Նորություններ
Արզիբեկ Կոժոշև. «ԵԱՏՄ և ԱՊՀ երկրների առավելությունը ենթակառուցվածքային համատեղելիությունն է»
Եվրասիական տնտեսական հանձնաժողովի էներգետիկայի և ենթակառուցվածքների նախարար Արզիբեկ Կոժոշևը մասնակցել է Անկախ պետությունների համագործակցության անդամ պետությունների Տրանսպորտի համակարգող խորհրդակցության 44-րդ նիստին։ Միջոցառումը կայացել է Մոսկվայում «Ռուսաստանի տրանսպորտ» միջազգային համաժողովի և ցուցահանդեսի շրջանակներում։
Արզիբեկ Կոժոշևը նշել է, որ տվյալ հարթակը ավանդաբար առանցքայիններից մեկն է տրանսպորտի հարցերում և կարևոր դեր է կատարում ընդհանուր տրանսպորտային տարածքի ձևավորման և ԱՊՀ երկրների տրանսպորտային համալիրների արդյունավետ գործունեության մեջ։ ԵՏՀ նախարարն ընդգծել է, որ Հանձնաժողովը բարձր է գնահատում տրանսպորտի ոլորտում ԱՊՀ-ի հետ համագործակցությունը։
Միևնույն ժամանակ, նա կարծում է, որ ԵԱՏՄ առաջնային խնդիրն է տրանսպորտային հաղորդակցությունների համատեղ կառուցումը ինքնաբավ սպասարկման ենթակառուցվածքի և կայուն տրանսպորտային հաղորդակցության տեխնոլոգիաների հիման վրա, որոնց հիմնական բաղադրիչները կլինեն արագությունը, անվտանգությունը, արժեքը և կայունությունը։
«ԵԱՏՄ և ԱՊՀ երկրների առավելությունը ենթակառուցվածքային համատեղելիությունն է, փորձը և համագործակցության ավանդույթները, որոնք, անկասկած, կարող են նպաստել նոր տարանցիկ միջանցքների ձևավորմանը և տրանսպորտային ծառայությունների խոշոր շուկաներ համատեղ մուտքին», - նշել է ԵՏՀ նախարարը։
Միջոցառմանը մասնակցել են ԱՊՀ պետությունների տրանսպորտային գերատեսչությունների ղեկավարները, որոնք քննարկել են Համագործակցության երկրների միջազգային տրանսպորտային միջանցքների, ենթակառուցվածքների արդյունավետ զարգացման և տրանսպորտի բոլոր տեսակներով փոխադրումների արդիականացմանն ուղղված մի շարք համատեղ միջոցառումներ:
