Жаңылыктар

21.02.2022 (Обновлено: 02.03.2022 17:59)

ЕАЭБ терефтал кычкылдыгын алып келүү алымдарын нөлгө түшүрдү

Евразия экономикалык комиссиясынын Кеңеши терефтал кычкылдыгына жана анын туздарына карата алып келүү бажы алымынын ченин 2024-жылдын март айына чейин 0% өлчөмүндө белгилөө чечимин кабыл алды.

"Чара Евразия экономикалык бирлигинин ички рыногундагы чийки заттагы тартыштыкты толтуруу жана полиэтилентерефталат өндүрүү менен алектенген ишканалардын керектөөлөрүн канааттандыруу үчүн киргизилет", - деп ЕЭКтин бажы-тарифтик жана тарифтик эмес жөнгө салуу департаментинин директорунун орун басары Наталия Самойлова белгиледи.
Полиэтилентерефталат негизинен полиэфир булаларын жана жиптерин, ошондой эле тамак-аш өнөр жайы үчүн желим бөтөлкөлөрдү, пленкаларды жана таңгактоочу идиштерди жасоо үчүн преформаларда колдонулат.

Азыркы учурда терефтал кычкылдыгына жана анын туздарына карата ЕАЭБ ББТ алып келүү бажы алымынын чени бажы наркынан 5% өлчөмдө белгиленген.

ЕЭК Кеңешинин Чечими расмий түрдө жарыяланган күндөн тарта 10 календардык күн өткөндөн кийин күчүнө кирет.

Маалымат

2015-жылдан 2021-жылдын 31-декабрына чейин терефтал кычкылдыгына жана анын туздарына алып келүү бажы алымынын чени бажы наркынан 0% өлчөмүндө колдонулган.