Қаріп өлшемі: A A A

Сайттың түсі: C C C

Сайттын кадимки версиясы

Күндөрдү тандаӊыз

Багыт тандаңыз

Издөөнүн жыйынтыктары: 6032

17 июлундагы 2025 Арзыбек Кожошев GEIDCO жетекчилиги менен жумушчу жолугушуу өткөрдү Евразия экономикалык комиссиясынын энергетика жана инфраструктура боюнча министри Арзыбек Кожошев Энерготутумдарды глобалдык бириктирүү жаатында өнүктүрүү жана кызматташуу боюнча уюмдун (GEIDCO) аткаруучу катчысы Чень Чжицзян менен жумушчу жолугушуу өткөрдү. Жолугушуунун жүрүшүндө тараптар эл аралык энергетикалык кызматташтыкты мындан ары өнүктүрүү, туруктуу технологияларды илгерилетүү жана глобалдык энергетикалык өзгөрүү шарттарында стратегиялык өнөктөштүктү чыңдоо маселелерин талкуулашты. Ошондой эле глобалдык климаттык күн тартиби жана туруктуу энергетикалык өнүгүү, анын ичинде энергетикалык өзгөрүүнү тездетүү, энергетикалык тутумдарды санариптештирүү жана парник газдарынын чыгындыларын азайтуу сыяктуу маселелер козголду. "GEIDCO таза жана кайра жаралуучу булактардан алынган электр энергиясына болгон глобалдык суроо-талапты канааттандырууга олуттуу салым кошуп келет. Бул аракеттер БУУнун "Бардыгы үчүн туруктуу энергетика" максатын ишке ашырууда жана климаттын өзгөрүшүнө каршы күрөшүүдө негизги ролду ойнойт", – деп белгиледи Арзыбек Кожошев. ЕЭК министри бул багыттагы маанилүү кадам "Евразия экономикалык жолу" декларациясына кол коюу болгонун белгиледи, анда ЕАЭБдин 2045-жылга чейинки климаттык саясат жана аз көмүртектүү өнүктүрүү чөйрөсүндөгү максаттары аныкталган. Жолугушуунун жыйынтыгында тараптар диалогду улантууга жана өз ара аракеттешүүнү кеңейтүүгө даяр экендиктерин билдиришти.

17 июлундагы 2025 ЕАЭБдин бир катар техрегламенттерине карата стандарттардын тизмегин актуалдаштыруу профилдик Консультативдик комитетте талкууланды Техрегламенттердин айрым милдеттүү талаптарынын аткарылышын контролдоонун жетишпеген методикаларын иштеп чыгуу максатында ЕЭКтин илимий-изилдөө иштеринин планына Евразия экономикалык бирлигинин өлкөлөрүнүн сунуштары Техникалык жөнгө салуу, санитардык, ветеринардык жана фитосанитардык чараларды колдонуу боюнча консультативдик комитеттин 60-отурумунда талкууланды. Иштеп чыгууга канаттуулардын этине жана аны кайра иштетүү продукциясына карата техрегламентке изилдөөлөрдүн (өлчөөлөрдүн) эки методикасы сунушталган. Алар ЕАЭБ ТР 051/2021 "кийинкиге калтырылган" ченемдерин ишке ашырууга, канаттууларды союу өнүмдөрүндөгү гормоналдык жана гормон сымал заттардын калдыктарын контролдоо жана канаттуулардын этинен муздатылган продукцияны сактоодо бөлүнүп чыккан нымдын массалык үлүшүн ченемдөөгө багытталган. Ошондой эле ББ ТР 029/2012 "Тамак-аш кошулмаларынын, жыпар жыт бергичтеринин жана технологиялык көмөкчү каражаттардын коопсуздугуна талаптар" жана "Тамеки продукциясына техникалык регламент" (ББ ТР 035/2014) талаптарын камсыз кылуу үчүн тамак-аш жана тамеки продукциясындагы кумариндин массалык үлүшүн өлчөө методикасын иштеп чыгуу сунушталган. Аталган иштердин бардыгын Комиссиянын 2026-2027-жылдарга карата ИИИ планына киргизүү пландаштырылууда. Отурумда иондоштуруучу нурлануунун булагы болгон продукцияга, ошондой эле Радиоактивдүү заттарды камтыган буюмдарга жана товарларга карата бирдиктүү санитардык-эпидемиологиялык жана гигиеналык талаптарды актуалдаштыруу боюнча сунуштар жактырылды. Бажы бирлигинин 2010-жылдын 28-майындагы № 299 чечими менен БСТ II главасынын 11-бөлүмүнө тиешелүү өзгөртүүлөрдүн долбоору, укук колдонуу тажрыйбасын жана мындай продукцияга карата колдонуудагы талаптарга жүргүзүлгөн талдоонун жыйынтыктарын эске алуу менен даярдалган жана Атомдук энергия боюнча эл аралык агенттиктин талаптары менен шайкеш келтирүүгө багытталган. Ошондой эле "Парфюмердик-косметикалык продукциянын коопсуздугу жөнүндө" (ББ ТР 009/2011) жана "Суюк жана газ түрүндөгү көмүрсуутектерди ташуу үчүн магистралдык түтүктөргө талаптар жөнүндө" (ЕАЭБ ТР 049/2020) эки техрегламентке стандарттардын тизмесине өзгөртүүлөр жактырылды. Мындан тышкары, Консультативдик комитетке караштуу бир катар тематикалык жумушчу топтордун жана комитетчелердин актуалдаштырылган курамдары бекитилди. Отурумдун жыйынтыгы боюнча ЕЭКтин техникалык жөнгө салуу боюнча министри Валентин Татарицкий Консультативдик комитеттин мүчөлөрүнө маанилүү маселелерди кароого конструктивдүү жана жоопкерчиликтүү мамилеси үчүн ыраазычылык билдирди, Бирликтин техникалык мыйзамдарын өз убагында жана ар тараптуу иштеп чыгууну уюштуруу үчүн бул аянтчанын маанилүүлүгүн жана натыйжалуулугун баса белгиледи, ошондой эле профилдик жөнгө салуучулар менен бизнестин ортосунда консенсустук чечимдерди натыйжалуу иштеп чыгууга багыттын сакталышына үмүтүн билдирди.

17 июлундагы 2025 Товарларга декларация берилгенге чейин товарларга декларацияны жана товарларды чыгаруу жөнүндө арызды толтуруу тартибин өркүндөтүү ЕЭКте талкууланды Евразия экономикалык бирлигинин мамлекеттеринин товарларга декларацияны жана товарларга декларация берилгенге чейин товарларды чыгаруу жөнүндө арызды толтуруу эрежелерин өзгөртүүгө байланыштуу бир катар демилгелери профилдик Консультативдик комитеттин алдындагы бажылык декларациялоо боюнча жумушчу топтун отурумунда каралды. Декларантка товардын чыккан жери жөнүндө сертификаттын көчүрмөсүн кол менен жазуу же арткы бетине товарлардын декларациясында мындай маалыматтарды көрсөтүүнү кароо менен бажы органына анын түп нускасын берүү жөнүндө милдеттенмени басып чыгаруу талабынан баш тартуу сунушталды. Ошондой эле бир катар актуалдуу маселелер, анын ичинде "алгачкы таңгак" түшүнүгүн аныктоонун максатка ылайыктуулугу, товарларга декларация берилгенге чейин товарларды чыгаруу жөнүндө арызда чыгарууну жокко чыгаруу жөнүндө белгилерди көрсөтүү тууралуу маселелер каралды. Бажылык декларациялоо боюнча жумушчу топ 2021-жылы ЕЭКтин бажылык жөнгө салуу боюнча консультативдик комитетинин чечими менен түзүлгөн. Анын ишмердигинин чөйрөсүнө товарларды декларациялоо маселелери, анын ичинде товарларга декларацияны толтуруунун формасы жана тартиби менен байланышкан маселелер кирет.

