Жаңылыктар
13.01.2023
ЕАЭБде айыл чарба продукцияларын өндүрүү 2022-жылдын 11 айында 154,8 млрд АКШ долларын түздү
2022-жылдын январь-ноябрында Евразия экономикалык бирлигинде чарбалардын бардык категорияларында айыл чарба продукциясынын өндүрүшү 154,8 млрд АКШ долларын түзүп, 2021-жылдын январь-ноябрына салыштырмалуу 5,1%га көбөйгөн.
Казакстанда – 8,5%, Кыргызстанда – 6,4%, Россияда – 4,7%, Беларуста – 3,5%, Арменияда – 0,5% өскөнү байкалган.
Оң динамика негизги айыл чарба өсүмдүктөрүн, биринчи кезекте дан жана дан-буурчак өсүмдүктөрүн оруп-жыюунун көбөйүшүнө байланыштуу, бул түшүмдүүлүктүн өсүшү менен шартталган. Ошондой эле мал чарба продукцияларынын негизги түрлөрүн өндүрүү да көбөйгөн.
Кененирээк статистикалык маалымат ЕЭКтин Статистика департаментинин баракчасында "Айыл чарба продукциясын өндүрүү" бөлүмүндө көрсөтүлгөн.
