Նորություններ

Կահիրեում կայացել է Եվրասիական տնտեսական հանձնաժողովի առևտրի նախարար Անդրեյ Սլեպնևի առաջին հանդիպումը Եգիպտոսի Արաբական Հանրապետության արդյունաբերության և առևտրի նորանշանակ նախարար Ահմեդ Սամիր Սալեհի հետ։

Կողմերը հանգամանալից քննարկում են ունեցել առևտրատնտեսական համագործակցության զարգացման վերաբերյալ։ Պայմանավորվել են ակտիվացնել ազատ առևտրի մասին համաձայնագրի կնքման շուրջ բանակցային աշխատանքները։

«Հանդիպման ընթացքում առանձնահատուկ ուշադրություն է դարձվել ապագա փաստաթղթի իրականացմանը, ներառյալ աջակցումը գործարար կապերին, կոոպերացիոն արտադրությունների ստեղծումը և փոխադարձ հետաքրքրություն ներկայացնող այլ ոլորտներ, - նշել է Անդրեյ Սլեպնևը: - Մենք համաձայնեցրել ենք բանակցությունների հերթական փուլի անցկացումը այս տարվա հուլիսին Մոսկվայում»։