тексттин өлчөмү: A A A
Сайттын түстөр: C C C
Сайттың әдеттегі болжамы
Выберите язык

Жаңалықтар

Жаңалықтарды «кк.аа.жжжж» форматында көргіңіз келетін күнді көрсетіңіз, мысалы, 01.01.2017
 

Іздеу нәтижелері: 7012

21 қарашаның 2025 Валентин Татарицкий: "Одақтың техникалық регламенттерін біркелкі қолдану – техникалық реттеудің бірыңғай жүйесіне деген сенімді қамтамасыз етудің маңызды құралы" Еуразиялық экономикалық комиссияның Техникалық реттеу жөніндегі министрі Валентин Татарицкий 20 қарашада Минскіде ЕАЭО Сотының халықаралық конференциясының пленарлық сессиясында Еуразиялық экономикалық одақтың техникалық регламенттерін мүше мемлекеттерде біркелкі қолданудың қажеттілігі мен маңыздылығы, одақтық органдардың техникалық реттеу процестеріндегі рөлі туралы айтты. "Еуразиялық экономикалық кеңістікте техникалық реттеудің бірыңғай жүйесін құру – біздің базалық құралымыз. Тікелей әрекет ететін құжаттар мәртебесіне ие бола отырып, ЕАЭО техникалық регламенттері өндірушілер, импорттаушылар мен тұтынушылар арасындағы өзара қарым-қатынасты реттеу жүйесін құрып қана қоймай, сонымен бірге, кооперациялық және сауда байланыстарының негізіне, өзара сауданың талапшарттары туралы мемлекетаралық уағдаластықтың нысанасына айналды", – деп атап өтті Валентин Татарицкий. ЕЭК министрі ЕАЭО шеңберінде техникалық реттеудің бірыңғай жүйесі актілеріндегі құқықтық олқылықтарды жоюдың жаңа шешімдерін сөз етті. Бұл ретте ол техникалық регламенттер нормаларын қолдануда біркелкілікке қол жеткізу құралдарына айрықша назар аударды. Валентин Татарицкийдің сөзінше, техникалық регламенттің мазмұнын дер кезінде жариялап, орындаушыларға жеткізу, ЕАЭО немесе нақты мүше мемлекет деңгейінде шешімдерді талап ететін проблемалық жағдаятты анықтауға мүмкіндік беретін кері байланыс механизмі ретінде пайдаланылатын техникалық регламенттерді қолдану мониторингі – Одақтың 2024-2025 жылдары күшіне енген техникалық регламенттері мен оларға орайлас стандарттар тізбесінің ғылыми-техникалық деңгейін міндетті кезеңдік бағалау рәсімімен толықтырылды.  "Мұндай бағалау біздің елдерімізде қауіпсіздік талаптарының жоғары деңгейін сақтауға бағытталған", – деді ЕЭК министрі.  Қазір Комиссия мүше мемлекеттермен бірлесіп Одақтың техникалық регламенттерін қолдану бойынша түсіндірмелер дайындау тәртібімен жұмыс істеу үстінде. "Осы жылдың желтоқсан айында Комиссия Алқасы тәртіп жобасын қарауға тиіс. Біз техникалық регламенттердің ережелерін қолдану бойынша түсіндірмелерді дайындау рәсімі Одақтың техникалық регламенттерін қолдануға қойылатын бірыңғай тәсілдемені қамтамасыз етудің тағы бір маңызды және сұранысқа ие құралы болады деп ойлаймыз. Ол қазіргі бар техникалық реттеу жүйесіне толығымен кірігеді және оны "қайта ыңғайластыруға" ықпал етеді", – деп нақтылады Валентин Татарицкий.
21 қарашаның 2025 Гоар Барсегян: "ЕАЭО жаһандық азық-түлік қауіпсіздігін нығайтуға елеулі үлес қосуда" Еуразиялық экономикалық комиссияның Өнеркәсіп және агроөнеркәсіптік кешен жөніндегі министрі Гоар Барсегян Римде Біріккен Ұлттар Ұйымының Азық-түлік және ауыл шаруашылығы ұйымының (ФАО) штаб-пәтерінде осылай деп мәлімдеді. "Жаһандық азық-түлікпен қамтамасыз етудің маңыздылығын тани отырып, Еуразиялық экономикалық одақ мемлекеттері әлемдік аграрлық нарыққа жоғары сапалы өнім беру арқылы аштыққа қарсы күреске елеулі үлес қосуда. Одақ бидайдың, күнбағыс майының және мұздатылған балықтың әлемдік жетекші экспорттаушысы, шамасы жағынан бидай ұны мен рапс майының екінші ірі экспорттаушысы, арпа мен шрот бойынша үшінші экспорттаушы болып табылады", – деп атап өтті ЕЭК министрі.  Гоар Барсегян ФАО бас директорының бірінші орынбасары Маурицио Мартинмен жұмыс кездесуін өткізді. Тараптар АӨК-дегі өзара іс-қимылдың, соның ішінде мүше мемлекеттер экономикасының тұрақты дамуы үшін жағдай жасау, аграрлық секторды жан-жақты жаңғырту, кооперация және ұлттық экономиканың бәсекеге қабілеттілігін арттыру жөніндегі перспективалық бағыттарын айқындады. ЕЭК министрінің ЕАЭО елдерінің ФАО жанындағы дипломатиялық өкілдіктерінің және Римдегі басқа да халықаралық ұйымдардың басшыларымен жұмыс кездесулері барысында агроөнеркәсіптік кешендегі интеграцияны тереңдетудің перспективалы бағыттары мен мәселелері талқыланды.  "Бестік" елдерінің бірлескен іс-қимылы әлемде туындайтын сыни шақырыстарға қарсы тұруға және Одақтың жаһандық азық-түлікпен қамтамасыз ету саласындағы маңызды әріптес ретіндегі мәртебесін нығайтуға мүмкіндік беретініне сенімдімін. Еуразиялық экономикалық комиссия мүше мемлекеттермен тығыз өзара іс-қимыл жасай отырып, жұрттың бәрі үшін неғұрлым орнықты, тұрақты, инклюзивті және аштықтан азат болашаққа қол жеткізу мақсатында өңірлік ұйымдармен және елдермен стратегиялық әріптестікті жалғастыруға әрі тереңдетуге дайын", – деп атап көрсетті Гоар Барсегян.  Гоар Барсегянмен жұмыс кездесулеріне ЕАЭО елдерінің дипломатиялық миссияларының басшылары және ФАО-ға мүше 20-дан астам мемлекеттің өкілдері қатысты.  Іс-шара Беларусь Республикасының 2025 жылғы ЕАЭО органдарына төрағалығы шеңберінде ұйымдастырылды. 
20 қарашаның 2025 Арзыбек Кожошев: "ЕАЭО-ның көлік тиянағы – Одақ елдерінің орнықты дамуының негізі" ЕЭК Энергетика және инфрақұрылым жөніндегі министрі Арзыбек Кожошев 20 қарашада Мәскеуде өткен жыл сайынғы "Интеграция" халықаралық форумында сөйлеген сөзінде ЕАЭО елдерінің орнықты дамуын қамтамасыз етудегі көлік-логистика инфрақұрылымының маңызды рөлін баса айтты.
19 қарашаның 2025 ЕАЭО мен АСЕАН тұтынушылардың құқықтарын қорғау саласындағы ынтымақтастықты нығайтуда АСЕАН Тұтынушылардың құқықтарын қорғау жөніндегі комитетінің онлайн-форматта өткен сессиясында Еуразиялық экономикалық комиссия мен Оңтүстік-Шығыс Азия мемлекеттері қауымдастығы (АСЕАН) арасындағы ынтымақтастық бағдарламасын іске асыру нәтижелері және тұтынушылардың құқықтарын қорғау жөніндегі әріптестікті дамыту перспективалары талқыланды.
19 қарашаның 2025 ЕЭК Кеңесі жаңа кооперациялық жобаны және оны іске асыруға ЕАЭО бюджетінен субсиядия беруді мақұлдады Жоба бойынша өтініш беруші "Сбербанк" ЖарАҚ (Ресей) болып табылады. Жобаны дайын өнім өндіруге арналған жиынтықтауыштарды Беларусь пен Қазақстаннан жеткізетін кәсіпорындардың қатысуымен Қорған жол машиналары зауыты іске асыруда.
18 қарашаның 2025 Бақытжан Сағынтаев ШЫҰ елдерінің Үкімет басшылары кеңесінің отырысына қатысты Еуразиялық экономикалық комиссия Алқасының Төрағасы Бақытжан Сағынтаев 18 қарашада Мәскеуде Шанхай ынтымақтастық ұйымына мүше мемлекеттердің Үкімет басшылары кеңесінің отырысына қатысты.
17 қарашаның 2025 ЕАЭО елдерінің құрылыс-жол машина жасау саласындағы өнеркәсіптік ынтымақтастықтың перспективалық бағыттары айқындалды Еуразиялық экономикалық комиссия Алқасы 17 қарашадағы отырыста Еуразиялық экономикалық одақ аясында құрылыс-жол машина жасау саласындағы өнеркәсіптік ынтымақтастықты дамытудың перспективалық бағыттарын белгіледі.
17 қарашаның 2025 Андрей Слепнев бизнес өкілдерімен ЕЭК-тің сауда күн тәртібінің өзекті мәселелерін талқылады Еуразиялық экономикалық комиссияның сауда министрі Андрей Слепнев Ресей өнеркәсіпшілер және кәсіпкерлер одағының интеграция, сауда-кеден саясаты және ДСҰ жөніндегі комитетінің және халықаралық ынтымақтастық жөніндегі РӨКО комитетінің металлургия және тау-кен өнеркәсібі жөніндегі кіші комитетінің бірлескен отырысына қатысты.
Тағы да көрсету