Նորություններ

21.02.2022 (Обновлено: 02.03.2022 17:55)

ԵԱՏՄ-ը զրոյացրել է ներմուծման մաքսատուրքերը տերեֆտալաթթվի նկատմամբ

Եվրասիական տնտեսական հանձնաժողովի Խորհուրդը որոշում է ընդունել ներմուծման մաքսատուրքի 0% դրույքաչափ սահմանել տերեֆտալաթթվի և դրա աղերի նկատմամբ մինչև 2024 թվականի մարտը։

«Միջոցը կիրառվում է Եվրասիական տնտեսական միության ներքին շուկայում այդ հումքի պակասուրդի լրացման և պոլիէթիլենտերեֆտալատի արտադրությամբ զբաղվող ձեռնարկությունների պահանջմունքների բավարարման համար», - նշել է ԵՏՀ մաքսասակագնային և ոչ սակագնային կարգավորման վարչության փոխտնօրեն Նատալյա Սամոյլովան։

Պոլիէթիլենտերեֆտալատը հիմնականում օգտագործվում է պոլիեթերային մանրաթելերի և թելերի, ինչպես նաև սննդի արդյունաբերության համար պլաստիկից շշերի, թաղանթների և փաթեթավորման տարայի պատրաստման համար նախաձևերի արտադրության մեջ։

Ներկայումս տերեֆտալաթթվի և դրա աղերի նկատմամբ ներմուծման մաքսատուրքի ԵԱՏՄ ՄՄՍ դրույքաչափը սահմանվել է մաքսային արժեքի 5%-ի չափով։

ԵՏՀ Խորհրդի որոշումը ուժի մեջ է մտնելու պաշտոնական հրապարակման օրվանից 10 օրացուցային օրը լրանալուց հետո։

Տեղեկանք

Տերեֆտալաթթվի և դրա աղերի նկատմամբ մաքսային արժեքի 0%-ի չափով ներմուծման մաքսատուրքի դրույքաչափը կիրառվել է 2015 թվականից մինչև 2021 թվականի դեկտեմբերի 31-ը ժամանակահատվածում։