Նորություններ
Ծառայությունների միասնական շուկա. ԵՏՀ-ն պայմաններ է ստեղծում ԳՀԱ ծառայությունների ոլորտում արդյունավետ փոխգործակցության համար
Եվրասիական տնտեսական հանձնաժողովի խորհուրդը հավանություն է տվել Գիտահետազոտական աշխատանքների (ԳՀԱ) իրականացման ծառայությունների ոլորտում վարչական համագործակցության մասին համաձայնագրի նախագծին, որն ուղարկվել է Եվրասիական տնտեսական միության երկրներ ստորագրման համար անհրաժեշտ ներպետական ընթացակարգերն անցնելու համար։
Համաձայնագիրը կապահովի արդյունավետ տեղեկատվական փոխգործակցություն ԵԱՏՄ երկրների իրավասու մարմինների միջև՝ ԳՀԱ մշակումների ընթացքում սպառողների իրավունքների պաշտպանության և անբարեխիղճ գործարար պրակտիկայի դեմ պայքարի համար:
Փաստաթղթի նախագիծը սահմանում է կողմերի լիազոր մարմինների պաշտոնական կայքերում տեղադրվող տեղեկատվության ցանկը, ներառյալ արդիական նորմատիվ իրավական ակտերը, միջոցառումները և ԳՀԱ ծառայությունների միասնական շուկայի մասնակիցների մասին տեղեկատվությունը: Բացի այդ, նախատեսված է տրված թույլտվությունների և դրանք անվավեր ճանաչելու մասին տեղեկությունների փոխանակում։
ԵՏՀ էկոնոմիկայի և ֆինանսական քաղաքականության նախարար Բախիթ Սուլթանովի խոսքով՝ այս Համաձայնագրի իրականացումը պայմաններ կստեղծի ԵԱՏՄ ԳՀԱ ծառայությունների միասնական շուկայում թափանցիկության և անվտանգության ապահովման համար։
«Համաձայնագիրը ոչ միայն կպաշտպանի սպառողների իրավունքները, այլև ավելի բարենպաստ պայմաններ կստեղծի միասնական շուկայի մասնակիցների համար»,- նշել է ԵՏՀ նախարարը։