16 июлундагы 2025 Арзыбек Кожошев: "ЕАЭБ энергетикасы энергетикалык өзгөрүү шартында: чакырыктар жана артыкчылыктар" Евразия экономикалык комиссиясынын энергетика жана инфраструктура боюнча министри Арзыбек Кожошев БУУнун штаб-квартирасында (Нью-Йорк) "ЕАЭБ энергетикасы энергетикалык өзгөрүү шарттарында: чакырыктар жана артыкчылыктар" баяндамасы менен чыгып сүйлөдү. Ал БУУнун Туруктуу өнүгүү боюнча Жогорку деңгээлдеги саясий форумунда (ЖДСФ-2025) "Глобалдык түштүктө энергетикалык өтүүнү тездетүү: туруктуу экономикалык өсүшкө жана стратегиялык өнөктөштүктөрдү жөнгө салууга көмөктөшүү" иш-чарасынын алкагында өттү. ЕЭК министри өз кайрылуусунда белгилеп өткөндөй, 2017-жылы дүйнө төртүнчү энергетикалык өтүү фазасына өттү, анын алкагында энергиянын кайра жаралуучу булактары, санариптештирүү, энергия үнөмдөөчү технологиялар активдүү өнүгүүдө, декарбонизация процесстери күчөтүлүүдө. Бул шарттарда салттуу жана кайра жаралуучу энергия булактарын тең салмактуу өнүктүрүү маанилүү. Мындай мамиле гана улуттук жана глобалдык энергетикалык коопсуздукту камсыз кыла алат, деп эсептейт министр. Арзыбек Кожошев "бешилтик" өлкөлөрүнүн энергетикалык потенциалынын жогору экендигин баса белгилеп, ЕАЭБ олуттуу энергетикалык ресурстарга ээ экендигин белгиледи: дүйнөлүк газдын 20% камылгасы, көмүрдүн 20% камылгасы, мунайдын 7% камылгасы жана электр энергиясынын дүйнөлүк өндүрүшүнүн 5% камылгасы. Интеграциялык демилгелерге, анын ичинде электр энергиясынын, газдын, мунайдын жана мунай өнүмдөрүнүн жалпы рынокторун түзүүгө, чек ара аралык инфраструктураны өнүктүрүүгө жана ЕАЭБдин катышуучу өлкөлөрүнүн климаттык күн тартибин координациялоого өзгөчө көңүл бурулду. Артыкчылыктардын катарында ошондой эле эл аралык өнөктөштөр менен өз ара аракеттенүү жана биргелешкен долбоорлордун ачыктыгы белгиленген. Министр форумдун уюштуруучуларына жана Энерготутумдардын глобалдык бирикмеси жаатында өнүктүрүү жана кызматташуу боюнча уюмга (GEIDCO) туруктуу энергетиканы илгерилетүүгө кошкон салымы үчүн ыраазычылык билдирип, GEIDCO тажрыйбасына практикалык кызыгууну белгиледи.

15 июлундагы 2025 Андрей Слепнев: "ЕАЭБ өлкөлөрүнүн премьерлери климаттык күн тартибинин маселелерин жөнгө салуу боюнча ык-амалдарды өнүктүрүү жана ишке ашыруу боюнча орто мөөнөттүү планды карашат" Евразия өкмөттөр аралык кеңешинин кароосуна августтун ортосунда 2024-жылы өкмөт башчылары тарабынан жактырылган Евразия экономикалык бирлигинин алкагында климаттык күн тартибинин маселелерин жөнгө салуу боюнча ык-амалдарды өнүктүрүү жана ишке ашыруу боюнча беш жылдык план сунушталат. "Атап айтканда, көмүртекти жөнгө салуу чөйрөсүндө мамлекеттер аралык стандарттарды, ошондой эле валидация жана верификация боюнча тиешелүү органдарды аккредитациялоого карата макулдашылган чечимдерди иштеп чыгуу сунушталат", – деп айтып берди Евразия экономикалык комиссиясынын соода боюнча министри Андрей Слепнев. Ошондой эле, ЕЭК министринин сөзү боюнча, кеп Бирликтин алкагында анын мүчө мамлекеттеринин климаттык жөнгө салуусунан келип чыккан тоскоолдуктарды болтурбоо боюнча чараларды кабыл алуу жана соода менен байланышкан климаттык чаралар боюнча өнөктөш-үчүнчү өлкөлөр менен өз ара аракеттенүү жөнүндө болмокчу. Сунушталган иш-чаралар өкмөт башчылары тарабынан жактырылгандан кийин, ЕАЭБ алкагында 2030-жылга чейин жана 2045-жылга чейинки мезгилде экономикалык процесстерди андан ары өнүктүрүү жөнүндө "Евразия экономикалык жолу" декларациясын ишке ашыруу боюнча иш-чаралар планына киргизилет.

15 июлундагы 2025 Бакытжан Сагинтаев Али Хаменеини туулган күнү менен куттуктады Евразия экономикалык комиссиясынын Коллегиясынын Төрагасы Бакытжан Сагинтаев Иран Ислам Республикасынын Жогорку лидери Али Хаменеини туулган күнү менен куттуктады. "ЕАЭБ өлкөлөрү Иран Ислам Республикасы менен өз ара урматтоого жана экономикалык пайдага негизделген кызматташтыкты өнүктүрүүнүн позитивдүү динамикасын жогору баалашат", – деп айтылат куттуктоо катында.   ЕЭКтин жана жеке өзүнүн атынан Бакытжан Сагинтаев Али Хаменеиге чың ден соолук, бакубатчылык жана Ирандын жана анын жарандарынын жыргалчылыгы үчүн белгиленген бардык пландардын ишке ашырылышын каалады.

15 июлундагы 2025 ЕЭК Бирлик өлкөлөрүндө эмгек миграциясы чөйрөсүндөгү мыйзам демилгелерине мониторинг жүргүздү Евразия экономикалык комиссиясынын Коллегиясы Евразия экономикалык бирлигинин мамлекеттеринин эмгек миграциясы чөйрөсүндөгү 2023-2024-жылдар үчүн улуттук мыйзам актыларына мониторинг жүргүзүүнүн натыйжаларын макулдашты. 2024-жылы жүргүзүлгөн изилдөөгө ылайык, ЕАЭБ алкагында эмгек мигранттарынын саны 2023-жылга салыштырмалуу 2,98%га көбөйгөн. Ошондой эле Бирлик өлкөлөрү ЕАЭБ жарандарынын укуктарына жана мыйзамсыз миграцияга каршы туруу боюнча чараларга өзгөчө көңүл буруу менен миграциялык жөнгө салууну өркүндөтүү улантылып жатканы белгиленди. "Мүчө мамлекеттердин мыйзам чыгаруу демилгелери ЕАЭБ жөнүндө келишимдин ченемдерине каршы келбөөсү жана Бирликтин жана үчүнчү өлкөлөрдүн жарандарынын укуктарын так бөлүүсү маанилүү. Өлкөлөр Бирликтин ичиндеги эмгек мигранттары үчүн ыңгайлуу шарттарды түзүүнүн, анын ичинде мамлекеттик кызматтарды санариптештирүүнүн үстүндө жигердүү иштеп жаткандыгын өткөрүлгөн мониторинг тастыктады", – деп белгиледи ЕЭКтин экономика жана каржы саясаты боюнча министри Бахыт Султанов. Мониторинг мүчө мамлекеттер жогорку квалификациялуу адистерди тартуу жана ЕАЭБ өлкөлөрүнүн жарандарынын келүүсүн жөнөкөйлөтүү үчүн чараларды ишке ашырып жатканын көрсөттү. Негизги өзгөртүүлөрдүн арасында: Бирлик мамлекеттеринен эмгек мигранттары үчүн жүрүү эрежелерин либералдаштыруу, ошондой эле мыйзамсыз миграцияга жана коопсуздукка көзөмөлдү күчөтүү. Кыйла олуттуу өзгөрүүлөр Россия Федерациясынын мыйзамдарында болду, анда 2024-жылы чет өлкөлүк жарандардын жүрүүсүнө көзөмөл күчөтүлдү, миграциялык эрежелерди бузгандыгы үчүн жоопкерчилик күчөтүлдү жана мигранттардын балдарын жалпы билим берүү мекемелерине кабыл алуу тартиби түзөтүлдү. Мониторингдин алкагында тараптар Бирликтин өлкөлөрүнүн компетенттүү органдарына жыл сайын отчетторду берүү менен ЕАЭБ мамлекеттеринин эмгек миграциясы чөйрөсүндөгү улуттук мыйзамдарына туруктуу негизде талдоо жүргүзүүнүн зарылдыгын белгилешти.

11 июлундагы 2025 ЕАЭБ өлкөлөрү жарандык авиацияда учкучсуз авиациялык тутумдарды колдонуу жана жөнгө салуу перспективаларын талкуулашат Учкучсуз авиациялык тутумдарды (УАТ) жарандык максаттарда эксплуатациялоонун абалы жана келечеги, учкучсуз учуучу аппараттарды (УУА) эксплуатациялоодогу коопсуздук "Жарандык авиациядагы учкучсуз авиациялык тутумдар: перспективалар, чакырыктар жана жөнгө салуу" тегерек столунун катышуучулары талкуулашты. Иш-чара 10-11-июлда ЕЭКтин энергетика жана инфраструктура боюнча министри Арзыбек Кожошевдин төрагалыгы астында Евразия экономикалык комиссиясынын штаб-квартирасында болуп өттү. "Глобалдык санариптештирүү жана натыйжалуу логистикалык чечимдерге суроо-талап шартында учкучсуз технологиялар коопсуздукту жогорулатуу, чыгымдарды азайтуу жана транспорттун иштешин кеңейтүү үчүн жаңы мүмкүнчүлүктөрдү сунуштайт", — деп белгиледи Арзыбек Кожошев. Иш-чаранын алкагында азыркы шартта УАТ жаатындагы ишмердикти жөнгө салуу маселеси боюнча тажрыйба жана эл аралык практика менен алмашуу болду. Жарандык авиация боюнча эл аралык уюмдардын: Эл аралык жарандык авиация уюмунун (ИКАО), Мамлекеттер аралык авиациялык комитеттин (МАК) жана Аба транспортунун эл аралык ассоциациясынын (ИАТА) өкүлдөрү актуалдуу темаларды жана эл аралык жөнгө салуу маселелерин презентациялашты. Иш-чаранын жыйынтыгы боюнча учуулардын коопсуздугу, санариптик технологиялардын, анын ичинде жасалма интеллекттин ролу боюнча ченемдик актыларды айкалыштыруу боюнча сунуштар жана тыянактар менен Резолюция даярдалды.

Дагы көрсөтүү