күн тартиби өзүндө бири-бирин толуктап турууга жана дүйнөлүк ландшафтты аныктоого жөндөмдүү дараметти камтыйт. "2022-жылы ЕАЭБдин ШКУ менен товар жүгүртүүсү 270,2 млрд АКШ долларын түзүп, бир жыл ичинде 40%дан ашык көбөйгөн", - деп белгиледи ЕЭК Коллегиясынын Төрагасы. Тараптар ЕЭК менен ШКУнун Катчылыгынын ортосунда Өз ара түшүнүшүү жөнүндө меморандумду ишке ашыруу боюнча Биргелешкен иш-чаралардын планына кол коюуга кызыкдар экендигин тастыкташты. Документ макулдашуунун акыркы баскычында турат жана ага ушул жылдын май айында кол коюлушу мүмкүн. ЕЭК Коллегиясынын башчысынын айтымында, Комиссия Евразия аймагынын аймагын бириктирүүгө арналган транспорттук-логистикалык мегадолбоорду жүзөгө ашыруу концепциясын даярдаган. Бул долбоор учурда ШКУда каралып жатат. Михаил Мясникович жана Чжан Мин көз карандысыз чек ара аралык төлөмдөрдү жүргүзүү, сооданы жана инвестицияларды каржылоо үчүн улуттук валюталарда өз ара эсептешүүлөрдү көбөйтүүнүн жана валюталык-төлөм тутумдарын интеграциялоо чөйрөсүндө кызматташуунун маанилүүлүгүн баса белгилешти. "ЕАЭБде жакшы иштелмелер бар, 2022-жылдын жыйынтыгы боюнча Бирлик ичиндеги улуттук валютадагы эсептөөлөрдүн үлүшү 80%ды түзгөн. ЕАЭБ менен ШКУнун төлөм-эсептешүү инфраструктураларынын дараметин синхрондоштурууну камсыздоо зарыл деп эсептейбиз. Биз жакынкы убакта биздин сунуштарды беребиз", - деп белгиледи Михаил Мясникович. ЕЭК Коллегиясынын Төрагасы ШКУнун Башкы катчысын 24-25-майда Москвада өтө турган II Евразия экономикалык форумуна катышууга чакырды. Форумдун жүрүшүндө "ЕАЭБ – ШКУ – БРИКС: ачык интеграциялык диалог" атайын сессиясы өткөрүлөт. ШКУнун Башкы катчысы өз кезегинде Михаил Мясниковичти Пекиндеги ШКУнун Катчылыгына расмий сапар менен келүүгө чакырды.
Дагы көрсөтүү

Ресурсы ЕАЭС