Жаңылыктар
Гоар Барсегян Армениянын өкмөтүнүн өкүлдөрү менен ЕАЭБде өнөр жай жана АӨК чөйрөсүн мындан ары өнүктүрүү маселелерин талкуулады
28-29-мартта Евразия экономикалык комиссиясынын өнөр жай жана агроөнөр жай комплекси боюнча министри Гоар Барсегян Армения Республикасына жумушчу сапары менен барып, ал жакта Евразия экономикалык комиссиясынын Кеңешинин Төрагасы, Армения Республикасынын Вице-премьер-министри Мгер Григорян, Армения Республикасынын экономика министри Геворг Папоян, ошондой эле министрликтин башка кызмат адамдары менен жолугушууларды өткөрдү.
Мгер Григорян менен жолугушуунун жүрүшүндө Жогорку Евразиялык экономикалык кеңештин Төрагасы, Армения Республикасынын Премьер-министри Никол Пашиняндын ЕАЭБ мүчө мамлекеттеринин башчыларына кайрылуусунда баяндалган, ЕАЭБ органдарында Армения Республикасынын төрагалыгынын артыкчылыктарын ишке ашыруу маселелери талкууланды.
Тараптар ЕАЭБ алкагында өнөр жай жана агроөнөр жай сектору жана ЕАЭБ азык-түлүк коопсуздугун камсыздоо чөйрөсүндө тең укуктуу кызматташтыкты арттыруунун маанилүүлүгүнө көңүл бурушту.
Экономика министри Геворг Папоян жана экономика министринин орун басары Арман Ходжоян менен жолугушууда ЕАЭБде өнөр жай жана агроөнөр жай комплекси чөйрөсүндө кызматташтыкты өнүктүрүү маселелеринин кеңири спектри жана Евразиялык экономикалык интеграциянын күн тартибиндеги бир катар башка маселелер каралды.
ЕЭК министри Армениянын Экономика министрлигинин жетекчилигине мүчө мамлекеттер тарабынан Бирликте өнөр жайда биргелешкен кооперациялык долбоорлорду ишке ашырууда каржылык көмөк көрсөтүү механизмин ишке ашыруунун жүрүшү, мамлекеттер аралык программалардын жана долбоорлордун механизмин кайра ишке киргизүү, ошондой эле агроөнөр жай комплекси чөйрөсүндө санариптик чечимдер жөнүндө маалымдады.
Армения Республикасынын Тамак-аш азыктарынын коопсуздугу боюнча инспекциялык органдын жетекчиси Армен Айрапетян менен Гоар Барсегян жолугушуусунда агроөнөр жай комплексинин маселелери, анын ичинде үрөндөрдүн ГИМ-үрөндөрү (сорттордун генетикалык программасы гендик-инженердик материалды камтыган) бөлүгүндө жүгүртүү жөнүндө макулдашууга өзгөртүүлөрдү киргизүү маселелери талкууланды.
