Նորություններ

28.11.2023 (Обновлено: 30.11.2023 09:13)

ԵՏՀ-ն և ԵԱՏՄ Գործարար խորհուրդը պայմանավորվել են համատեղ աշխատել Միությունում արդյունաբերական կոոպերացիայի զարգացման ուղղությամբ

Տնտեսության իրական հատվածին աջակցելու նոր միջոցները, Եվրասիական տնտեսական միության երկրների ձեռնարկատերերի արդյունավետ փոխգործակցությունը նոր արդյունաբերական նախագծեր ստեղծելու նպատակով դարձել են Սանկտ Պետերբուրգում Եվրասիական տնտեսական հանձնաժողովի և ԵԱՏՄ Գործարար խորհրդի փոխգործակցության խորհրդատվական կոմիտեի նիստի օրակարգի գլխավոր թեմաները։


ԵՏՀ արդյունաբերության և ագրոարդյունաբերական համալիրի նախարար Արտակ Քամալյանը մանրամասն ներկայացրել է Միությունում արդյունաբերական կոոպերացիոն նախագծերի ֆինանսավորման նոր ընդունված մեխանիզմը։ ԵՏՀ նախարարը միջոցառման մասնակիցներին մանրամասն ծանոթացրել է նախագծերի ընտրության չափանիշներին, դրանց քննարկման կանոններին, տրամադրել նախագծերի իրականացման համար առավել գերակա ոլորտների ցանկը։

«Վստահ եմ, որ մեր կայացրած որոշումների կիրարկումը թույլ կտա որակապես բարելավել ինտեգրացիոն փոխգործակցությունը ԵԱՏՄ-ում», – նշել է Արտակ Քամալյանը։
ԵՏՀ նախարարը շնորհակալություն է հայտնել ԵԱՏՄ Գործարար խորհրդին միջոցառումը բարձր մակարդակով կազմակերպելու համար, ինչպես նաև հանդիպման ընթացքում պատասխանելով հարցերին, նշել է բիզնեսի առաջատար դերը հեռանկարային կոոպերացիոն նախագծերի փաթեթի ձևավորման գործում, որոնք կարող են իրականացվել արդյունաբերությանն աջակցելու նոր միջոցների օգնությամբ: Նա նաև ընդգծել է, որ Միության պետությունների գործարար շրջանակների համակարգող և խորհրդատվական մարմինն ունի բիզնես նախաձեռնությունների փորձագիտական գնահատման արժեքավոր ռեսուրս, և այդ գործոնը կդառնա Հանձնաժողովի և ԵԱՏՄ Գործարար խորհրդի միջև հետագա փոխգործակցության առանցքային գործոններից մեկը։

Արտակ Քամալյանն ընդգծել է, որ ԵՏՀ-ն շահագրգռված է ԵԱՏՄ բիզնեսի հետ ավելի ակտիվ համագործակցությամբ, և նշել իր պատրաստակամությունը շարունակելու աշխատանքը ԵԱՏՄ բյուջեից ֆինանսական աջակցության հնարավորության մասին գործարար շրջանակների իրազեկվածության բարձրացման ուղղությամբ։ Այսպես, դեկտեմբերի 11-ին ժամը 11.00-ին Ռուսաստանի Դաշնության Առևտրաարդյունաբերական պալատի տարածքում տեղի կունենա արդյունաբերական կոոպերացիայի զարգացման նոր մեխանիզմի բաց շնորհանդեսը։

«Մենք երկխոսության ենք հրավիրում ԵԱՏՄ երկրների բոլոր ձեռնարկատերերին, որոնք հետաքրքրված են կոոպերացիոն նախագծեր ստեղծելու հարցում և ֆինանսական օգնության կարիք ունեն», – եզրափակել է ԵՏՀ նախարարը։


Միջոցառման հայտարարությունը՝ հղումով: