Жаңылыктар
Максим Ермолович: "ЮНКТАД – дүйнөдөгү атаандаштыкты өнүктүрүү жана коргоо боюнча координациялык борбордун ролун аткарган негизги эл аралык аянтчалардын бири"
Евразия экономикалык комиссиясынын Атаандаштык жана монополияга каршы жөнгө салуу боюнча министри Максим Ермолович Женевада ЮНКТАДдын атаандаштык жаатындагы мыйзамдар жана саясат боюнча өкмөттөр аралык эксперттер тобунун (МГЭ) 22-сессиясынын ишине катышты.
ЕЭК министри Комиссиянын трансчек аралык картелдер менен күрөшүү чөйрөсүндөгү иши жана Евразия экономикалык бирлигинде атаандаштыкты жөнгө салуунун өзгөчөлүктөрү жөнүндө маалымдады.
Мындан тышкары, Максим Ермолович атаандаштык маселелери боюнча аймактык интеграциялык бирикмелердин өкүлдөрүнүн кезектеги ишкердик жолугушуусун өткөрдү. Мындай иш-чаралар жыл сайын ЮНКТАДдын аянтчасында Комиссиянын атаандаштык боюнча блогунун демилгеси боюнча уюштурулат.
Жолугушуу ЕАЭБ сотунун, Араб атаандаштык тармагынын, Чыгыш жана Түштүк Африканын жалпы рыногунун (КОМЕСА), Чыгыш Африка коомчулугунун (ЕАС), Батыш Африка экономикалык жана валюта бирлигинин (WAEMU), Батыш Африка өлкөлөрүнүн экономикалык коомдоштугунун (ECOWAS) ж. б. өкүлдөрүн бириктирди.
"Атаандаштык боюнча улуттар аралык органдардын үзгүлтүксүз жолугушуулары практикалык натыйжага ээ болору шексиз. Мен биринчи кезекте региондордо иштелип чыккан мыкты тажрыйбаларды эске алуу менен атаандаштык укугун өркүндөтүү жөнүндө айтып жатам", – деп белгиледи Максим Ермолович.
Ошондой эле МГЭ сессиясынын талааларында ЕЭК министри Египеттин атаандаштык ведомствосунун төрагасы Махмуд Момтаз менен өз ара иштешүүнүн перспективаларын талкуулады, ЮНКТАД сессиясына катышкан атаандаш органдардын өкүлдөрү менен жолугушту.
Максим Ермолович Экономикалык кызматташтык жана өнүгүү уюмунун (ЭКӨУ) атаандаштык боюнча комитетинин төрагасы Фредерик Женни менен өзүнчө сүйлөшүүлөрдү өткөрдү.
БУУнун соода жана өнүктүрүү боюнча конференциясы (ЮНКТАД) 1964-жылы түзүлгөн. ЮНКТАДдын штаб-квартирасы Женевада (Швейцария) жайгашкан. Бүгүнкү күндө конференцияда 195 өлкө бар. ЮНКТАДдын милдеттери эл аралык сооданы өнүктүрүүгө көмөктөшүү; мамлекеттер ортосундагы тең укуктуу, өз ара пайдалуу кызматташтык; сунуштарды, принциптерди, уюштуруучулук-укуктук шарттарды жана заманбап эл аралык экономикалык мамилелердин иштөө механизмдерин жана башка бир катар механизмдерди иштеп чыгуу болуп саналат.
Экономикалык кызматташтык жана өнүктүрүү уюму (ЭКӨУ) – тажрыйба алмашуу, анын ичинде экономикалык саясат жаатында дүйнөнүн өнүккөн өлкөлөрүн бириктирген эл аралык уюм. 1960-жылы түзүлгөн. Учурда ЭКӨУГА 40 мамлекет, анын ичинде Австралия, Улуу Британия, Германия, Испания, Италия, Канада, Нидерланддар, Жаңы Зеландия, Мексика, АКШ, Түркия, Франция, Швеция, Япония кирет.
